• HOME
  • »
  • NEWS
  • »
  • lifestyle
  • »
  • பாடாய்படுத்தும் முதுகு வலி… 3 பவர்ஃபுல் யோகாசனங்களை ட்ரை பண்ணுங்க..!

பாடாய்படுத்தும் முதுகு வலி… 3 பவர்ஃபுல் யோகாசனங்களை ட்ரை பண்ணுங்க..!

முதுகு வலி என்பது தீராத பிரச்சனை கிடையாது. முறையான யோகாசனங்கள் மற்றும் உடற்பயிற்சிகள் மூலம் சரி செய்து விடலாம்.

  • Share this:
முதுகு வலி என்பது எல்லோருக்கும் பொதுவான பிரச்சனையாக மாறிவிட்டது. முதுகு வலி இல்லாத ஆளே இல்லை என்ற நிலைக்கு நாம் தள்ளப்பட்டுவிட்டோம். தொடர்ந்து ஒரே இடத்தில் உட்கார்ந்து வேலை செய்வது, நின்று கொண்டே இருப்பது, முறையற்ற உறக்க நிலை ஆகியவை முதுகு வலி ஏற்பட பொதுவான காரணிகள். வயது வித்தியாசமின்றி சிறியவர்கள் முதல் பெரியவர்கள் வரை முதுகு வலியை எதிர்கொள்கின்றனர். சரி, முதுகு வலி என்பது தீராத பிரச்சனை கிடையாது. முறையான யோகாசனங்கள் மற்றும் உடற்பயிற்சிகள் மூலம் சரி செய்து விடலாம். அதில் மூன்று பவர்ஃபுல் யோகாசனங்களை பார்க்கலாம்.

சப்ட மத்சிந்த்ராசனா (Two-Knee Spinal Twist): தரையில் படுத்தபடி உங்கள் முழங்கால்களை மடக்கி கொண்டு வந்து உடலின் பாதியளவில் வைக்கவும்; தரையில் உள்ள கைகள் உங்கள் பக்கமாக இருக்க வேண்டும். பின்னர் நீங்கள் தரையில் இறங்கும்போது உடல் தசைகள் அனைத்தும் வலுவடைந்து நீட்டும். இந்த பயிற்சி முதுகெலும்பு மற்றும் முதுகில் இயக்கம் ஆகியவற்றை ஊக்குவிக்கிறது. இது உங்கள் முதுகெலும்பு, முதுகு மற்றும் தோள்களை விரிவடையச் செய்யும். இந்த யோகா பயிற்சி செய்வது உங்கள் முதுகு, இடுப்பில் வலி மற்றும் விறைப்பைப் போக்க உதவும்.



செய்யும் முறை: முழங்கால்களை உங்கள் மார்பளவில் இழுத்து, உங்கள் கைகளை பக்கவாட்டில் நீட்டி படுத்துக் கொள்ளுங்கள். முழங்கால்களை முடிந்தவரை நெருக்கமாக வைத்துக்கொண்டு மெதுவாக உங்கள் கால்களை இடது பக்கம் தாழ்த்தவும். இரண்டு முழங்கால்களின் கீழ் அல்லது முழங்கால்களுக்கு இடையில் ஒரு தலையணையை வைப்பது சிறந்தது. உங்கள் இடது கையைப் பயன்படுத்தி முழங்கால்களை மெதுவாக அழுத்தவும். உங்கள் கழுத்தை நேராக வைத்திருங்கள் அல்லது இருபுறமும் திருப்புங்கள். இந்த நிலையில் ஆழ்ந்த சுவாசத்தில் (deep breath) கவனம் செலுத்துங்கள். குறைந்தது 30 விநாடிகளாவது இந்த நிலையில் இருங்கள்; மீண்டும் செய்யவும்.

Must Read | நீங்கள் விரும்பும் ’ஜங்க்’ உணவுகள் உடலுக்கு மட்டுமல்ல மன ஆரோக்கியத்தையும் பாதிக்குமாம்! எச்சரிக்கும் மருத்துவ உலகம்

சலம்ப புஜங்காசனா (Sphinx Pose): ஸ்பின்க்ஸ் போஸ் என்பது ஆரம்ப நிலைக்கு ஏற்ற முதுகு வலியை போக்க உதவும் யோகாவாகும். இது வயிற்று தசைகளை நீட்டி, முதுகெலும்பை பலப்படுத்துவதுடன் பிட்டத்தை உறுதிப்படுத்துகிறது. இது மார்பு, நுரையீரல் மற்றும் தோள்களை நீட்டி திறக்கிறது. மேலும், உடலை உற்சாகப்படுத்துவதுடன், நரம்பு மண்டலத்தை சீரமைக்கும், சோர்வுக்கான சிகிச்சையாகவும் இந்த யோகா அமைகிறது.



செய்யும் முறை: கால்களை நீட்டி குப்புற படுக்கவும். உங்கள் கீழ் முதுகு, பிட்டம் மற்றும் தொடைகளின் தசைகளில் அழுத்தம் இருக்க வேண்டும். மெதுவாக உங்கள் மேல் உடற்பகுதி மற்றும் தலையை உயர்த்தவும். பின்னர், முதுகுக்கு ஆதரவாக உங்கள் கீழ் வயிற்றை மெதுவாக உயர்த்தவும். கீழ் முதுகில் ஈடுபடுவதற்கு பதிலாக, முதுகெலும்பு வழியாகவும், உங்கள் தலையின் வழியாகவும் உயர்த்துவதை உறுதி செய்க. இந்த நிலையில் நீங்கள் முழுமையாக ஓய்வெடுக்கும்போது உங்கள் பார்வையை நேராக முன்னோக்கி வைக்கவும், அதே நேரத்தில் சுறுசுறுப்பாகவும் ஈடுபடவும். 3 நிமிடங்கள் வரை அதே நிலையில் இருங்கள்.

பாலாசனா (Child Pose): இந்த நிலையானது ஓய்வெடுக்க மற்றும் உங்கள் கழுத்து, முதுகில் பதற்றத்தை விடுவிக்க சரியான வழியாகும். சைல்டு போஸ் உங்கள் இடுப்பு, தொடைகள் மற்றும் கணுக்கால்களையும் விடுவிக்கிறது. இந்த பயிற்சி செய்வது மன அழுத்தம் மற்றும் சோர்வைப் போக்க உதவும்.



செய்யும் முறை: உங்கள் முழங்கால்களை ஒன்றாக வைத்து குதிகால் மீது உட்கார்ந்து கொள்ளுங்கள். ஆதரவுக்காக உங்கள் தொடைகள், உடல் அல்லது நெற்றியின் கீழ் போர்வையைப் பயன்படுத்தலாம். முன்னோக்கி வளைந்து உங்கள் கைகளை உங்களுக்கு முன்னால் வைக்கவும். பின்னர், நெற்றியை தரையில் மெதுவாக வைக்கவும். கைகளை உங்களுக்கு முன்னால் நீட்டவும் அல்லது உங்கள் உள்ளங்கைகளை உயர்த்தி உடலுடன் கைகளை வைக்கவும். இந்த நிலையில் 3 நிமிடங்கள் வரை இருங்கள். இந்த மூன்று யோகாசனங்களும் முதுகு வலியை போக்க பெரிதும் உதவும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Archana R
First published: