World Hepatitis Day |கல்லீரல் ஆரோக்கியத்தை பராமரிக்க வேண்டியதன் அவசியத்தை உணர்த்தும் நாள்!

கல்லீரலில் ஏற்படும் நோய் பாதிப்பு குறித்த விழிப்புணர்வை ஏற்படுத்த ஒவ்வொரு ஆண்டும் ஜூலை 28ஆம் தேதி அன்று உலக ஹெபடைடிஸ் தினம் அனுசரிக்கப்பட்டு வருகிறது.

கல்லீரலில் ஏற்படும் நோய் பாதிப்பு குறித்த விழிப்புணர்வை ஏற்படுத்த ஒவ்வொரு ஆண்டும் ஜூலை 28ஆம் தேதி அன்று உலக ஹெபடைடிஸ் தினம் அனுசரிக்கப்பட்டு வருகிறது.

  • Share this:
இந்த உலகத்தில் பல்வேறு வழிகளில் மக்களை பாதிக்கும் நோய்கள் ஏராளமாக உள்ளன. அவற்றில் பல நோய்கள் நம்மில் இருக்கிறது என்பதே மிக மிக தாமதமாகத்தான் தெரியும். அதன் பாதிப்புகளை ஆரம்பகட்டத்தில் கண்டறிவது என்பது மிக கடினம். அந்த வரிசையில், கல்லீரல் திசுக்களின் வீக்கத்தை ஏற்படுத்தும் மற்றும் உலகளவில் மில்லியன் கணக்கில் பாதிப்பை ஏற்படுத்தியுள்ள ஹெபடைடிஸ் நோயும் ஒன்று . ஏனெனில் இந்த நோயால் ஒருவர் பாதிப்பட்டு இருப்பது நீண்ட காலத்திற்கு தெரியாத நிலையிலேயே இருக்கும். இந்த நிலையில், இந்த நோய் பாதிப்பு குறித்து விழிப்புணர்வை ஏற்படுத்த ஒவ்வொரு ஆண்டும் ஜூலை 28ஆம் தேதி அன்று உலக ஹெபடைடிஸ் தினம் அனுசரிக்கப்பட்டு வருகிறது.

ஹெபடைடிஸ் என்பது ஒரு வைரஸ் ஆகும். இந்த வைரஸில் ஐந்து முதன்மை வகைகள் உள்ளன. அவை ஏ, பி, சி, டி மற்றும் ஈ ஆகும். மேலும் இந்த நோய்கள் பல்வேறு வழிகளில் பரவுகிறது. ஹெபடைடிஸ் ஏ மற்றும் ஈ பெரும்பாலும் அசுத்தமான உணவு மற்றும் நீரால் பரவுகின்றன. ஆனால் ஹெபடைடிஸ் பி முதன்மையாக பாலியல் ரீதியாக பரவுகிறது மற்றும் கர்ப்ப காலத்தில் அல்லது அசுத்தமான இரத்தத்தின் மூலம் தாயிடமிருந்து குழந்தைக்கு பரவலாம். ஹெபடைடிஸ் சி பொதுவாக பாதிக்கப்பட்ட இரத்தத்தால் பரவுகிறது. அதேசமயம் ஹெபடைடிஸ் டி வகை ஏற்கனவே ஹெபடைடிஸ் பி நோயால் பாதிக்கப்பட்ட நபர்களை மேலும் பாதிக்கிறது.

உலக ஹெபடைடிஸ் தினத்தின் வரலாறு:

ஹெபடைடிஸ் பி குறித்த ஆராய்ச்சியில் ஈடுபட்ட அமெரிக்க மருத்துவரும் மரபியலாளருமான பருச் சாமுவேல் ப்ளம்பெர்க்கை கவுரவிப்பதற்காக இந்த நாள் அனுசரிக்கப்படுகிறது. நோபல் பரிசு பெற்ற இந்த ஆராய்ச்சியாளர் 1925ம் ஆண்டு ஜூலை 28ம் தேதி பிறந்தார். இவர் ஹெபடைடிஸ் பி வைரஸைக் கண்டுபிடித்து பின்னர் அதற்கான நோயறிதல் சோதனையை நடத்தினார். மேலும் இந்த நோய்க்கான தடுப்பூசியையும் உருவாக்கினார். அவர் நினைவாகவே அவரது பிறந்தநாளில் இந்த தினம் அனுசரிக்கப்பட்டு வருகிறது. இந்த நிலையில் கடந்த 2010ம் ஆண்டு மே மாதம் 63 வது உலக சுகாதார மாநாட்டில் ஒரு தீர்மானம் வாக்களிக்கப்பட்ட போது உலக ஹெபடைடிஸ் தினம் உலகளாவிய அங்கீகாரத்தைப் பெற்றது.

Must Read | ‘இனியும் தயங்காதீங்க’ | பெண்கள் ஏன் பாலியல் உறவை முன்னெடுக்கத் தயங்குகின்றனர்? நிபுணர் பகிரும் விஷயங்கள்!

இந்த நாளின் முக்கியத்துவம் என்ன?

உலக ஹெபடைடிஸ் தினம் என்பது பல வகையான ஹெபடைடிஸ் குறித்த விழிப்புணர்வை ஏற்படுத்த அனுசரிக்கப்படுகிறது. மேலும் அவை எவ்வாறு பரவுகின்றன என்பதை தெரிந்துகொள்வதில் கவனம் செலுத்துவதற்கான ஒரு வாய்ப்பாக இந்த தினம் பார்க்கப்படுகிறது. வைரஸ் ஹெபடைடிஸ் மற்றும் அதனுடன் தொடர்புடைய நோய்களின் தடுப்பு பராமரிப்பு, நோய் பாதிப்பை கண்டறிதல் மற்றும் கல்லீரல் ஆரோக்கியத்தை மேம்படுத்துதல் போன்ற விஷயங்களில் ஈடுபட ஊக்குவிக்கிறது. ஹெபடைடிஸ் பி தடுப்பூசி கவரேஜை அதிகரிப்பதன் அவசியத்தையும், உலகளாவிய ஹெபடைடிஸ் நடவடிக்கையை ஒருங்கிணைப்பதன் அவசியத்தையும் வலியுறுத்துவதற்கான ஒரு நாளாக இது விளங்குகிறது.



இந்த நாளின் கருப்பொருள்:

‘தற்போதைய COVID-19 நெருக்கடியில் கூட ஹெபடைடிஸ் தொடர்பான நோயிலிருந்து ஒவ்வொரு 30 வினாடிக்கும் ஒரு நபர் இறப்பதால், வைரஸ் ஹெபடைடிஸில் நம்மில் செயல்பட அனுமதிக்க முடியாது’ என்பது 2021 உலக ஹெபடைடிஸ் தினத்தின் கருப்பொருள் ஆகும். வைரஸ் ஹெபடைடிஸ் இருப்பதை அறியாதவர்கள் சோதனை எடுத்துக்கொள்வதிலும் உயிர் காக்கும் சிகிச்சைகளை பெறுவதிலும் கவனம் செலுத்த வேண்டும். ஹெபடைடிஸ் ஸ்கிரீனிங் மற்றும் சிகிச்சைக்காக எதிர்பார்க்கும் பெண்கள் தகுந்த நடவடிக்கையை எடுக்க வேண்டும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

மேலும் புதிதாகப் பிறந்த குழந்தைகளுக்கு அவர்களின் முதல் டோஸ் தடுப்பூசிக்காக காத்திருக்க முடியாது. ஹெபடைடிஸுடன் வாழும் மக்கள் களங்கம் மற்றும் பாகுபாடு மறைந்து போகும் வரை காத்திருக்க முடியாது. எனவே, அதற்கான தடுப்பு நடவடிக்கையில் ஈடுபடுவது அவசியம்.
Published by:Archana R
First published: