Home /News /lifestyle /

மார்பகப் புற்றுநோய் ஏற்படாமல் தடுக்க என்ன செய்ய வேண்டும்..? கடைப்பிடிக்க வேண்டிய வாழ்க்கை முறைகள்...

மார்பகப் புற்றுநோய் ஏற்படாமல் தடுக்க என்ன செய்ய வேண்டும்..? கடைப்பிடிக்க வேண்டிய வாழ்க்கை முறைகள்...

மார்பகப் புற்றுநோய்

மார்பகப் புற்றுநோய்

குடும்ப வரலாறு போன்ற சில ஆபத்து காரணிகளை எப்போதுமே மாற்ற முடியாது. ஆனால் மார்பக புற்றுநோயின் அபாயத்தை குறைக்கும் சில வாழ்க்கை முறை மாற்றங்களை நீங்கள் பின்பற்றலாம். சராசரி ஆபத்து உள்ள பெண்களுக்கு ஆரோக்கியமான வாழ்க்கை முறை மார்பக புற்றுநோய் அபாயம் குறைத்துள்ளது.

மேலும் படிக்கவும் ...
    ஆரோக்கியமாக இருந்தாலும் சரி, சீரற்ற வாழ்க்கை முறை இருந்தாலும் சரி, ஒரு சில நோய்கள் எப்போது தாக்கும் என்பதை கணிக்க முடியாது. தற்போது பெண்களை அதிகமாக தாக்கும் உயிர்கொல்லிகளில் புற்றுநோயும் ஒன்று. புற்றுநோய்க்கு மிகச்சிறந்த நிவாரணம், அதைத் தடுப்பது.

    நீங்கள் மார்பக புற்றுநோயைப் பற்றி கவலைப்படுகிறீர்கள் என்றால், மார்பக புற்றுநோயை எவ்வாறு தடுப்பது என்று நீங்கள் நிச்சயமாக யோசித்திருப்பீர்கள். குடும்ப வரலாறு போன்ற சில ஆபத்து காரணிகளை எப்போதுமே மாற்ற முடியாது. ஆனால் மார்பக புற்றுநோயின் அபாயத்தை குறைக்கும் சில வாழ்க்கை முறை மாற்றங்களை நீங்கள் பின்பற்றலாம். சராசரி ஆபத்து உள்ள பெண்களுக்கு ஆரோக்கியமான வாழ்க்கை முறை மார்பக புற்றுநோய் அபாயம் குறைத்துள்ளது.

    சில வாழ்க்கை முறை மாற்றங்கள் மார்பக புற்றுநோயின் அபாயத்தைக் குறைக்கும் என்று ஆராய்ச்சி காட்டுகிறது.

    மது அருந்துவதை குறைக்கவும்

    எவ்வளவு அதிகமாக மது அருந்துகிறீர்களோ, அவ்வளவுக்கு மார்பகப் புற்றுநோய் வருவதற்கான வாய்ப்புகள் அதிகம். மார்பக புற்றுநோய் அபாயத்தில் மதுவின் தாக்கம் குறித்த ஆராய்ச்சி, சிறிய அளவிலான ஆல்கஹால் கூட ஆபத்தை அதிகரிக்கிறது என்பதைக் காட்டுகிறது. ஒரு நாளைக்கு மூன்றிலிருந்து நான்கரை கிளாஸ் பீர், இரண்டரை முதல் ஐந்தரை கிளாஸ் ஒயின் அல்லது இரண்டு முதல் நான்கரை கிளாஸ் மது அருந்தும் பெண்களுக்கு மார்பகப் புற்றுநோய் வருவதற்கான வாய்ப்பு 41% அதிகம் என்று ஆய்வுகள் தெரிவிக்கின்றன.



    ஆரோக்கியமான உடல் எடையை பராமரிக்கவும்

    உங்கள் உடல் எடை ஆரோக்கியமாக இருந்தால், அந்த எடையை பராமரிக்க சிறப்பு கவனம் செலுத்துங்கள். நீங்கள் எடை இழக்க விரும்பினால், மருத்துவ ஆலோசனையைப் பெறவும்.

    உடல் ரீதியாக சுறுசுறுப்பாக இருங்கள்

    சுறுசுறுப்பாக செயல்படுவது ஆரோக்கியமான எடையை பராமரிக்க உதவும். இது மார்பக புற்றுநோயை ஓரளவு தடுக்க உதவும். ஆரோக்கியமானவர்கள் வாரத்திற்கு குறைந்தபட்சம் 150 நிமிடங்கள் மிதமான ஏரோபிக் உடற்பயிற்சி அல்லது வாரத்திற்கு 75 நிமிட தீவிர ஏரோபிக் செயல்பாடுகளைப் பெற வேண்டும்.

    தாய்ப்பால் கொடுப்பது

    மார்பக புற்றுநோயைத் தடுப்பதில் தாய்ப்பால் முக்கியப் பங்கு வகிக்கிறது. நீங்கள் எவ்வளவு காலம் தாய்ப்பால் கொடுப்பீர்களோ, அவ்வளவு பாதுகாப்பு உங்களுக்கு கிடைக்கும்.

    மார்பக புற்றுநோயின் அறிகுறிகள் எப்படி இருக்கும்..? சிகிச்சை முறைகளும் இதோ...

    மாதவிடாய் நின்ற பிறகு ஹார்மோன் சிகிச்சையை குறைக்கவும்

    நீங்கள் பல்வேறு காரனங்களுக்காக ஹார்மோன் சிகிச்சைகளை மேற்கொள்ளலாம் அல்லது சப்ளிமென்ட்டுகளை பயன்படுத்தலாம். ஒருங்கிணைந்த ஹார்மோன் சிகிச்சை மார்பக புற்றுநோயின் அபாயத்தை அதிகரிக்கலாம். ஹார்மோன் சிகிச்சையின் அபாயங்கள் மற்றும் நன்மைகள் பற்றி உங்கள் மருத்துவரிடம் பேசுங்கள். ஹார்மோன் அல்லாத சிகிச்சைகள் மற்றும் மருந்துகள் மூலம் உங்கள் அறிகுறிகளைக் கட்டுப்படுத்தலாம்.



    ஆரோக்கியமான உணவுமுறை மார்பக புற்றுநோயைத் தடுக்க முடியுமா?

    ஆரோக்கியமான உணவை உட்கொள்வதன் மூலம் சில வகையான புற்றுநோய், நீரிழிவு, இதய நோய் மற்றும் பக்கவாதம் ஏற்படும் அபாயத்தை குறைக்கலாம். உதாரணமாக, விர்ஜின் ஆலிவ் எண்ணெய் மற்றும் கொட்டைகள் அதிகம் உள்ள கடல் உணவைப் பயன்படுத்தும் பெண்களுக்கு மார்பகப் புற்றுநோய் வருவதற்கான வாய்ப்புகள் குறைவு. பின்பு, பழங்கள் மற்றும் காய்கறிகள், முழு தானியங்கள், பருப்பு வகைகள் மற்றும் கொட்டைகள் போன்ற சைவ உணவுகள் சாப்பிட வேண்டும்.

    மார்பக புற்றுநோய் இருக்குமோ என சந்தேகமா..? கண்ணாடி முன் இந்த சுய பரிசோதனை செய்து பாருங்கள்...

    கடல் உணவைப் பின்பற்றுபவர்கள் வெண்ணெய்க்குப் பதிலாக ஆலிவ் எண்ணெய் போன்ற ஆரோக்கியமான எண்ணெய்களைத் தேர்வு செய்கிறார்கள். இறைச்சிக்கு பதிலாக மீன்களை அதிகம் சாப்பிடுங்கள். ஆரோக்கியமான எடையை பராமரிப்பதும் மார்பக புற்றுநோயைத் தடுப்பதில் முக்கியமான காரணியாகும். உணவில் உள்ள கொழுப்புகள் மார்பக புற்றுநோயை உருவாக்கும் அபாயத்தை அதிகரிக்கும். ஆனால் பழங்கள், காய்கறிகள் மற்றும் முழு தானியங்கள் ஆபத்தை குறைக்க உதவும்.



    பிறப்பு கட்டுப்பாட்டு மாத்திரைகளுக்கும் மார்பக புற்றுநோய்க்கும் தொடர்பு உள்ளதா?

    பிறப்பு கட்டுப்பாட்டு மாத்திரைகள் மற்றும் ஹார்மோன்-வெளியிடும் ஐயுடிகள் உள்ளிட்ட ஹார்மோன் கருத்தடைகள் மார்பக புற்றுநோயின் அபாயத்தை அதிகரிக்கின்றன என்பதற்கு சில சான்றுகள் உள்ளன. ஹார்மோன் கருத்தடை பயன்பாடு மற்றும் மார்பக புற்றுநோய் ஆகியவற்றுக்கு இடையேயான தொடர்பைக் காட்டும் சமீபத்திய ஆய்வில், குறைந்தது ஒரு வருடத்திற்கு ஹார்மோன் கருத்தடைகளைப் பயன்படுத்தும் குறைந்தது 7,690 பெண்கள் மார்பக புற்றுநோயால் பாதிக்கப்பட்டுள்ளனர்.

    ஆனால் ஹார்மோன் கருத்தடை மருந்துகள் மாதவிடாய் இரத்தப்போக்கைக் கட்டுப்படுத்துதல், தேவையற்ற கர்ப்பத்தைத் தடுப்பது மற்றும் எண்டோமெட்ரியல் புற்றுநோய் மற்றும் கருப்பை புற்றுநோய் உள்ளிட்ட பிற புற்றுநோய்களின் அபாயத்தைக் குறைக்கும் நன்மையைக் கொண்டுள்ளன.

    சூழலில் இரசாயனங்கள் வெளிப்பாட்டால் ஏற்படும் ஆபத்து

    சுற்றுச்சூழலில் உள்ள ரசாயனங்களின் வெளிப்பாடு ஒரு பெண்ணுக்கு மார்பக புற்றுநோயின் அபாயத்தை அதிகரிக்குமா என்பதை விஞ்ஞானிகள் ஆய்வு செய்து வருகின்றனர். ஆய்வகப் பரிசோதனையில் புற்றுநோயை உண்டாக்கும் இரசாயனம் கண்டுபிடிக்கப்பட்டாலும், சுற்றுச்சூழலில் உள்ள ரசாயனத்தால் பாதிக்கப்படுபவர்களுக்கு புற்றுநோய் வரும் என்பதற்கு எந்த உத்தரவாதமும் இல்லை.



    மார்பக புற்றுநோயைத் தடுக்க வேறு என்ன செய்யலாம்?

    இதில் மிகவும் முக்கியமான விஷயம் என்னவென்றால், மார்பக புற்றுநோயை விரைவில் கண்டறிய முயற்சிப்பது தன. ஆரம்ப நிலையிலேயே கண்டறிந்து சிகிச்சையளிப்பதே எந்தப் புற்றுநோய்க்கும் எதிரான சிறந்த ஆயுதமாகும். உங்கள் மார்பகங்களில் புதிய கட்டி அல்லது தோலில் ஏதேனும் மாற்றங்கள் ஏற்பட்டால் உடனடியாக மருத்துவரை அணுகவும். தேவைப்பட்டால் மேமோகிராம் மற்றும் பிற சோதனைகளைச் செய்யவும்.

    மார்பகப் புற்றுநோய் எப்படி உருவாகிறது..? காரணங்களும்... அறிகுறிகளும்...

    40 முதல் 44 வயதுக்குட்பட்ட பெண்கள் தொடர்ந்து மருத்துவப் பரிசோதனை மற்றும் மேமோகிராம் செய்து கொள்ள வேண்டும். 45 முதல் 54 வயது வரை உள்ள பெண்கள் ஒவ்வொரு வருடமும் மேமோகிராம் செய்து கொள்வதன் மூலம் பயனடையலாம். ஆனால் சில நிபுணர்கள் 40 அல்லது அதற்கு முந்தைய வயதில் மேமோகிராம்களை பரிந்துரைக்கின்றனர்.

    உங்கள் அன்றாட வாழ்க்கையில் மாற்றங்களைச் செய்வது மார்பக புற்றுநோயின் அபாயத்தைக் குறைக்க உதவும். முயற்சிக்கவும்:

    மார்பக புற்றுநோய் பரிசோதனை பற்றி உங்கள் மருத்துவரிடம் கேளுங்கள்:  மார்பக புற்றுநோய் பரிசோதனை மற்றும் மருத்துவ மார்பக பரிசோதனைகள் மற்றும் மேமோகிராம்கள் போன்ற சோதனைகளை எப்போது தொடங்க வேண்டும் என்பதை உங்கள் மருத்துவரிடம் விவாதிக்கவும். ஸ்கிரீனிங்கின் நன்மைகள் மற்றும் அபாயங்கள் பற்றி உங்கள் மருத்துவரிடம் பேசுங்கள்.



    விழிப்புணர்வுக்காக மார்பக சுய பரிசோதனை மூலம் உங்கள் மார்பகங்களை நன்கு அறிந்து கொள்ளுங்கள் : எப்போதாவது மார்பகங்களை பரிசோதிப்பதன் மூலம் பெண்கள் தங்கள் மார்பகங்களை நன்கு தெரிந்துகொள்ள தேர்வு செய்யலாம். உங்கள் மார்பகங்களில் புதிய மாற்றம், கட்டிகள் அல்லது பிற அசாதாரண அறிகுறிகள் இருந்தால், உடனடியாக உங்கள் மருத்துவரிடம் பேசுங்கள்.

    மார்பக விழிப்புணர்வால் மார்பக புற்றுநோயைத் தடுக்க முடியாது, ஆனால் உங்கள் மார்பகங்களில் ஏற்படும் இயல்பான மாற்றங்களை நன்றாகப் புரிந்துகொள்ளவும், அசாதாரணமான அறிகுறிகள் மற்றும் அறிகுறிகளைக் கண்டறியவும் இது உங்களுக்கு உதவும்.

    அதிக ஆபத்து உள்ள பெண்களுக்கு மார்பக புற்றுநோய் அபாயத்தை குறைப்பது எப்படி..?

    உங்கள் மருத்துவர் உங்கள் குடும்ப வரலாற்றை மதிப்பிட்டு, மார்பக புற்றுநோயின் அபாயத்தை அதிகரிக்கும் புற்றுநோய் ஏற்படுவதற்கு முன்பான நிலை போன்ற பிற காரணிகள் உள்ளதாக தீர்மானித்திருந்தால், உங்கள் ஆபத்தைக் குறைப்பதற்கான விருப்பங்களை நீங்கள் தேர்வு செய்யலாம்.



    தடுப்பு மருந்துகள் (வேதியியல் தடுப்பு)

    தேர்ந்தெடுக்கப்பட்ட ஈஸ்ட்ரோஜன் ஏற்பி மாடுலேட்டர்கள் மற்றும் அரோமடேஸ் இன்ஹிபிட்டர்கள் போன்ற ஈஸ்ட்ரோஜனைத் தடுக்கும் மருந்துகள், பெண்களுக்கு மார்பக புற்றுநோயின் அபாயத்தைக் குறைக்கின்றன. இந்த மருந்துகள் பக்க விளைவுகள் ஏற்படுத்தும் அபாயத்தைக் கொண்டுள்ளன, எனவே மார்பக புற்றுநோயின் அதிக ஆபத்து உள்ள பெண்களுக்கு மருத்துவர்கள் இந்த மருந்துகளை வழங்குகிறார்கள். உங்கள் மருத்துவரிடம் நன்மைகள் மற்றும் அபாயங்களைப் பற்றி தெரிந்து கொள்ளவும்.

    தடுப்பு அறுவை சிகிச்சை

    மார்பக புற்றுநோயின் அதிக ஆபத்து உள்ள பெண்கள் தங்கள் ஆரோக்கியமான மார்பகங்களை அறுவை சிகிச்சை மூலம் அகற்றலாம் (மாஸ்டெக்தமி). மார்பக புற்றுநோய் மற்றும் கருப்பை புற்றுநோய் ஆகிய இரண்டின் அபாயத்தையும் குறைக்க பெண்கள் ஆரோக்கியமான கருப்பைகள் அகற்றப்படுவதையும் தேர்வு செய்யலாம்.

     

     
    Published by:Sivaranjani E
    First published:

    Tags: Breast cancer

    அடுத்த செய்தி