முகப்பு /செய்தி /லைஃப்ஸ்டைல் / புதிதாக ட்ரெக்கிங் செல்பவரா நீங்கள்... உங்களுக்கான ஸ்பாட் இதுதான்..! இப்பவே டிக்கெட் புக் பண்ணுங்க

புதிதாக ட்ரெக்கிங் செல்பவரா நீங்கள்... உங்களுக்கான ஸ்பாட் இதுதான்..! இப்பவே டிக்கெட் புக் பண்ணுங்க

டிஸுகோ பள்ளத்தாக்

டிஸுகோ பள்ளத்தாக்

கடல் மட்டத்திலிருந்து 2452 மீ உயரத்தில் அமைந்துள்ள இந்த பள்ளத்தாக்கிற்கு அங்கமி மற்றும் மாவோ பழங்குடியின மக்கள் அவர்களது பேச்சுவழக்கில் டிஸுகோ என்று பெயர் வைத்தனர்.

  • News18 Tamil
  • 1-MIN READ
  • Last Updated :
  • Nagaland |

எனக்கு ட்ரெக்கிங் போக ஆசை. ஆனால் இந்த வழுக்கும் பாறைகள், பெரிய பெரிய மரங்கள், சரிவான மலைப்பாதை எல்லாம் இருக்க கூடாது என்று நினைப்பவராக இருந்தால் உங்களுக்கான சரியான இடம் கிடைத்துவிட்டது. இப்போதே நாகலாந்துக்கு ஒரு டிக்கெட்டை போட்டுடுங்க. அங்கே இருக்கும் டிஸுகோ பள்ளத்தாக்கு தான் உங்கள் விருப்பத்தை முழுமையாக பூர்த்தி செய்யும்.

டிஸுகோ பள்ளத்தாக்கு என்பது நாகலாந்து- மணிப்பூர் எல்லைப்பகுதியில் அமைந்துள்ளது. முன்னொரு காலத்தில் இங்குள்ள மக்கள் விவசாயம் செய்வதற்காக மலைகளை தாண்டி தண்ணீர் இருக்கும் சமவெளி பகுதிகளைத் தேடி சென்றுள்ளனர். அப்போது மரங்கள் இல்லாத புல்வழி ஒன்று தென்பட்டுள்ளது.

இந்த இடத்தை சுத்தம் செய்து விவசாயம் செய்ய முயற்சித்துள்ளனர். ஆனால் இந்த நிலம் அவர்களுக்கு ஒத்துவரவில்லை. பின்னர் இது சிறந்த சுற்றுலாத்தலமாக மாறிவிட்டது. பெரிதாக உலகத்திற்கு தெரியாவிட்டாலும் கணிசமான பயணிகள் இங்கு வருகை தருகின்றனர். அதிகம் கூட்டம் இல்லாத அதேநேரம் அமைதியான இடத்திற்கு பணிக்க விரும்புபவர்கள் இங்கே வருகை தருகின்றனர்.

கடல் மட்டத்திலிருந்து 2452 மீ உயரத்தில் அமைந்துள்ள இந்த பள்ளத்தாக்கிற்கு அங்கமி மற்றும் மாவோ பழங்குடியின மக்கள் அவர்களது பேச்சுவழக்கில் டிஸுகோ என்று பெயர் வைத்தனர். டிஸுகோ என்றால் அவர்களது மொழியில் "குளிர்ந்த நீர்" என்று பொருள். இந்த அழகிய பள்ளத்தாக்கிற்கு செல்ல 3 பாதைகள் இருக்கிறது. நாகலாந்து வழியாக 2 பாதைகளும் மணிப்பூர் வழியாக 1 பாதையும் உள்ளது.

நாகாலாந்து பக்கத்திலிருந்து செல்கிறீர்கள் என்றால், நீங்கள் விஸ்வேமா அல்லது ஜக்காமா பக்கத்திலிருந்து செல்லலாம். விஸ்வேமா பாதை தான் டிஸுகோ பள்ளத்தாக்கின் பிரதான பாதை மற்றும் குறைவான தூரம் கொண்ட பாதை. ஜக்காமா பாதை பார்க்க கவர்ச்சிகரமானதாகத் தோன்றும். ஆனால் விஸ்வேமா பாதையுடன் ஒப்பிடும்போது, ​​இந்த பாதையின் தூரம் அதிகம் என்பதை நினைவில் கொள்ளுங்கள். இந்த ட்ரெக்கிங் பாதைகள் சராசரியாக 9 கிலோமீட்டர் தூரம் இருக்கும், 5-6 மணிநேரத்தில் பள்ளத்தாக்கை அடையலாம்.

மணிப்பூரின் பக்கத்திலிருந்து பள்ளத்தாக்கைப் பார்க்க நீங்கள் திட்டமிட்டால், சேனாபதி மாவட்டத்தில் உள்ள டெம்பு மலையிலிருந்து ஆறு மணி நேர மலையேற்றம் அதற்கு வழிவகுக்கும். இது புதிதாக அமைக்கப்பட்டுள்ள பாதை என்பதால் கொஞ்சம் கரடு முரடாக இருக்கும் . எந்த பக்கத்திலிருந்து நீங்கள் பள்ளத்தாக்கிற்கு சென்றாலும், ஒரு உள்ளூர் வழிகாட்டியை உடன் அழைத்துச் செல்வது நல்லது. பாதை மாறாமல் இருக்க உதவியாக இருப்பர்.

மற்றொரு முக்கியமான விஷயம் டிஸுகோ பள்ளத்தாக்கிற்குள் நுழைவதற்கு முன், உங்கள் பிளாஸ்டிக் பொருட்களுக்கான பாதுகாப்பு வைப்புத்தொகையை நீங்கள் செலுத்த வேண்டும். பயணம் முடித்த பின்னர் உங்களின் அனைத்து பிளாஸ்டிக் பொருட்களையும் திரும்ப கொண்டு வந்த பின்னரே பாதுகாப்பு வைப்புத்தொகை உங்களுக்கு திரும்ப கிடைக்கும். காரணம் டிஸுகோ பள்ளத்தாக்கு பிளாஸ்டிக் இல்லாத பகுதி!

இதையும் படிங்க: பூமியின் வடகோடி நகரம் எப்படி இருக்கும் என்று யோசித்ததுண்டா..? இங்கே பாருங்க...

டிஸுகோ பள்ளத்தாக்கு செல்ல 2 நாட்கள் திட்டம் போடுவது சரியாக இருக்கும் 1 நாள் ஏறிவிட்டு பள்ளத்தாக்கில் 1 நாள் தங்கிவிட்டு அடுத்த நாள் திரும்ப வரலாம். தங்கும் விடுதியில் ஒரு நபருக்கு 50 ரூபாய், ஒரு தனி அறையில் ரூ 150 கட்டணம் வசூலிக்கப்படுகிறது. அல்லது உங்கள் சொந்த கூடாரத்தை அமைத்து கூட தங்கலாம்.

First published:

Tags: Nagaland, Travel