Home /News /lifestyle /

நீரிழிவு குறைபாடு இருப்பவர்கள் ரமலான் நோன்பு மேற்கொள்வதற்கான டிப்ஸ்!

நீரிழிவு குறைபாடு இருப்பவர்கள் ரமலான் நோன்பு மேற்கொள்வதற்கான டிப்ஸ்!

ரமலான் நோன்பு

ரமலான் நோன்பு

மிகக் குறைவான மாவுச்சத்து கொண்ட உணவுகளுடன் இஃப்தார் விருந்தை தொடங்கலாம். இந்த மாவுச்சத்தை உடல் கொஞ்சம், கொஞ்சமாக உறிஞ்சுக் கொள்ளும்.

புனிதம் மிகுந்த ரமலான் மாதத்தில், இறைவனை வேண்டி காலை முதல் மாலை வரை உணவு சாப்பிடாமலும், ஒரு துளி தண்ணீர் கூட அருந்தாமலும் முஸ்லிம் மக்கள் நோன்பு இருக்கின்றனர். மாலையில் சூரிய அஸ்தமனத்திற்குப் பிறகு இந்த விரதத்தை முடித்து இஃப்தார் உணவை எடுத்துக் கொள்கின்றனர். சுட்டெரிக்கும் இந்த கோடை காலத்தில் இதுபோல 30 நாட்களும் விரதம் இருப்பது கடும் சிரமமான காரியம் என்றாலும் கூட, இறைவன் மீது கொண்ட பற்று காரணமாக அதை மனம் உவந்து செய்கின்றனர்.

அதே சமயம், சாதாரண நபர்களுக்கு இது பழக்காமனது தான் என்றாலும் கூட, நீரிழிவு நோய் பாதிப்பு உள்ளவர்களும் கூட மிகுந்த சிரமங்களுக்கு இடையே நோன்பு இருக்கின்றனர். அதே நேரத்தில் அவர்களது ரத்த சர்க்கரை அளவையும் கட்டுப்பாட்டில் வைத்துக் கொள்ள வேண்டிய தேவையும் இருக்கிறது. இத்தகைய சூழலில், நீரிழிவு குறைபாடு இருப்பவர்கள் நோன்பு காலத்தில் கடைப்பிடிக்க வேண்டிய டயட் டிப்ஸ் குறித்து இந்த செய்தியில் தெரிந்து கொள்ளலாம்.

இஃப்தார் மற்றும் செஹ்ரி உணவில் சேர்க்க கூடியவை :

மிகக் குறைவான மாவுச்சத்து கொண்ட உணவுகளுடன் இஃப்தார் விருந்தை தொடங்கலாம். இந்த மாவுச்சத்தை உடல் கொஞ்சம், கொஞ்சமாக உறிஞ்சுக் கொள்ளும். ஒன்றிரண்டு பேரிட்சை பழங்கள் அல்லது பால் எடுத்துக் கொண்ட பிறகு, சற்று மிகுதியான மாவுச்சத்து கொண்ட உணவுகளை சாப்பிடலாம். குறிப்பாக, சிவப்பு அரிசி சாதம் அல்லது சப்பாத்தி போன்றவை உகந்ததாக இருக்கும். செஹ்ரி உணவின் போது முழு தானிய உணவுகள் மற்றும் காய்கறிகள் ஆகியவற்றை எடுத்துக் கொள்ளலாம்.



மிக மெல்லிய புரதச்சத்து கொண்ட மீன், நட்ஸ் போன்றவற்றை எடுத்துக் கொள்ளும்போது உடலுக்குத் தேவையான ஆற்றல் கிடைக்கும். இறுதியாக, உறங்கச் செல்வதற்கு முன் ஒரு கிளாஸ் பால் அல்லது பழம் ஆகியவற்றை எடுத்துக் கொண்டால் காலை வரையில் சர்க்கரை அளவு கட்டுப்பாடான அளவில் இருக்கும்.

தினசரி உற்பயிற்சி தேவை :

ரமலான் காலத்திலும் எளிய உடற்பயிற்சிகளை தொடர்ந்து செய்ய வேண்டும். கடினமான உடற்பயிற்சிகளை மேற்கொள்ள கூடாது. நடைபயிற்சி அல்லது யோகா போன்ற லேசான உடற்பயிற்சிகளை செய்யலாம். ரமலான் காலத்தில் தசை இழப்பு பிரச்சினையை ஈடுகட்ட இது உதவும்.

World Health Day 2022 : சுற்றுச்சூழல் பாதிப்பால் நோய் தொற்றுகள் அதிகரிப்பு : 1.3 கோடி பேர் இறப்பதாக WHO அறிக்கை

தூங்கும் முறை :

இந்த சமயத்தில் போதிய ஓய்வு கிடைப்பது சற்று சிரமம் தான். அதே சமயம், தூக்கமின்மை என்பது பசிக்கான ஹார்மோன்களில் மாற்றத்தை ஏற்படுத்தி விடும். சாப்பிடும் சமயங்களில் அதிக கலோரிச் சத்து கொண்ட உணவுகளை தவிர்க்க வேண்டும். முறையான தூக்கம் என்பது மெடபாலிக் மாற்ற நடவடிக்கைகளை ஊக்குவிக்கும். நீரிழிவு உள்ளவர்கள் ரத்த சர்க்கரையை கட்டுக்குள் வைத்திருக்க இது உதவும்.



ரமலான் காலத்தில் நோன்பு இருப்பது அல்லது தவிர்ப்பது என்பது தனிநபர் விருப்பம் சார்ந்தது என்றாலும் கூட, நீரிழிவு குறைபாடு இருப்பவர்கள் முறையான திட்டமிடுதலுடன் இதைச் செய்யும்போது உடல்நல பாதிப்புகளை தவிர்க்க முடியும். பண்டிகையையும் மகிழ்ச்சியுடன் கொண்டாடலாம்.

 
Published by:Sivaranjani E
First published:

Tags: Diabetes, Fasting

அடுத்த செய்தி