• HOME
  • »
  • NEWS
  • »
  • lifestyle
  • »
  • கர்ப்ப காலத்தில் இந்த 3 பயிற்சிகளும் ரொம்ப முக்கியம்… சேய் நலனுக்கும்!

கர்ப்ப காலத்தில் இந்த 3 பயிற்சிகளும் ரொம்ப முக்கியம்… சேய் நலனுக்கும்!

பிரசவத்திற்கு முன்பு செய்யப்படும் பயிற்சிகள் குழந்தையை சுகபிரசவத்திற்கு உகந்ததாக நிலைநிறுத்த உதவுகின்றன.

  • Share this:
கர்ப்ப காலத்தில் உடற்பயிற்சி செய்வது உங்களையும் உங்கள் குழந்தையையும் ஆரோக்கியமாக வைப்பதோடு மட்டுமல்லாமல், பிரசவத்தின் போது நீங்கள் அனுபவிக்கும் வலிகளை எதிர்கொள்ளவும் உதவும். கர்ப்பகாலத்தில் பெண்கள் உடலுக்கு பாதிப்பு தராத வகையில் இருக்கும் வேலைகளை செய்ய வேண்டும் என்று வீட்டில் உள்ள பெரியவர்கள் கூறுவதை நாம் கேள்விப்பட்டிருக்கிறோம். அப்போது தான் சுகப்பிரசவம் ஆகும் எனவும் கூறுவார்கள். ஆனால் இன்றைய நவீன காலத்தில் பெண்கள் அனைவரும் உடலை பராமரிப்பதில் உடற்பயிற்சி பக்கம் திரும்பியுள்ளனர் என்று தான் சொல்ல வேண்டும்.

அதன்படி பிரசவத்தின் போது நீங்கள் வழக்கமாக செய்யும் உடற்பயிற்சியானது இடுப்பில் உள்ள தசைகள் மற்றும் தசைநார்களை பிரசவ வலியை தாங்கும் அளவுக்கு தயார்படுத்தும் என்பதில் சந்தேகமில்லை. பிரசவத்திற்கு முன்பு செய்யப்படும் பயிற்சிகள் குழந்தையை சுகபிரசவத்திற்கு உகந்ததாக நிலைநிறுத்த உதவுகின்றன. அவ்வாறு, கர்ப்பகாலத்தில் நீங்கள் செய்ய வேண்டிய பயிற்சிகள் குறித்து பின்வருமாறு காணலாம். இருப்பினும், பிரசவ காலத்தை எதிர்பார்க்கும் ஒவ்வொரு தாயும் கர்ப்ப காலத்தில் செய்யும் அனைத்து விஷயங்களிலும் மிகவும் எச்சரிக்கையாக இருக்க வேண்டும். எனவே, கீழ்காணும் பயிற்சிகளில் ஏதேனும் ஒன்றை நீங்கள் முயற்சிக்கும் முன் மருத்துவரை அணுகுவது மிக முங்கியம்.

பட்டாம்பூச்சி ஸ்ட்ரெட்ச் (Butterfly Stretch): இந்த உடற்பயிற்சி உங்கள் முதுகு, தொடைகள் மற்றும் இடுப்பில் உள்ள தசைகளைத் தூண்டுவதோடு அதனை விரிவுபடுத்துகிறது. இதுதவிர உங்கள் தோரணையை சரிசெய்கிறது. இது உங்கள் இடுப்பு மூட்டுகளை நெகிழ வைக்கும். அதுமட்டுமல்லாமல் உங்கள் கீழ் உடலுக்கு இரத்த ஓட்டத்தை அதிகரிப்பதன் மூலம் பிரசவ நேரத்தில் உங்களால் தாக்குப்பிடிக்க முடியும்.



Must Read | சமையலறை முதல் சரும நலன் வரை… புதினா இலைகளின் ஆச்சர்யமூட்டும் நன்மைகள்..!

இதற்கு நீங்கள் உங்கள் முதுகு நேராக இருக்கும் படி அமர வேண்டும். உங்கள் உள்ளங்கால்கள் இரண்டையும் ஒன்றாக இணைக்க வேண்டும். இதன் மூலம் உங்கள் முழங்கால்கள் தரையில் இல்லாமல் இடுப்பு பகுதிக்கு மேலே இருக்கும். இப்போது உங்கள் முழங்கைகளை தொடையில் பொருத்தி முழங்கால்களை நீட்டிக்க வேண்டும். உங்கள் முழங்கைகளைப் பயன்படுத்தி இரு முழங்கால்களையும் தரையை நோக்கி அழுத்தும்போது, ​​உங்கள் உள் தொடைகளில் ஒரு நீட்டிப்பை உணர்வீர்கள். சிறிது வினாடிகளுக்கு நீட்டிப்பை தொடரவேண்டும். பிறகு மெதுவாக முழங்கால்களை உயர்த்தலாம். உங்கள் முழங்கால்களை மேலும் கீழும் வேகமாக அசைக்க கூடாது.

கெகல் பயிற்சிகள் (Kegel Exercises): இந்த பயிற்சிகள் இடுப்பு பகுதியில் கவனம் செலுத்துகின்றன. இடுப்பு தசைகள் கருப்பை, சிறுநீர்ப்பை மற்றும் குடல் போன்ற இடுப்பு உறுப்புகளை ஆதரிக்கின்றன. எனவே இந்த உடற்பயிற்சி செய்தால், கர்ப்பத்தின் பிற்பகுதியில் மூல நோய் மற்றும் சிறுநீர் கசிவு போன்ற பல சிக்கல்களை தவிர்க்கலாம். முதலில், உங்கள் வயிற்று தசைகள், பட்டக்ஸ் மற்றும் தொடையின் தசைகளை ஸ்ட்ரெச் செய்யாமல் கழிப்பறையில் அமரும்போது சிறுநீர் ஓட்டத்தை நிறுத்த முயற்சி செய்யுங்கள்.



நீங்கள் சிறுநீர் கழிப்பதைத் தொடங்கவோ அல்லது நிறுத்தவோ செய்யலாம். அப்படியென்றால் நீங்கள் உங்கள் இடுப்பு தசையைப் பயன்படுத்துகிறீர்கள் என்று அர்த்தம். சரி, இந்த கெகல் பயிற்சிகளை எப்படி செய்யலாம்? நீங்கள் கெகல் பயிற்சிகளை இரண்டு வழிகளில் செய்யலாம். மெதுவான கெகல்ஸ் செய்ய, இடுப்பு தசையை சுருக்கி 15 விநாடிகள் வைத்திருங்கள். பின்னர் சிறிது நேரம் ஓய்வெடுக்க வேண்டும். இதனை 10 முறை வரை செய்யவும். வேகமான கெகல்ஸ் செய்ய, 25 முதல் 50 முறை உங்கள் இடுப்பு தசையை வேகமாக சுருக்கி பின்னர் ரிலீஸ் செய்யுங்கள். அடுத்து, 5 விநாடிகள் ஓய்வெடுத்து இதனை நான்கு முறை ரிப்பீட் செய்யவும்.

பெல்விக் டில்ட் (Pelvic Tilt): இடுப்பு டில்ட் பயிற்சிகள் வயிற்று தசைகளைத் தூண்டுகின்றன. கர்ப்பம் மற்றும் பிரசவத்தின் போது முதுகுவலியைக் குறைக்க உதவுகின்றன மற்றும் பிரசவத்தை எளிதாக்குகின்றன.



Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

இந்த உடற்பயிற்சி உங்கள் முதுகின் நெகிழ்வுத்தன்மையை அதிகரிக்கும் மற்றும் முதுகுவலியைத் தடுக்கும். நீங்கள் பல நிலைகளில் இடுப்பு சாய்வுகளை செய்யலாம். முதலில், உங்கள் கைகளையும் முழங்கால்களைகளையும் தரையில் வைத்து நான்கு கால்களில் நிற்கும் நிலைக்குவரவேண்டும். உங்கள் தலையை உங்கள் முதுகுக்கு ஏற்ப நேராக இருக்கும்படி வைக்க வேண்டும். அடுத்து, உங்கள் முதுகை மேல்நோக்கி மெதுவாக வளைக்கவும். இந்த நிலையை சில விநாடிகள் வைத்திருங்கள். பின்னர் உங்கள் முதுகு பகுதியை மீண்டும் சமநிலைக்கு கொண்டுவரவேண்டும். இந்த பயிற்சியை மூன்று முதல் ஐந்து முறை செய்யவும். பின்னர் படிப்படியாக அதிகரிக்கலாம்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Archana R
First published: