Home /News /lifestyle /

International Kissing Day : லிப்லாக் முத்தத்தில் இத்தனை நன்மைகளா..? தெரிந்துகொள்ளுங்கள்..

International Kissing Day : லிப்லாக் முத்தத்தில் இத்தனை நன்மைகளா..? தெரிந்துகொள்ளுங்கள்..

லிப்லாக் முத்தத்தில் இத்தனை நன்மைகளா

லிப்லாக் முத்தத்தில் இத்தனை நன்மைகளா

பொதுவாக லிப்லாக் முத்தத்தின் போது வாய் மற்றும் உமிழ்நீர் வழியே 80 மில்லியன் பாக்டீரியாக்கள் பரிமாறிப்படுவதாக அறிவியல் கூறுகிறது. எனவே தேவையற்ற கிருமிகள் உள்நுழைவதை தவிர்க்க சுகாதாரமான முறையில் லிப்லாக் கொடுப்பது சிறந்தது என்றும் பரிந்துரைக்கப்படுகிறது.

மேலும் படிக்கவும் ...
    தாய் தரும் பாச முத்தம் துவங்கி தாரத்திடம் பெறும் காம முத்தம் வரை, வாழ்வின் அனைத்து கட்டங்களிலும் நமக்கு பாச பிணைப்பை உணர்த்தும் ஒன்றாக உள்ளது முத்தம். திருமண அல்லது காதல் வாழ்வில் துணையிடம் நெருக்கத்தை ஏற்படுத்தும் எளிய வழிகளில் அற்புதமான ஒன்று முத்தம். அதிலும் பார்ட்னர்களுக்குள் கொடுத்து கொள்ளும் லிப்லாக் முத்தமான உதட்டோடு உதடு வைத்து கொடுத்து கொள்ளும் முத்தம். இது உயிரை விட மேலாக ஒருவர் மற்றொருவரை நேசிப்பதை வெளிப்படுத்தும் அடையாளமாகவும் உள்ளது.

    லிப்லாக் முத்தம் தம்பதியர் இடையே நெருக்கத்தை அதிகரிப்பதோடு மட்டுமல்லாமல், உடலுக்கும் அதிக நன்மை தர கூடியது என்பது தெரியுமா? லிப்லாக் பின்னால் ஒரு முழு அறிவியல் இருப்பது தெரியுமா? திரைப்படங்கள், கவிதைகள், நாடகங்கள் ஆகியவற்றின் கிளைமேக்ஸ் பெரும்பாலும் ஜோடியின் லிப்லாக்குடன் நிறைவடையும்.

    பொதுவாக லிப்லாக் முத்தத்தின் போது வாய் மற்றும் உமிழ்நீர் வழியே 80 மில்லியன் பாக்டீரியாக்கள் பரிமாறிப்படுவதாக அறிவியல் கூறுகிறது. எனவே தேவையற்ற கிருமிகள் உள்நுழைவதை தவிர்க்க சுகாதாரமான முறையில் லிப்லாக் கொடுப்பது சிறந்தது என்றும் பரிந்துரைக்கப்படுகிறது.

    லிப்லாக் பின்னால் உள்ள அறிவியல் : இயற்கையான விஷயமாக உள்ள முத்தம், அடிப்படை மனித உள்ளுணர்வை பிரதிபலிக்கும் விதமாக உலகிலுள்ள சுமார் 90% கலாச்சாரங்களில் கடைபிடிக்கப்பட்டு வருவது ஆய்வில் தெரிய வந்துள்ளது. லிப்லாக் முத்தம் உமிழ்நீர் சுரப்பிகளை தூண்டி அதன் உற்பத்தியை அதிகரிக்கிறது.



    அதிக உமிழ்நீர் சுரப்பது பல விதங்களில் நன்மைகளை தரும். உமிழ்நீர் அதிகம் சுரப்பது உணவுகளை சிரமமின்றி எளிதாக விழுங்கவும், உணவு துகள்கள்பற்களில் ஒட்டாமல் இருக்கவும்,பல் சிதைவு மற்றும் பற்களில் ஏற்படும் துவாரங்களை தடுக்கவும் உதவுகிறது.

    கருத்தடை பற்றி தம்பதிகள் அறிந்து கொள்ள வேண்டியவை என்னென்ன..? 

    மன அழுத்தம் குறையும் : பொதுவாக மனசோர்வு அல்லது மன அழுத்தத்தின் போது துணை தரும் பாச முத்தம் பாதி டென்ஷனை குறைத்து விடும். லிப்லாக்கின் போது மன அழுத்தம் மொத்தமும் இருந்த இடம் தெரியாமல் காணாமல் போய்விடுவதாக ஆய்வு முடிவுகள் தெரிவிக்கின்றன. இதற்கான அறிவியல் காரணம் என்ன தெரியுமா? மன அழுத்தத்திற்கு கார்டிசோல் என்ற ஹார்மோன் சுரப்பது காரணம். முத்தத்தை பரிமாறி கொள்ளும் போது கார்டிசோல் ஹார்மோன் சுரப்பது படிப்படியாக குறைந்தது, இதற்கு பதிலாக மனதிற்கு உற்சாகம் தரும் ஆக்ஸிடாஸின் என்ற ஹார்மோன் சுரப்பு அதிகமாகிறது.



    லிப்லாக்கின் போது மூளையில் என்ன நடக்கிறது : லிப்லாக்கின் போது மூளை ஒரு ரசாயன காக்டெய்லை வெளிப்படுத்துகிறது, இது முத்தம் கொடுத்து கொள்ளும் இருவரையும் ஒருவரை ஒருவர் நன்றாக உணர உதவி செய்கிறது. லிப்லாக்கின் போது மனதை உற்சாகமாக உணர வைக்கும் ஆக்ஸிடாஸின், டோபமைன் மற்றும் செரோடோனின் உள்ளிட்ட ரசாயனங்கள் சுரக்கிறது. இது இருவருக்குமான பாசப்பிணைப்புகளை ஊக்குவிக்கிறது. ஸ்ட்ரெஸிற்கு காரணமான கார்டிசோல்அளவை உடனடியாக குறைக்கிறது.

    திருமண உறவுகளில் பிரச்சனைகள் வர என்ன காரணம் தெரியுமா..? இதை படியுங்கள்...

    லிப்லாக் முத்தத்தின் போது 9 மி.கி நீர், .7 மி.கி புரதம், .18 மி.கி கரிம சேர்மங்கள், .71 மி.கி வெவ்வேறு கொழுப்புகள் மற்றும் .45 மி.கி சோடியம் குளோரைடு உள்ளிட்டவை பரிமாறிக் கொள்ளப்படுகிறது முக்கியமாக முத்தங்கள் கலோரிகளை எரிக்க உதவுகின்றன. ஆழ்ந்து முத்தம் கொடுத்து கொள்ளும் போது உடலில் உள்ள சுமார் 30 தசைகள் ஒரே நேரத்தில் பயன்படுத்தப்படுவதால், நிமிடத்திற்கு சுமார் 2 முதல் 26 கலோரிகள் எரிக்கப்படுகின்றன.



    முத்தம் தரும் நன்மைகள் : மகிழ்ச்சிக்கான ஹார்மோன்களை சுரக்க செய்கிறது, துணையுடனான பிணைப்பை வலுவாக்குகிறது,மன அழுத்தத்தை நீக்கி, பதற்றத்தையும் குறைக்கிறது , ரத்த அழுத்தம் மற்றும் தலைவலியை குறைக்கிறது, முக்கியமாக நோய் எதிர்ப்பு சக்தியை அதிகரிக்க செய்கிறது.

     

     
    Published by:Sivaranjani E
    First published:

    Tags: International Kissing Day, Lip Kiss

    அடுத்த செய்தி