Home /News /lifestyle /

கொரோனா அச்சுறுத்தல்: ஜிம்முக்கு போக முடியவில்லையா..? கத்ரினா கைஃபின் அட்வைஸ்..!

கொரோனா அச்சுறுத்தல்: ஜிம்முக்கு போக முடியவில்லையா..? கத்ரினா கைஃபின் அட்வைஸ்..!

கத்ரினா கைஃப்

கத்ரினா கைஃப்

இந்த உடற்பயிற்சிகள் நோய் எதிர்ப்பு சக்தியை அதிகரிக்கும். பதற்றமான சூழ்நிலையிலிருந்து காக்கும்

    கொரோனா அச்சுறுத்தல் இருப்பதால் உலக நாடுகள் அனைத்தும் உடல் ஆரோக்கியத்தை பாதுகாக்க வலியுறுத்தி வருகின்றன. மக்களும் ஆரோக்கிய வழியைப் பின்பற்றி வருகின்றனர். உடல் ஆரோக்கியம் என்பது உணவு, தூய்மை மட்டுமல்ல. உடலை ஃபிட்டாக வைத்துக்கொள்ள உடற்பயிற்சிகளும் அவசியம். இந்த நேரத்தில் உடற்பயிற்சிக் கூடங்களுக்குச் செல்வது ஆபத்து என்பதால் அரசாங்கமே உடற்பயிற்சிக் கூடங்களை மூட உத்தரவிட்டுள்ளது. உடற்பயிற்சிக் கூடங்கள் மட்டுமல்ல திரையரங்குகள், நீச்சல் குளங்கள் போன்றவற்றையும் மூட உத்தரவிட்டுள்ளது.

    இதனால் உடற்பயிற்சிக்குச் சென்றவர்கள் பலரும் பாதிக்கப்பட்டுள்ளனர். மேலும் வீட்டிலேயே முடங்கியிருந்தாலும் வயிற்றில் உணவு சற்று கூடுதலாகவே செல்லும். உடல் எடையும் அதிகரிக்கும். இதற்காகவே கத்ரினா கைஃப் இன்ஸ்டாகிராமில் வீடியோ ஒன்றை பதிவிட்டுள்ளார்.

    மேலும் அந்த வீடியோவிற்கு கேப்ஷனாக “20 - 25 நிமிடங்கள் போதும். உடலை அதிகம் வருத்திக்கொள்ளாமல் சில ஒர்க் அவுட்டுகளை செய்யலாம். இது உண்மையிலேயே உடலின் நோய் எதிர்ப்பு சக்தியைத் தூண்டி ஆரோக்கியமாக வைத்துக்கொள்ள உதவும். அதோடு நேர்மறை எண்ணங்களை தூண்டும் எண்டோர்ஃபின் ஹார்மோன் சுரக்கும். இது நாட்டில் நிலவும் பதற்றமான சூழ்நிலையிலிருந்து காக்கும்” என கூறியுள்ளார்.




    இந்த வீடியோவில் கத்ரீனா ஆறு வகையான உடற்பயிற்சிகளை கற்றுக்கொடுக்கிறார். அதன் நன்மைகள் என்னென்ன பார்க்கலாம்.

    ஸ்குவாட் & சைட் லெக் லிஃப்ட் : ஸ்குவாட் செய்வதால் தசைநார்கள் உறுதியாகும். இடுப்பு, உடல் இலகுத் தன்மை அதிகரிக்கும். வலது கால் தசைகள் வலுபெறும்.

    ரிவர்ஸ் லஞ் : தொடை மற்றும் பின்புறம் அழுத்தம் கொடுக்கப்பட்டு தேவையற்ற கொழுப்பைக் கறைக்க உதவும்.

    சிட் அப் : வயிற்று தசைகள் இலகுவாகும். ஒட்டுமொத்த உடல் தசைகளும் தூண்டப்பட்டு ஆற்றல் பெறும். தேவையற்ற கொழுப்பு கறையும்.

    புஷ் அப் : கை தசைகள், தோள்பட்டைகளை உறுதியாக்கும். இது உடலின் மேல் பகுதி முழுவதையும் வலுப்பெறச் செய்யும்.

    பிளாக்ஸ் : இது முதுகுவலியை குணமாக்கும். உடலமைப்பை சீராக்கும். பாதங்களின் இரத்த ஓட்டத்தை அதிகரிக்கும்.

    மவுண்டெய்ன் க்ளிம்பர்ஸ் : இதயத்தின் ஆரோக்கியத்திற்கு நல்லது. இதயத்திற்கான இரத்த ஓட்டம் வேகமாகக் கிடைக்கும்.

    படிக்க :

    ”கொரோனா காலத்தை இப்படித்தான் எதிர்கொள்கிறேன்” - தீபிகா படுகோன் சொல்லும் ஐடியா..!

    கொரோனாவால் வீட்டில் அலுவலகப் பணி செய்யும் ஆண்களே...மனைவியுடன் எப்படி அவ்வபோது நேரம் ஒதுக்கலாம்..?

     

     
    Published by:Sivaranjani E
    First published:

    அடுத்த செய்தி