Home /News /lifestyle /

தாய்மார்கள் வேலை, குடும்பம் இரண்டையும் சரியாக பேலன்ஸ் செய்வது எப்படி?

தாய்மார்கள் வேலை, குடும்பம் இரண்டையும் சரியாக பேலன்ஸ் செய்வது எப்படி?

காட்சி படம்

காட்சி படம்

Parenting Tips: தாயாகிய நாம் மகிழ்ச்சியாக இருந்தால்தான், நம்மை சுற்றி உள்ளவர்களுக்கு அன்பையும் மகிழ்ச்சியையும் தர முடியும்.

நமது வாழ்வில் தாயின் இடத்தை யாராலும் ஈடு செய்ய முடியாது. அந்த அளவிற்கு நம்மை தன்னலமின்றி நேசிப்பவர் அவர்தான். நம் வாழ்வில் அன்னையின் தன்னலமற்ற பங்களிப்பை போற்றும் வகையில் ஒவ்வொரு ஆண்டும் மே மாதம் இரண்டாவது ஞாயிற்றுக்கிழமை 'அன்னையர் தினத்தை' கொண்டாடுகிறோம். தாய் என்பவர் பல விஷயங்களை நமக்காக செய்து வருகிறார். சில சமயங்களில் நமக்கு நல்லது எது, தவறு எது என்பதைப் பிரித்தறிவதற்கு கற்றுக்கொடுக்கும் நல்ல ஆசிரியராகவும் இருக்கிறார்.

இப்படி பல வகையிலும் தன்னை பற்றி யோசிக்காமல், தனது குழந்தைகளுக்காக ஏராளமான விஷயங்களை செய்து வரும் தாய் என்பவர், தனது தொழில் மற்றும் தனிப்பட்ட வாழ்க்கையை எவ்வளவு திறமையாக நிர்வகிக்கிறார் என்பதை குறித்து நாம் எப்போதாவது யோசித்திருக்கிறோமா? இந்தக் கேள்விக்குப் பதிலளிக்க, தொழில் மற்றும் தனிப்பட்ட வாழ்க்கைக்கு இடையே அவர்களின் வேலைநிறுத்தம் எவ்வாறு சமநிலையை ஏற்படுத்துகிறது என்பதை அறிய, தொழில்துறையில் உள்ள சில வேலை செய்யும் தாய்மார்கள் கூறும் அனுபவத்தை தெரிந்து கொண்டோம். அவற்றை நீங்கள் அறிந்து கொள்வதற்காக!

சக்ஷி கட்டியல் :

ஹோம் & சோல் நிறுவனத்தின் தலைமை நிர்வாக அதிகாரியாக இருக்கும் சக்ஷி கட்டியல், வேலை மற்றும் குடும்ப ஆகியவற்றின் சமநிலை குறித்து சில கருத்துக்களை பகிர்ந்து கொண்டார். வெற்றி என்பது உங்களுடையது என உணர்ந்தால் மட்டுமே அது அர்த்தமுள்ளதாகவும் சுவாரஸ்யமாகவும் இருக்கும் என்று மைக்கேல் ஒபாமா சொல்லிய கூற்றை இவரும் பின்பற்றுகிறார். ஃபேஷன் டிசைனிங் பின்னணியில் இருந்து வந்த இவர், ரியல் எஸ்டேட் துறையில், ஆண்களின் ஆதிக்கம் செலுத்தி வரும் துறையில், முத்திரை பதிக்க விரும்பி உள்ளார். ஐந்தாண்டுகளுக்கு முன்பு, தனது முதல் ரியல் எஸ்டேட் திட்டத்தை புதிதாக தொடங்கியபோது, பல சவால்களை சந்தித்துள்ளார்.



ஒரு தாயாகவும் மனைவியாகவும் இருந்ததால், ஒரு புதிய கட்டத்தை நினைத்துப் பார்ப்பது தனக்கு சவாலாக இருந்ததாக அவர் கூறியுள்ளார். மேலும் மிகுந்த பொறுமை மற்றும் கடின உழைப்பும் இதற்கு தேவைப்படும். ஆனால் இந்த பயணத்தில் நான் பெருமைப்படுகிறேன். இது தொழில் போட்டியால் நிரம்பியுள்ளது மற்றும் ஒவ்வொரு ஆண்டும் நல்ல வணிகம் இதன் மூலம் கிடைத்து செழித்து வருகிறோம். இளைய தலைமுறையினருக்கு எனது ஆலோசனை என்னவென்றால், சவால்களில் சிக்கிக் கொள்ளாதீர்கள். ஒவ்வொரு தோல்வியையும் கற்றலாக எடுத்துக் கொள்ளுங்கள், உங்கள் இலக்குகளை நோக்கி அடியெடுத்து வைத்துக்கொண்டே இருங்கள், உலகம் உங்களுடையதாக வசப்படும்.

also read : உங்களுக்கு நீரிழிவு நோய் இருப்பதை உணர்த்தும் சரும பாதிப்பு அறிகுறிகள்..

ஆயிஷா எஸ்.பாட்டியா :

இவர் எண்டோர்பின்ஸ் என்டர்டெயின்மென்ட் பிரைவேட் லிமிடெட் என்கிற நிறுவனத்தின் இணை நிறுவனர், தலைமை சினெர்ஜி அதிகாரி மற்றும் சோல்ப்ரீனராக உள்ளார். ஒரு தாயாக இருப்பது முழுமையானது அல்ல, இருப்பினும் எனது குறைபாடுகளை நேசிப்பது என்று காலப்போக்கில் நான் கற்றுக்கொண்டேன். பல நேரங்களில் என்னால் எல்லாவற்றையும் நிர்வகிக்க முடியவில்லை என்று நான் நினைக்கும் நாட்கள் உள்ளன.

ஆனால் குடும்பத்தின் ஆதரவுடன் இறுதியில் எல்லா விஷயங்களையும் செய்து முடித்து விடுகிறேன். எனது வேலை மற்றும் குடும்பம் இரண்டும் எனக்கு மகிழ்ச்சியைக் கொடுக்கும், அதே வேளையில் எனக்காக நேரத்தை ஒதுக்கி, எனக்கு மகிழ்ச்சியைத் தரும் விஷயங்களை செய்வதில் அதிக கவனம் செலுத்துவேன்.

தாயாகிய நாம் மகிழ்ச்சியாக இருந்தால்தான், நம்மை சுற்றி உள்ளவர்களுக்கு அன்பையும் மகிழ்ச்சியையும் தர முடியும். நமது குழுவை வழி நடத்துவதற்கும், சிறந்த தொழில்முனைவோராக இருப்பதற்கும் எனது தாய்மை உள்ளுணர்வு எனக்கு சமமாக உதவுவதில் நான் மகிழ்ச்சியடைகிறேன். வேலையில் அல்லது வீட்டில் உள்ள அனைத்து தாய்மார்களுக்கும் எனது வாழ்த்துக்கள். நாம் அனைவரும் இன்று அல்ல, ஒவ்வொரு நாளும் பாராட்டுக்கு தகுதியானவர்களே! என்று தனது அனுபவத்தை பகிர்ந்து கொண்டார் ஆயிஷா.



ரீத்திகா குப்தா :

இவர் மம்மி அண்ட் லைஃப்ஸ்டைல் ​​என்கிற தளத்தில் டிஜிட்டல் கிரியேட்டராக பணிபுரிகிறார். வேலை மற்றும் வீட்டை நிர்வகிப்பது பற்றி இவருடன் கேட்டபோது, "ஒரு வேலை செய்யும் அம்மாவாக, நீங்கள் தொழில் ரீதியாக லட்சியமாகவும் அதே சமயம் ஆழமாகவும், அன்பாகவும் உங்கள் குடும்பத்திற்கு அர்ப்பணிப்புடன் இருக்க முடியும் என்று நான் நம்புகிறேன்.

also read : கோடைகாலத்தில் அதிகரிக்கும் சிறுநீரக கற்கள் : காரணங்கள், அறிகுறிகள் மற்றும் சிகிச்சை முறைகள் இதோ..

சரியான வேலை-வாழ்க்கை சமநிலையை கண்டறிவதே அதில் உள்ள வெற்றி. சமநிலையாக செல்ல ஒரு அட்டவணையை உருவாக்குங்கள், பணிகளுக்கு முன்னுரிமை கொடுங்கள், உங்களுக்காக நேரத்தை ஒதுக்குங்கள். உடல் ரீதியாக சுறுசுறுப்பாகவும், நிகழ்காலத்தில் கவனம் செலுத்தவும் கற்றுக்கொள்ளுங்கள். இது போன்ற எளிய தந்திரங்கள் உங்கள் குடும்பம் மற்றும் பணி வாழ்வின் எதிர்பார்ப்புகளை நிர்வகிக்க உதவும்" என்று குறிப்பிட்டு பேசினார்.



சாக்ஷி யூனியால் :

இவர் ஒரு பி.ஆர் தொழில்துறையில் பணி செய்கிறார். வேலை மற்றும் குடும்பத்தில் சமநிலையை கொண்டு வர சில விஷயங்களை கூறினார். "இப்போதெல்லாம் பெரும்பாலான பெண்கள் வேலை செய்கிறார்கள், அத்தகைய சூழ்நிலையில் வீடு மற்றும் அலுவலகம் இரண்டிற்கும் இடையே சமநிலையை பராமரிப்பது சற்று கடினமாக உள்ளது.

also read : 2 ஆண்டுகள் வரையிலும் நீடிக்கும் கொரோனா அறிகுறிகள்.. சமீபத்திய ஆய்வில் தகவல்..

இந்த சமநிலையை உருவாக்க, தேவை மற்றும் முன்னுரிமை பற்றி நீங்கள் அறிந்துகொள்ள வேண்டும். அதாவது, தேவையான வேலையை முதலில் செய்ய வேண்டும். உதாரணமாக, உங்கள் பிள்ளை நோய் வாய்ப்பட்டிருந்தாலோ அல்லது அவருடைய தேர்வுகள் நடக்கின்றன என்றாலே அல்லது அவருக்கு நீங்கள் தேவைப்படுகிறீர்கள் என்றாலோ, நீங்கள் அலுவலகத்திற்கு பதிலாக குழந்தைக்கு முக்கியத்துவம் கொடுக்க வேண்டும்.

மாறாக, அலுவலகத்தில் இருந்து உங்களுக்கு முக்கியமான பணி கிடைத்திருந்தால் அதற்கு முதலில் முக்கியத்துவம் கொடுங்கள். மேலும் உங்களுக்காகவும் நேரம் ஒதுக்குங்கள். அனைத்து வேலைகளையும் சரியான நேரத்தில் செய்ய முயற்சியுங்கள். சமூக ஊடகங்களில் நேரத்தை வீணடிப்பதைத் தவிர்க்கவும். முன் திட்டமிடுதல் மற்றும் உங்கள் முன்னுரிமைகளை குறித்து வைத்து செய்வதன் மூலம், உங்கள் வாழ்க்கையில் நீங்கள் சந்தோஷமாக இருக்க முடியும்.

 
Published by:Tamilmalar Natarajan
First published:

Tags: Parenting Tips

அடுத்த செய்தி