Work From Home நண்பர்களே… தினமும் உடற்பயிற்சி செய்ய சோம்பலாக இருக்கிறதா? இதோ ஈஸி டிப்ஸ்!

ஒர்க் ஃபிரம் ஹோம்

ஒரே இடத்தில் நீண்ட நேரம் அமர்ந்திருப்பதால் முதுகுவலி, கழுத்துவலி, கால்களில் வீக்கம், தொப்பை போன்ற பிரச்சனைகளை நீங்கள் தினசரி அனுபவித்து வரலாம்.

  • Share this:
கொரோனா எப்படி உலக நாடுகள் அனைத்தையும் பாதித்துள்ளது என்பதை நம்மால் வார்த்தைகளால் சொல்லிவிட முடியாது. ஏனெனில், அவ்வளவு காயங்களும், வேதனைகளும் நம் வாழ்க்கையில் மட்டுமல்ல, உலக மக்கள் அனைவரது வாழக்கையிலும் நேர்ந்துள்ளது.

இது ஒருபுறம் இருக்க, கொரோனாவால் மன ரீதியாகவும், உடல் ரீதியாகவும் மக்கள் அதிகம் பாதிக்கப்பட்டு வருகின்றனர். முக்கியமாக, வீட்டிலிருந்தே வேலை என்பது பலரில் உடல் பருமன், தொப்பை போன்ற பிற பிரச்சனைகளை ஏற்படுத்தியுள்ளது. மேலும், ஒரே இடத்தில் நீண்ட நேரம் அமர்ந்திருப்பதால் முதுகுவலி, கழுத்துவலி, கால்களில் வீக்கம், தொப்பை போன்ற பிரச்சனைகளை நீங்கள் தினசரி அனுபவித்து வரலாம்.

அதிகரித்த உடல் எடையை குறைக்க உடற்பயிற்சி மேற்கொள்ள வேண்டிய அவசியத்தை பலர் உணர்ந்துள்ளனர். இருப்பினும், சோம்பல் காரணமாக பலர் உடற்பயிற்சி செய்வதை நாளை, நாளை மறுநாள் எனத் தள்ளிபோடுவார்கள். சிலர் ஆரம்பத்தில் மிகத்தீவிரமான உடற்பயிற்சியில் ஈடுபடுவார்கள். பின்னர் சில நாட்களுக்கு பிறகு கடினமாக இருக்கிறது என்று உடற்பயிற்சி செய்வதை விட்டுவிடுவார்கள். இந்த பிரச்சனைக்கு ஒரு தீர்வு உள்ளது. உட்கார்ந்தபடியே நீங்கள் உடற்பயிற்சி செய்ய சில ஈஸி டிப்ஸ் இருக்கிறது. இதன் மூலம் நீங்கள் உடற்பயிற்சிக்கென ஒரு தனி நேரத்தை செலவிட தேவையில்லை. அதை குறித்து இந்த பதிவில் விரிவாக காண்போம்.

தண்ணீர் பாட்டில்களை வைத்து பைசெப் கர்ள்ஸ் உடற்பயிற்சி (Bicep curls with Water Bottles):

உங்கள் தண்ணீர் பாட்டில்களை டம்ப்பெல்ஸ்களாகப் பயன்படுத்தவும். மேலும் நாற்காலியில் அமர்ந்தபடியே சில பைசெப் மற்றும் ட்ரைசெப்ஸ் கர்ல்ஸ் செய்து வரலாம். இப்படி செய்து வருவதால் உங்கள் கைகளை நல்ல வடிவத்தில் வைத்திருக்க முடியும். மேலும் உங்கள் கைவலிக்கு நிவாரணம் கிடைக்கும்.



வால் சிட்ஸ் (Wall sits):

இந்த உடற்பயிற்சிக்கு மட்டும் நீங்கள் உங்கள் இருக்கையில் இருந்து எழுந்திருக்க வேண்டும். இந்த பயிற்சியை நீங்கள் சுவரில் சாய்ந்தபடி இருக்கையில் அமர்ந்திருக்கும் பொசிஷனில் சில நிமிடங்கள் இருக்க வேண்டும். அதாவது உங்கள் முதுகு பகுதி மட்டும் முழுவதுமாக சுவரில் ஓடிக்கொண்டிருக்கும்படி, அந்தரத்தில் அமர்ந்திருக்க வேண்டும். நீங்கள் விரும்பினால், இந்த பயிற்சியை இரண்டு அல்லது மூன்று முறை மீண்டும் செய்யலாம். இதனை செய்வதன் மூலம் உங்கள் முதுகு தண்டு ஆரோக்கியம் பராமரிக்கப்படும்.

உடல் எடையை சீக்கிரமே குறைக்க வேண்டுமா..? இந்த ஃபார்முலாவை ஃபாலோ பண்ணுங்க!

தியானம்: (Meditate)

நீங்கள் உங்கள் இருக்கையில் அமர்ந்தபடியே சில நிமிடங்கள் தியானத்தில் ஈடுபடலாம். அப்போது பொறுமையாக மூச்சை உள்ளிழுத்து வெளியேற்றுங்கள். இதனை செய்வது மிக எளிது. உங்கள் வேலை நேரத்தில் நீங்கள் எடுக்கும் சிறிய இடைவெளியில் கூட இந்த பயிற்சியை செய்யலாம். உங்கள் மனதை ஒருநிலைப்படுத்தி ஆழமான சுவாசத்தில் ஈடுபடுங்கள். இதனை செய்வதன் மூலம் உங்களுக்கு மன அமைதி கிடைக்கும். மன அழுத்தம் குறையும்.



பட்டர்ஃப்லை விங்ஸ் (Butterfly Wings):

முதுகு வலியிலிருந்து விடுபட இதுவும் ஒரு எளிதான வழி ஆகும். இந்த பயிற்சியை கூட நீங்கள் உங்கள் இருக்கையில் அமர்ந்தபடியே செய்யலாம். உங்கள் இருக்கையில் நேராக அமர்ந்து கொள்ளுங்கள். உங்கள் கால் பாதங்கள் இரண்டும் ஒன்றாக இணைந்திருக்க வேண்டும். உங்கள் கைகளை விரல்களை கால்களில் பொறுத்தி முழங்கை தொடையில் இருப்பது போல வைத்துக்கொள்ளுங்கள். இப்பொது உங்கள் முழங்கை உதவியுடன் தொடையில் அழுத்தம் கொடுங்கள். பின்னர் மெதுவாக ரிலீஸ் செய்யுங்கள். இதனை கிளாக்வைஸ் மற்றும் ஆன்டி கிளாக்வைஸில் 5 முறை செய்யுங்கள்.

ஷோல்டர் ஷ்ரக்ஸ் (Shoulder Shrugs):

இந்த பயிற்சி செய்வதன் மூலம் உங்கள் தோள்பட்டை வலியை குறைக்க முடியும். இதனை, உங்கள் இருக்கையில் அமர்ந்தபடியே செய்யலாம். முதலில் இருக்கையில் நேராக அமர்ந்து கொள்ளுங்கள். கைகளை லூசாக விட்டுவிடுங்கள். இப்போது உங்கள் தோள்பட்டையை கழுத்துக்கு மேலே தூக்கி சில நொடிகள் வைக்கவும். பின்னர் கீழே இறக்குங்கள். இதனை பலமுறை செய்வதன் மூலம் நல்ல பலனை பெறலாம்.

 
Published by:Sivaranjani E
First published: