ஆன்டிபயாடிக் மருந்து எடுத்து கொள்ளும் ஒருவர் ஏன் மது குடிக்க கூடாது..? குடித்தால் என்ன ஆகும்?

மது

எப்போதாவது ஒரு சந்தர்ப்பத்தில் குடிப்பதால் பெரிய அளவில் பக்க விளைவுகள் எதுவும் ஏற்படாது

  • Share this:
குடிப்பழக்கம் ஆரோக்கியத்திற்கு தீங்கு விளைவித்து உயிருக்கே ஆபத்தை ஏற்படுத்தும் என்பது நாம் அறிந்த ஒன்றே. எப்போதாவது ஒரு சந்தர்ப்பத்தில் குடிப்பதால் பெரிய அளவில் பக்க விளைவுகள் எதுவும் ஏற்படாது. அதே சமயம் பாக்டீரியாவால் ஏற்படும் தொற்று நோய்களை நிறுத்த உதவும் நுண்ணுயிர் எதிர்ப்பிகளான ஆன்டிபயாடிக் மருந்துகளை எடுத்து கொள்ளும் போது மது அருந்துவது சில மோசமான பக்க விளைவுகள் ஏற்பட வழிவகுக்கும்.

பொதுவாக ஆன்டிபயாடிக் மருந்துகள் எடுக்கும் போது புகைப்பிடித்தல், மது அருந்துதல், சோடா பானங்களை குடிப்பது, பால் பொருட்கள் மற்றும் கொழுப்பு நிறைந்த உணவுகள், கார உணவுகள், டீ மற்றும் காபி உள்ளிட்டவற்றை அதிகம் எடுப்பதை தவிர்க்க வேண்டும். குறிப்பாக ஆன்டிபயாடிக்களுடன் ஆல்கஹால் கலப்பது மருந்துகளின் பக்க விளைவுகளை தூண்டி சிக்கலை ஏற்படுத்தும்.

ஆல்கஹால் உட்கொள்வது ஆன்டிபயாடிக் மருந்தின் செயல்திறனை நேரடியாக பாதிக்காது என்றாலும். ஆல்கஹால் குடிப்பதால் ஏற்கனவே இருக்கும் தொற்று அல்லது நோயிலிருந்து மீள உடல் அதிக நேரம் எடுக்கும். ஆன்டிபயாடிக் மருந்துகள் எடுத்து கொள்ளும் ஒருவர் ஏன் மது அருந்தக்கூடாது என்பதற்கான பிற காரணங்களை பார்க்கலாம்.. ஆன்டிபயாடிக்களுடன் கலக்கும் போது வலுவான, எதிர்மறை பக்க விளைவுகளை ஏற்படுத்தும் சில ஆல்கஹால் உள்ளன. குறிப்பாக ஆல்கஹாளுடன் கலக்கும் போது வலுவான எதிர்வினை புரியும் சில ஆன்டிபயாடிக் மருந்துகளை பற்றி இங்கே காணலாம்.



மெட்ரோனிடசோல் (Metronidazole ) :

இது ஃபிளாஜில் (Flagyl) என்ற பெயரில் சந்தைப்படுத்தப்படுகிறது. இடுப்பு அழற்சி நோய், எண்டோகார்டிடிஸ் மற்றும் பாக்டீரியா வஜினோசிஸ் ஆகியவற்றிற்கு சிகிச்சையளிக்க இது தனியாக அல்லது பிற நுண்ணுயிர் எதிர்ப்பிகளுடன் பயன்படுத்தப்படுகிறது. வயிறு, கல்லீரல், மூளை மற்றும் ஒட்டுண்ணி மற்றும் பாக்டீரியா தொற்றுக்கு சிகிச்சையளிக்க பயன்படுத்தப்படும் ஒரு ஆண்டிபயாடிக் ஆகும்.



டினிடாசோல் (Tinidazole):

இது குடல் மற்றும் யோனியில் தொற்று நோய்களுக்கு சிகிச்சையளிக்க பயன்படுத்தப்படும் ஒரு ஆன்டிபயாடிக். மேலும் protozoan நோய் தொற்றுகளுக்கு எதிராகவும் இது பயன்படுத்தப்படுகிறது. இது பலவிதமான பாக்டீரியா தொற்றுகளுக்கான சிகிச்சை மருந்தாக ஐரோப்பா மற்றும் வளரும் நாடுகளில் பரவலாக அறியப்படுகிறது. இது 1972 இல் உருவாக்கப்பட்டது.

மேற்காணும் இரு ஆன்டிபயாடிக் மருந்துகளை எடுத்துக் கொள்ளும் ஒருவர் மதுபானம், ஒயின் மற்றும் பீர் ஆகியவற்றிலிருந்து விலகி, மவுத்வாஷ் அல்லது இருமல் சிரப் போன்ற ஆல்கஹால் கொண்ட எதையும் தவிர்க்க வேண்டும். இந்த மருந்துகளை சாப்பிடும் போது ஆல்கஹாலை சேர்த்து கொண்டால் வயிற்றுப் பிடிப்பு, குமட்டல், தலைவலி, வாந்தி மற்றும் விரைவான இதயத் துடிப்பு உள்ளிட்ட பிரச்சனைகள் உண்டாக வாய்ப்பு உள்ளது. ஆன்டிபயாடிக்களை எடுத்துக் கொள்ளும் போது ஒருவேளை தற்செயலாக குடித்து விட்டால், அதனால் ஏற்படும் பக்க விளைவுகள் சில மணி நேரத்தில் மறைந்து விடும். ஆனால் ஆன்டிபயாடிக்களை உட்கொண்ட பின் கடும் பக்க விளைவுகள் ஏற்பட்டால் உடனடியாக மருத்துவ சிகிச்சை பெற வேண்டும்.



ஆல்கஹால் கலக்க கூடாத பிற பொதுவான ஆன்டிபயாடிக்கள் பின்வருமாறு:

சல்பமெத்தொக்சசோல்-ட்ரைமெத்தோபிரைம் (Sulfamethoxazole-trimethoprim) : இது சிறுநீர் பாதை நோய் தொற்றுகள் அல்லது தோல் நோய் தொற்றுகளுக்கு சிகிச்சையளிக்க பொதுவாகப் பயன்படுத்தப்படுகிறது.

செஃபோடெட்டன் (Cefotetan) : நுரையீரல், தோல் மற்றும் எலும்புகளில் ஏற்படும் பாக்டீரியா தொற்றுக்கு சிகிச்சையளிக்க பயன்படுகிறது.

Plasma Donation: பிளாஸ்மா தானம் என்றால் என்ன? எவ்வளவு நாள் இடைவெளியில் தானம் செய்யலாம்? முழு தகவல் இங்கே...

லைன்சோலிட் (Linezolid) : தோல் நோய்த்தொற்றுகள் மற்றும் நிமோனியா மற்றும் பீர் மற்றும் சிவப்பு ஒயின் போன்ற மது அல்லாத பானங்களுடனான வலுவான தொடர்புகளுக்கு சிகிச்சையளிக்க இது பயன்படுகிறது.லைன்ஸோலிட் எடுக்கும் போது குடிப்பது ரத்த அழுத்தத்தை அதிகரிக்கும். நோய்வாய்ப்பட்டிருக்கும் போது உடல் சரியான அளவில் நீரேற்றத்துடன் இருப்பது அவசியம். ஆல்கஹால் குடிப்பதன் ஒரு பக்க விளைவு நீரிழப்பு. இதனால் மேலும் உடல்நிலை சரியில்லாமல் போகும்.

* உடலில் இருந்து ஆன்டிபயாடிக் அழிக்கப்பட்ட பிறகு ஒருவர் குடிக்கலாம். கடைசி டோஸுக்கு மூன்று நாட்களுக்குப் பிறகு ஆல்கஹால் சாப்பிட்டால் பாதிப்பு இருக்காது.

 
Published by:Sivaranjani E
First published: