அல்சைமர் நோய்க்கும் தூக்கத்தில் ஏற்படும் மூச்சுத்திணறலுக்கும் தொடர்புள்ளது - ஆய்வில் தகவல்..

அல்சைமர் நோய்க்கும் தூக்கத்தில் ஏற்படும் மூச்சுத்திணறலுக்கும் தொடர்புள்ளது - ஆய்வில் தகவல்..

( கோப்பு படம் )

ஹிப்போகாம்பஸ் என்பது மூளையின் ஒரு பகுதியாகும். இது மூளையின் நினைவாற்றலுடன் தொடர்புடையது. இதில் அல்சைமர் நோயின் மற்றொரு அறியப்பட்ட குறிகாட்டியான அமிலாய்டு பிளேக்குகள் மற்றும் நியூரோபிப்ரிலரி சிக்கல்கள் இரண்டையும் விஞ்ஞானிகள் ஆராய்ந்துள்ளனர். இறுதியில் அல்சைமர் மற்றும் தூக்கத்தில் மூச்சுத்திணறல் ஆகிய இரண்டிற்கும் தொடர்பு இருப்பது உறுதி செய்யப்பட்டுள்ளது.

  • Share this:
    தூக்கத்தில் மூச்சுத்திணறல் ஏற்படுதல் மற்றும் அல்சைமர் நோய் ஆகியவற்றுக்கு இடையே தொடர்பு இருப்பதாக சமீபத்திய ஆராய்ச்சி உறுதிப்படுத்தியுள்ளது. தூக்கத்தில் மூச்சுத்திணறல் ஏற்படுதல், அல்சைமர் நோய் ஆகிய இரு நிலைகளிலும் மூளை பாதிப்புக்கு ஒத்த அறிகுறிகள் இருப்பதை ஆராய்ச்சியாளர்கள் கண்டறிந்துள்ளனர்.

    இது குறித்து ஸ்லீப் இதழில் வெளியிடப்பட்ட அறிக்கையில், ஆர்.எம்.ஐ.டி பல்கலைக்கழகத்தின் ஆஸ்திரேலிய மற்றும் ஐஸ்லாந்து ஆராய்ச்சியாளர்கள் தலைமையிலான மருத்துவ ஆய்வு குழு இதனை கண்டுபிடித்துள்ளதாக குறிப்பிட்டுள்ளது. அதாவது, மூளை உயிரணுக்களுக்கு நச்சுத்தன்மையுள்ள அமிலாய்டு பிளேக்குகள், அல்சைமர்ஸின் அறியப்பட்ட குறிகாட்டிகள் ஆகும்.

    ALSO READ |  ஓய்வு கிடைத்தால் இந்தியர்கள் செய்யும் முதல் வேலை என்ன தெரியுமா..? ஆய்வில் வெளியான தகவல்..

    இது ஒரே இடத்தில் தொடங்கி, தூக்கத்தில் மூச்சுத்திணறல் உள்ளவர்களின் மூளையில் அதே வழியில் பரவுகிறது. தடுப்பு தூக்க மூச்சுத்திணறல் (Obstructive sleep apnea - OSA) என்பது ஒரு மருத்துவ நிலை, இது தூக்கத்தின் போது, ஒரு நபரின் சுவாசம் மீண்டும் மீண்டும் தடைபடுகையில் ஏற்படுகிறது.

    உலகளவில் 936 மில்லியனுக்கும் அதிகமான மக்கள் மற்றும் சுமார் 30% முதியவர்கள் இந்த OSA நிலையில் உள்ளனர். அதேசமயம், அல்சைமர் நோய் என்பது டிமென்ஷியாவின்(dementia) மிகவும் பொதுவான வடிவமாகும். இதனால் அல்சைமர் நோயானது டிமென்ஷியா கொண்ட அனைத்து மக்களில் 70% வரை பாதிக்கிறது.



    இது குறித்து முன்னணி புலனாய்வாளர் மற்றும் பேராசிரியர் ஸ்டீபன் ராபின்சன் என்பவர் கூறுகையில், “வாழ்க்கையின் நடுப்பகுதியில் உங்களுக்கு ஸ்லீப் மூச்சுத்திணறல் இருந்தால், உங்களுக்கு வயதாகும்போது அல்சைமர் உருவாவதற்கான வாய்ப்புகள் அதிகம். அதேபோல, உங்களுக்கு அல்சைமர் நோய் இருந்தால், உங்கள் வயதில் உள்ள மற்றவர்களை ஒப்பிடும் போது உங்களுக்கு தூக்கத்தில் மூச்சுத்திணறல் ஏற்பட வாய்ப்புள்ளது" என தெரிவித்தார். இந்த நோய்க்கான காரணங்கள் மற்றும் உயிரியல் வழிமுறைகளை கண்டுபிடிப்பது மிகப்பெரிய சவாலாக உள்ளது என்றும் அவர் கூறியுள்ளார்.

    ALSO READ |  ஒழுங்கற்ற மாதவிடாய் பிரச்சனையா? இந்த ஆரோக்கிய உணவுகளை சாப்பிடுங்கள்

    நிபந்தனைகளுக்கு இடையிலான இணைப்புகளைப் புரிந்துகொள்வதில் இந்த ஆராய்ச்சி ஒரு முக்கியமான முன்னேற்றமாக பார்க்கப்படுகிறது. ஏனெனில், அல்சைமர் நோய்க்கு சிகிச்சையளிப்பதற்கும், அதனை தடுப்பதற்கும் பயனுள்ள சிகிச்சை முறைகளை உருவாக்கும் ஆராய்ச்சியாளர்களுக்கு பல்வேறு புதிய திசைகளை இந்த ஆய்வு ஏற்படுத்தியுள்ளதாக கூறினார். தூக்கத்தில் ஏற்படும் மூச்சுத்திணறலின் தீவிரமானது, அமிலாய்ட் பிளேக்குகளின் கட்டமைப்போடு இணைக்கப்பட்டுள்ளது என இந்த ஆராய்ச்சி சுட்டிக்காட்டியுள்ளது.

    மேலும், மிதமான முதல் கடுமையான தூக்க மூச்சுத்திணறலுக்கு தொடர்ச்சியான பாசிட்டிவ் காற்றுப்பாதை அழுத்தம் (positive airway pressure - CPAP) எனப்படும் சிகிச்சை அளிப்பதன் மூலம் மூளையில் காணப்படும் பிளேக்கின் அளவிற்கு எந்த வித்தியாசத்தையும் ஏற்படுத்தவில்லை என்றும் ஆய்வில் கண்டறியப்பட்டுள்ளது. இந்த ஆய்வானது, சுமார் 34 பேரின் ஹிப்போகாம்பஸிலிருந்த பிரேத பரிசோதனை திசுக்களில் அல்சைமர் போன்ற குறிகாட்டிகளின் அளவு மற்றும் OSA கொண்ட 24 பேரின் மூளை அமைப்புகள் ஆகியவற்றின் அடிப்படையில் நடத்தப்பட்டது.

    ALSO READ |  தினமும் பாதாம் சாப்பிடுவதால் இதயத்திற்கு விளையும் நன்மைகள் என்ன?

    ஹிப்போகாம்பஸ் என்பது மூளையின் ஒரு பகுதியாகும். இது மூளையின் நினைவாற்றலுடன் தொடர்புடையது. இதில் அல்சைமர் நோயின் மற்றொரு அறியப்பட்ட குறிகாட்டியான அமிலாய்டு பிளேக்குகள் மற்றும் நியூரோபிப்ரிலரி சிக்கல்கள் இரண்டையும் விஞ்ஞானிகள் ஆராய்ந்துள்ளனர். இறுதியில் அல்சைமர் மற்றும் தூக்கத்தில் மூச்சுத்திணறல் ஆகிய இரண்டிற்கும் தொடர்பு இருப்பது உறுதி செய்யப்பட்டுள்ளது.
    Published by:Sankaravadivoo G
    First published: