• HOME
  • »
  • NEWS
  • »
  • lifestyle
  • »
  • வீட்டில் இருந்து வேலை பார்ப்பவர்களுக்கு அதிகரிக்கும் கழுத்து வலி : இந்த பயிற்சிகளை செய்யுங்கள்!

வீட்டில் இருந்து வேலை பார்ப்பவர்களுக்கு அதிகரிக்கும் கழுத்து வலி : இந்த பயிற்சிகளை செய்யுங்கள்!

கழுத்து வலி

கழுத்து வலி

நாளடைவில் இந்த கழுத்து வலி மேல் முதுகு வரை வலி ஏற்பட வழிவகுக்கிறது. இந்த வலி பல நாட்கள் தொடர்ந்தால் தோள்பட்டை, கழுத்து தொடர்பான பிற உறுப்புகளிலும் வலி ஏற்படும் அபாயத்தை அதிகரிக்கும்.

  • Share this:
கடந்த ஒன்றரை ஆண்டுகளில், மொபைல் போன்கள் மற்றும் லேப்டாப்களின் பயன்பாடு கடுமையாக உயர்ந்துள்ளது. மக்கள் அனைவரும் தங்கள் மொபைல் போன்களை பயன்படுத்துவதிலேயே நீண்ட நேரம் செலவு செய்து கொண்டிருக்கிறார்கள், இது கழுத்தில் அழுத்தத்தை ஏற்படுத்துகிறது. இதனால், விரைவில் கழுத்தில் இறுக்கத்தை உணர்கிறார்கள்.

நாளடைவில் இந்த கழுத்து வலி மேல் முதுகு வரை வலி ஏற்பட வழிவகுக்கிறது. இந்த வலி பல நாட்கள் தொடர்ந்தால் தோள்பட்டை, கழுத்து தொடர்பான பிற உறுப்புகளிலும் வலி ஏற்படும் அபாயத்தை அதிகரிக்கும்.

இதுகுறித்து சமீபத்தில் விளக்கிய மருத்துவர் லூக் குடின்ஹோ, அனைவரும் தங்கள் கழுத்தை பல மணிநேரம் கீழ்நோக்கி வைத்திருக்கும் போது வலி மற்றும் வீக்கத்தால் பாதிக்கப்படலாம் என கூறியுள்ளார்.

மேலும் கழுத்து இயற்கையாகவே கீழ்நோக்கிய நிலையில் வைக்க வடிவமைக்கப்படவில்லை என்றும், வீட்டில் இருந்தே வேலை பார்ப்பவர்கள் அடிக்கடி கழுத்தை மேலும், கீழும், பக்கவாட்டிலும் அசைக்க வேண்டும் என்றும் கூறியுள்ளார். ஆனால் எந்த அசைவும் இல்லாமலால் கழுத்தை ஒரே இடத்தில் நீண்ட நேரம் வைத்திருந்தால் அது பிடிப்புகள், விறைப்பு, குறைந்த இரத்த அழுத்தம் மற்றும் தசை பிடிப்பு போன்றவற்றுக்கு வழிவகுக்கும் என்றும் விளக்கியுள்ளார்.

கழுத்து வலியைப் போக்கவும், கழுத்து தசைகளை வலுப்படுத்தவும் 2 எளிய பயிற்சிகளை அவர் பகிர்ந்து கொண்டார். இருப்பினும், கடுமையான ஸ்பான்டைலிடிஸ்(spondylitis) உள்ளவர்கள் எந்தவொரு உடற்பயிற்சியையும் செய்வதற்கு முன்பு மருத்துவரை அணுகுமாறும் அவர் எச்சரித்தார்.



பயிற்சி 1:

நமது இடது கையை, வலது தோளில் வைக்க வேண்டும். அவ்வாறு செய்யும்போது, நமது இடது தோள்பட்டை பாப் அப்(pop up) ஆகாமல் பார்த்துக் கொள்ள வேண்டும். பின்னர், நமது தலையை வலது தோள்பட்டை நோக்கி நகர்த்த வேண்டும். சிறிது நேரம் அதே நிலையில் வைத்திருக்க வேண்டும். அடுத்து, நமது கைகளை வலது தோள்பட்டை நோக்கி நகர்த்த வேண்டும். இப்பொழுது வலது தோள்பட்டை மேலே செல்லாமல் பார்த்துக் கொள்ள வேண்டும். சிறிது வினாடிகள் அதே நிலையில் இருக்க வேண்டும். பின்னர் அதே பயிற்சியை மறுபுறம் செய்ய வேண்டும். கழுத்தில் வலி அல்லது சுளுக்கு ஏற்படும் அளவுக்கு வேகமாக செய்யாமல், மெதுவாக ஒன்று அல்லது இரண்டு முறை செய்ய வேண்டும்.

தசை வலிகள் : அதிக உப்பு நரம்பு மண்டலத்தையும் தசைகளின் ஆற்றலையும் தடுக்கிறது. இது உடலின் மின்னழுத்த ஏற்றத்தாழ்வை ஏற்படுத்துகிறது. இதனால் தசைப் பிடிப்பு, தசை வலிகள் போன்றவை ஏற்படுகின்றன.


பயிற்சி 2:

நமது கழுத்துக்குப் பின்னால் கைகளை தட்டும் நிலையில் வைக்க வேண்டும், கன்னத்தை சிறிது மேலே தூக்க வேண்டும். பின்னர் நமது முழங்கைகளை பின்புறமாக ஒட்ட முயற்சிக்க வேண்டும். தற்பொழுது, நமது கைகளின் இரு முனைகள், தோள்கள், மேல் முதுகு மற்றும் மார்பு முழுவதும் நீட்டுவதை உணர்வோம். சுமார் 10 வினாடிகள் வரை இந்த நிலையில் இருக்க வேண்டும். பின்னர் ஓய்வெடுக்கவும். வேகமாக செய்யும் போது வலி ஏற்படும் என்பதால் இந்த பயிற்சியை மெதுவாக செய்ய வேண்டும்.

 

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Sivaranjani E
First published: