உடல் ஆரோக்கியம், ஃபிட்நெஸ், மன நலம், வலிமை, நோய் தடுப்பு, ஆற்றல் அதிகரிப்பு என்று பல விதங்களிலும் யோகா ஆசனங்கள், அனைத்து வயதினருக்கும் பயனுள்ளதாக இருக்கிறது. எந்த வயதினராக இருந்தாலும், ஆரோக்கியம் குன்றியிருந்தாலும் கூட யோகா மூலம் உடலையும் மனதையும் பலப்படுத்த முடியும். யோகா பயிற்சி செய்வதால் கிடைக்கும் அற்புதமான பலன்களையும், நீண்ட கால நன்மைகளையும் உணர்ந்த பலரும் முறையாக யோகா பயிற்சி பெற்று தினமும் பயிற்சி செய்து வருகின்றனர். யோகா என்பது ஒரு வாழ்க்கை முறையாகவே மாற்றிக்கொண்டுள்ள பலர் உள்ளனர். மன அழுத்தத்துக்கு தீர்வு காணுவது முதல், உடலை நேர்த்தியாக அழகாக, பொலிவாக மாற்றுவது வரை பல விதங்களில் நன்மை செய்யும் யோகா, ஆண்களை பரவலாக பாதிக்கும் விறைப்புத் தன்மை குறைபாடுக்கும் தீர்வு உள்ளது. விறைப்புத் தன்மையை சரி செய்ய நீங்கள் செய்யவேண்டிய யோகாசனங்கள் பற்றி தெரிந்துக்கொள்ளுங்கள்.
நவுகாசனா (படகு ஆசனம்) :
முறையான பயிற்சி இல்லாதவர்கள் கூட, இந்த ஆசனத்தை எளிதில் செய்யலாம். இடுப்புப் பகுதிக்கு இந்த ஆசனம் வலு சேர்த்து, உறுதியாக்கும். உடலில் எடை மற்றும் இந்த நிலை இரண்டுமே இடுப்பு மற்றும் வயிற்றுப் பகுதியால் தாங்கப்படுவதால், கீழ்வயிறு, இடுப்பு, தொடை மற்றும் பெல்விக் ஆகிய பகுதிகளில் தசைகள் வலுவாகி, ரத்த ஓட்டம் அதிகரிக்கும்.
தண்டயமன தனுராசனம் (வில் ஆசனம்) :
உடலை வில் போன்று வளைக்கும் ஆசனம் பற்றி அனைவருக்கும் தெரிந்திருக்கும்.
தண்டுவடத்தை வலுவாக்கும், உடல் முழுவதும் நெகிழ்வுத்தன்மையை ஏற்படுத்தி தசைகளை உறுதி செய்யும் தனுசாரத்தின் மற்றொரு வகை தான் தண்டயமான தனுராசனம். ஒற்றைக் காலால் உடல் முழுவதையும் பேலன்ஸ் செய்து, மற்றொரு கால் மற்றும் இரண்டு கைகளையும் நேர்கோட்டில் நீட்டிக்கும் இந்த ஆசனத்தால் கைகள், தோள், இடுப்பு, தண்டுவடம், பின்பகுதி மற்றும் கால்கள் என்று முழுவதுமாக ஸ்ட்ரெட்ச் ஆகி, தண்டுவடம் வலுவாகும்.
also read : நோய் எதிர்ப்பு சக்தியை அதிகரிக்க, மன அழுத்தத்தை போக்க உதவும் யோகாசனங்கள்!
மர்ஜர்யாசனம் (பூனை மற்றும் பசு):
நான்கு கால் உயிரினங்களைப் போல மூச்சு பயிற்சியும் சேர்த்து செய்யும் இந்த ஆசனத்தில், முதுகு, இடுப்பு, பின்புறம் ஆகிய பகுதிகளில் உள்ள வலியை நீக்கி, ஆண் உறுப்புக்கு ரத்த ஓட்டத்தை அதிகரிக்கும். இந்த ஆசனம், பாலியல் ஆரோக்கியத்தை மேம்படுத்தும்.
also read : விரைவில் கருத்தரிக்க உதவும் எளிய யோகாசனங்கள் இங்கே..
சலபாசனம்:
தசைகளை வலுப்படுத்துவதோடு மட்டுமல்லாமல், உள்ளுறுப்புகளுக்கு புத்துணர்ச்சி அளித்து, நரம்புகளை வலுப்படுத்தி பாலியல் ரீதியான குறைபாடுகளை இந்த ஆசனம் நிர்வத்தி செய்யும். குப்புறப்படுத்துக் கொண்டு இந்த ஆசனத்தால் வயிற்றுப்பகுதியில் இருக்கும் கொழுப்பும் குறையும்.
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE - 50, TCCL - 57, SCV - 28, VK Digital - 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.
Tags: Yoga day, Yoga Health Benefits