• HOME
  • »
  • NEWS
  • »
  • lifestyle
  • »
  • பாடாய்படுத்தும் மாதவிடாய் வலி… சமாளிக்க 5 எளிய உடற்பயிற்சிகள்!

பாடாய்படுத்தும் மாதவிடாய் வலி… சமாளிக்க 5 எளிய உடற்பயிற்சிகள்!

எந்த விதமான உடற்பயிற்சியாக செய்தாலும், நடைபயிற்சி உட்பட, உடலில் எண்டார்ஃபின்ஸ் என்ற ஹார்மோன் சுரக்க உதவும்.

  • Share this:
மாதவிடாய் காலத்தில் பல பெண்களும் எதிர்கொள்ளும் பெரிய சிக்கல், மிதமானது முதல் தீவிரமான வலி. மாதவிடாயின் போது ஏற்படும் வலியைப் போக்க வழியே இல்லையா என்ற பல பெண்களின் கேள்விக்கான பதில், உடற்பயிற்சி செய்வது ஆகும். க்ராம்ப்ஸ் எனப்படும் மாதவிடாய் காலத்தில் ஏற்படும் வலி அசௌகரியத்தை ஏற்படுத்தக்கூடியது. கர்ப்பப்பை சுருங்கி விரிவதால் இந்த வலி ஏற்படுகிறது என்று அறிவியல் பூர்வமாக வலிக்கான காரணம் நிரூபிக்கப்பட்டுள்ளது. கர்ப்பப்பையின் லைனிங் சுருங்கி, உடலை விட்டு வெளியே வருகிறது. இது பெண்ணுறுப்பு வழியே உதிரம் வெளியேறுவதற்கு உதவியாக இருக்கிறது. அடிவயிற்றில் பெரும்பாலான பெண்களுக்கு லேசான வலி ஏற்படும்.

ஒரு சிலர் இதனை எளிதாக எதிர்கொண்டாலும், பல பெண்களுக்கு அதிகமான வலி ஏற்படுவது, மாதவிடாய் காலத்தை சிரமமானதாக்குகிறது. வலி மாத்திரை, உணவுகள் மற்றும் ஓய்வு என்று மாதவிடாய் காலத்தில் ஒவ்வொரு பெண்ணும் ஒவ்வொரு விதமாக வலியை எதிர்கொள்கின்றனர். இக்காலத்தில் ஏற்படும் வலியை குறைக்க மற்றும் சுலபமாக எதிர்கொள்ள, ஆரோக்கியமான முறைகள் உள்ளன. உடற்பயிற்சி செய்தவே இதற்கான சிறந்த வழியாகும். ஆரோக்கியமான மற்றும் சுலபமான முறையில் மாதவிடாய் காலத்தில் வலியை குறைப்பதற்கான எளிமையான ஐந்து உடற்பயிற்சிகள் இங்கே.

யோகா பயிற்சி:

உடல் மட்டுமின்றி, மனதுக்கும் சேர்த்து யோகா பயிற்சி செய்யலாம். ஹார்மோன் ஏற்றத்தாழ்வு காரணத்தால், மாதவிடாயின் மனநிலையில் நிமிடத்துக்கொரு முறை மாறுதல் ஏற்படும். இந்நிலையில், யோகா பயிற்சி செய்வது உடலை ரிலாக்ஸ் செய்ய உதவுவதோடு, மனதையும் அமைதி படுத்துகிறது. உடல் தசைகள் தளர்வடைந்து, ரத்த ஓட்டம் அதிகரிப்பதால், வலி பெருமளவு குறையும்.

Must Read | ‘நீர்ச்சத்து எனும் உயிர்ச்சத்து’- உடம்பில் நீர்ச்சத்து வற்றாமல் இருக்க இவற்றை செய்தால் போதும்!

ஸ்ட்ரெட்சிங் பயிற்சிகள்:

உடலில் உதிரப் போக்கு ஏற்படுவதால், மிகவும் சோர்வாக உணர்வீர்கள். நாள் முழுவதும் ஓய்வாக இருக்கலாமா என்று தோன்றும். உடலின் தசைகளை தளர்ததி, வலியை குறைத்து, கொஞ்சம் ஆற்றலை அதிகரிக்க, எளிமையான ஸ்ட்ரெட்சிங் பயிற்சிகள் செய்யலாம்.

நடனம்:

மாதவிடாயின் போது, நடனமா என்று கேட்கலாம்? நீங்கள் விரும்பும் பாடலுக்கு அல்லது இசைக்கு உங்கள் மனம் விரும்பும் வகையில் நடனம் ஆடுவது, உங்களை ரிலாக்ஸ் செய்ய உதவும். நடனம் மனதை உற்சாகப்படுத்தி, உடலுக்கு புத்துணர்ச்சி அளிக்கும்.

Must Read | உங்களுக்கும் இருக்கலாம் ஆர்த்தோரெக்ஸியா நோய்! ஆர்த்தோரெக்ஸியா என்றால் என்ன? கண்டறிவது எப்படி?

நடைபயிற்சி:

எந்த விதமான உடற்பயிற்சியாக செய்தாலும், நடைபயிற்சி உட்பட, உடலில் எண்டார்ஃபின்ஸ் என்ற ஹார்மோன் சுரக்க உதவும். இந்த ஹார்மோன் மூளையில் வலியை உணரும் ரிசப்ட்டார்சை நிறுத்தி, உங்களை மகிழ்ச்சியாக உணர வைக்கிறது. இது, மாதவிடாய் வலியை குறைக்கிறது.

ஜாகிங்:

ஜாகிங் செய்வதும், நடைபயிற்சி போலவே உடலில் எண்டார்ஃபின்ஸ் ஹார்மோனை சுரந்து, வலியைக் குறைத்து, உங்கள் தசைகளை தளர்த்துகிறது. அது மட்டுமின்றி, ஜாகிங் செய்வது உங்கள் உடலில் ரத்த ஓட்டம் மற்றும் ஆக்சிஜன் ஓட்டத்தை மேம்படுத்தி, வயிறு உப்பசம், வீக்கம் மற்றும் வலியைக் குறைக்கிறது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Archana R
First published: