Home /News /lifestyle /

தேசிய மாசு தடுப்பு தினம்: பல்வேறு வகையான மாசுபாடுகளும் அவற்றால் சுற்றுச்சூழலுக்கு ஏற்படும் பாதிப்புகளும்!

தேசிய மாசு தடுப்பு தினம்: பல்வேறு வகையான மாசுபாடுகளும் அவற்றால் சுற்றுச்சூழலுக்கு ஏற்படும் பாதிப்புகளும்!

ஒவ்வொரு ஆண்டும் இந்தியாவில் டிசம்பர் 2ம் தேதி தேசிய மாசுத் தடுப்பு தினம் கடைபிடிக்கப்படுகிறது. போபால் வாயுக்கசிவில் மரணம் அடைந்த மக்களின் நினைவாக இந்த நாள் அனுசரிக்கப்பட்டு வருகிறது.

ஒவ்வொரு ஆண்டும் இந்தியாவில் டிசம்பர் 2ம் தேதி தேசிய மாசுத் தடுப்பு தினம் கடைபிடிக்கப்படுகிறது. போபால் வாயுக்கசிவில் மரணம் அடைந்த மக்களின் நினைவாக இந்த நாள் அனுசரிக்கப்பட்டு வருகிறது.

ஒவ்வொரு ஆண்டும் இந்தியாவில் டிசம்பர் 2ம் தேதி தேசிய மாசுத் தடுப்பு தினம் கடைபிடிக்கப்படுகிறது. போபால் வாயுக்கசிவில் மரணம் அடைந்த மக்களின் நினைவாக இந்த நாள் அனுசரிக்கப்பட்டு வருகிறது.

    ஒவ்வொரு ஆண்டும் இந்தியாவில் டிசம்பர் 2ம் தேதி தேசிய மாசுத் தடுப்பு தினம் கடைபிடிக்கப்படுகிறது. போபால் வாயுக்கசிவில் மரணம் அடைந்த மக்களின் நினைவாக இந்த நாள் அனுசரிக்கப்பட்டு வருகிறது. 1984-ஆம் ஆண்டு டிசம்பர் 2 மற்றும் 3தேதி இரவில் போபாலில் இந்த துயர் சம்பவம் நிகழ்ந்தது குறிப்பிடத்தக்கது. இதில் ஏராளமானோர் உயிரிழந்தனர். இன்றைய காலகட்டத்தில் காற்று மாசுபாடு என்பது மிகப்பெரிய பிரச்சனையாக பார்க்கப்படுகிறது. உதாரணமாக, நைட்ரஜன் மற்றும் கந்தகத்தின் கூறுகள், காற்று மாசுபாட்டின் காரணமாக காற்றில் கலக்கும்போது, ​​அவை அமில மழை எனப்படும் ஒரு நிகழ்வை வினைபுரிந்து தூண்டுகிறது.

    இது நீர், மண், செங்கல் மற்றும் மோட்டார் கட்டமைப்புகள் மற்றும் மனித ஆரோக்கியத்தை பெரிதும் பாதிக்கிறது. ஆனால் நமது சுற்றுசூழல் வெறும் காற்று மாசினால் மட்டும் பாதிக்கப்படுவதில்லை. மாசுபாட்டின் பல்வேறு வகையான விளைவுகள், நமது வருங்கால சந்ததியினருக்கு அழிவை தரும் என்பதை மறக்கக்கூடாது. தேசிய மாசுக்கட்டுப்பாட்டு தினத்தின் இந்தச் சந்தர்ப்பத்தில், உலகில் நிலவும் பல்வேறு வகையான மாசுகளைப் பற்றி விரிவாக பார்ப்போம்.

    காற்று மாசுபாடு

    ​​புகைமூட்டம் காரணமாக ஏற்படும் மாசுபாடு தான் காற்று மாசுபாடு ஆகும். கார்பன் டை ஆக்சைடு, கார்பன் மோனாக்சைடு, ஏரோசல்கள், குளோரோபுளோரோகார்பன்கள் போன்ற வாயுக்கள் அனைத்தும் காற்று மாசுபாட்டிற்கு பங்களிக்கும் மாசுபடுத்திகள் ஆகும். இவை உலக வெப்பநிலை அதிகரிப்பதில் முக்கிய பங்கு வகிக்கின்றன.

    நீர் மாசுபாடு

    கட்டிடங்கள், தொழிற்சாலைகள் மற்றும் நிறுவனங்கள் உட்பட விரிவான மற்றும் விலையுயர்ந்த திட்டங்கள், போன்றவை நீர் மாசுபாட்டிற்கு வழிவகுக்கிறது. நீர்நிலைகளில் தீங்கு விளைவிக்கும் இரசாயனங்கள் உட்பட கழிவுப் பொருட்கள் மற்றும் எச்சங்கள் கலப்பது நீர் மாசுபாட்டின் முக்கிய காரணங்களில் ஒன்றாகும். இது கடல்வாழ் மற்றும் நீர்வாழ் உயிரினங்களை பாதிக்கிறது.

    பிளாஸ்டிக் மாசுபாடு

    மதிப்பீடுகளின்படி, இந்தியாவில் ஒவ்வொரு நாளும் சுமார் 25,000 டன் பிளாஸ்டிக் கழிவுகள் கொட்டப்படுகின்றன. சுற்றுசூழலுக்கு தீங்கு விளைவிக்கும் பிளாஸ்டிக் மாசுபாடு நீர் மாசுபாட்டிற்கும் பங்களிக்கிறது மற்றும் நீர்நிலைகளில் உள்ள கடல் வாழ் உயிரினங்களை பெரிதும் பாதிக்கிறது.

    மண் தூய்மைக்கேடு

    சில கூறுகளால் மண்ணின் வளம் குறைவது மண் மாசுபாடு என்று கூறப்படுகிறது. மண் மாசுபடுவதற்கும் அதன் நன்மை குணங்களை இழப்பதற்கும் பல காரணங்கள் உள்ளன. காடழிப்பு, அமில மழை, தொழில்துறை கழிவுகள் மற்றும் விவசாயத்திற்கு பயன்படுத்தப்படும் இரசாயனம் உள்ளிட்டவை மண் வளத்தை சிதைக்கின்றன.

    ஒலி மாசு

    இந்த வகை மாசுபாடு சுற்றுச்சூழலை நேரடியாக பாதிப்பதில்லை என்றாலும், சுற்றுச்சூழலில் அதன் பரவலானது மனித சமுதாயத்தை மறைமுகமாக தாக்குகிறது. தொழிற்சாலைகள், வாகனங்கள் மற்றும் இயந்திரங்களிலிருந்து பெறப்படும் ஒலி மாசுபாடு, மனிதனை உடல் ரீதியாகவும் உளவியல் ரீதியாகவும் பாதிக்கும். அதேபோல கடுமையான நீண்ட கால விளைவுகளை ஏற்படுத்துகிறது.

    கதிரியக்க மாசுபாடு

    கதிரியக்கம் தான் இந்த மாசுபாட்டின் முக்கிய காரணமாகும். மேலும் இந்த மாசுபாட்டின் ஆதாரமாக மாறும் அதிக நச்சுப் பொருட்கள் காரணமாக இயற்கை மற்றும் மனிதகுலம் மிகவும் பாதிக்கப்படுகின்றன. இந்த மாசுபாடு ஒருவரின் இறப்பு அல்லது சிதைவுக்கு காரணமாகிறது.

    தகவல் மாசுபாடு

    மாசுபாட்டின் இந்த வடிவம் புதுமையானது. இந்த மாசுபாடு இயற்கையை பாதிக்கவிட்டாலும் மனித சமூகத்திற்கு பெரும் சேதத்தை ஏற்படுத்துகிறது. இந்த வகையான மாசுபாடு இன்டர்நெட் 2.0 இன் வருகைக்குப் பிறகு காணப்படுகிறது. பொய்யான செய்திகள், தவறான தகவல் ஆகியவற்றால் மக்கள் மனதில் தவறான எண்ணங்களை விதைப்பதோடு, அவர்களை தவறான பாதைக்கு தள்ளுகிறது.

    Also read: புகைப்பிடிக்காதவர்களுக்கும் புற்றுநோய் வர வாய்ப்பு : காரணம் என்ன?

    Published by:Esakki Raja
    First published:

    Tags: Air pollution, Pollution

    அடுத்த செய்தி