Mucormycosis : கருப்பு பூஞ்சை நோயால் யார் யாருக்கு ஆபத்து..? அறிகுறிகளும்..சிகிச்சை முறைகளும் என்ன..?

கருப்பு பூஞ்சை

இது நாம் நினைப்பதை விட மிகவும் ஆபத்தானது என மருத்துவர்கள் கூறுகின்றனர். இது முகம், மூக்கு, கண்களை சேதப்படுத்தும். பின் பார்வை இழப்பு, மூளை பாதிப்பு போன்றவற்றை உருவாக்கும் என்று கூறப்படுகிறது.

  • Share this:
    மியூகோர்மைகாசிஸ் (Mucormycosis) என்னும் கருப்பு பூஞ்சையானது கொரோனா பாதித்தவர்களிடையே அதிகரித்து வருகிறது. குறிப்பாக தமிழகத்தை அச்சுறுத்திக்கொண்டிருக்கிறது. நேற்றைய நிலவரபடி மதுரையில் கொரோனா பாதித்த 50 நோயாளிகளிடம் இந்த கருப்பு பூஞ்சை நோயைக் கண்டறிந்துள்ளனர். அதோடு ஒரு இறப்பும் நிகழ்ந்துள்ளது.

    கருப்பு பூஞ்சை ( Black Fungus) என்றால் என்ன?

    இந்த பூஞ்சையானது ஒரு குழுவாக இணைந்த அச்சு வடிவில் உருவாகக்கூடிய மியூகோர்மைகாசிஸ் பூஞ்சையாகும். அழுகிய காய்கறிகள், பழங்கள் என சுற்றுசூழலில் எங்கும் காணக்கூடியது. இந்த மியூகோர்மைகாசிஸ் நோயால் பாதிக்கப்பட்டவர்கள் , நோய் எதிர்ப்பு சக்தி குறைவானர்கள், அதிக மருந்து , மாத்திரைகளை உட்கொள்வர்களையே அதிகம் தாக்குகிறது.

    யார் யாரையெல்லாம் பாதிக்கும் ?

    சர்க்கரை நோயாளிகள், அதிக ஸ்டீராய்டுகள் எடுத்துக்கொள்வோர், மூச்சுவிட சிரமப்படுவோர், கொரோனாவால் பாதித்தோர், கீமோதெரபி சிகிச்சை பெறுவோர், நீண்ட காலமாக மருந்து , மாத்திரைகள் உட்கொள்வோர், எய்ட்ஸ் நோயாளிகள், போன்ற நோய்களால் பாதிக்கப்பட்ட, நோய் எதிர்ப்பு சக்தி குறைவாக உள்ளவர்களையே பாதிக்கும்.



    அறிகுறிகள் எப்படி இருக்கும்..?

    இந்த கருப்பு பூஞ்சையான மியூகார்மைகாசிஸ் பாதிக்கப்பட்டால் தலைவலி, முகத்தில் ஆங்காங்கே வலி, சுவாசப்பாதையில் அடைப்பு, கண்பார்வை இழப்பு, கண்களில் வலி, கன்னங்கள் மற்றும் கண்களில் வீக்கம், மூக்கில் கருப்பு மேலோடு போன்ற அறிகுறிகள் இருக்கும். நோய்கள் கட்டுப்பாடு மற்றும் தடுப்புக்கான அமெரிக்க மையம் ஒட்டுமொத்த இறப்பு விகிதத்தில் 54 சதவீதம் கருப்பு பூஞ்சையால் இருக்கும் என கணித்துள்ளது.

    எச்சரிக்கை அறிகுறிகளில் கண்கள் மற்றும் மூக்கைச் சுற்றி வலி மற்றும் சிவத்தல், காய்ச்சல், தலைவலி, இருமல், மூச்சுத் திணறல், இரத்தக்களரி வாந்தி, மற்றும் மனநிலை மாறுபாடு ஆகியவை அடங்கும்.

    கோவிட் -19 நோயாளிகளில் நீரிழிவு நோயாளிகள் மற்றும் நோயெதிர்ப்பு-குறைபாடு கொண்ட நபர்களிடையே சைனசிடிஸ், ஒரு பக்க முக வலி அல்லது உணர்வின்மை, மூக்கு அல்லது தாடையில் கறுப்பு நிறமாற்றம், பல் வலி, மங்கலான அல்லது வலியுடன் இரட்டை பார்வை இருந்தால், கருப்பு பூஞ்சையின் அறிகுறிகளாக இருக்கின்றன. தோல் புண், த்ரோம்போசிஸ், மார்பு வலி மற்றும் மோசமான சுவாச அறிகுறிகளும் இதில் அடங்கும்.

    இந்த நோய்க்கான முக்கிய ஆபத்து காரணிகள் கட்டுப்பாடற்ற நீரிழிவு நோய், ஸ்டெராய்டுகளால் நோயெதிர்ப்பு குறைபாடு, நீடித்த ஐ.சி.யூ தங்குதல், வீரியம் மற்றும் வோரிகோனசோல் சிகிச்சை (voriconazole therapy) ஆகியவை அடங்கும் என்று ஐ.சி.எம்.ஆர்-சுகாதார அமைச்சக ஆலோசனை தெரிவித்துள்ளது.



    நோயைத் தடுக்க, கோவிட் தொற்று குணமடைந்தபின் மற்றும் நீரிழிவு நோயாளிகளிடம் இரத்த குளுக்கோஸ் அளவைக் கண்காணிக்க வேண்டும். ஸ்டெராய்டுகளை சரியான நேரத்தில் கவனமாக பயன்படுத்த வேண்டும். ஆக்ஸிஜன் சிகிச்சையின் போது சுத்தமான நீரைப் பயன்படுத்த வேண்டும். மேலும் நுண்ணுயிர் எதிர்ப்பிகள் மற்றும் பூஞ்சை காளான் மருந்துகளை சரியாக பயன்படுத்த வேண்டும்.

    மியூகோர்மைகாசிஸ் எந்த அளவு ஆபத்து நிறைந்தது..?

    இது நாம் நினைப்பதை விட மிகவும் ஆபத்தானது என மருத்துவர்கள் கூறுகின்றனர். இது முகம், மூக்கு, கண்களை சேதப்படுத்தும். பின் பார்வை இழப்பு, மூளை பாதிப்பு போன்றவற்றை உருவாக்கும் என்று கூறப்படுகிறது.

    Black Fungus : கொரோனாவால் பாதிக்கப்பட்டவர்களுக்கு புதிய ஆபத்து..! கருப்பு பூஞ்சைகளின் அபாயம்... எவ்வாறு , யாரையெல்லாம் தாக்கும்? அறிகுறிகள் என்ன

    இதைப்போலவே அஸ்பெர்கிலஸ் மற்றும் கேண்டிடா ஆகிய பூஞ்சைகளும் இருக்கின்றன. ஆனால் மியூகோர்மைகாசிஸ் இவற்றை காட்டிலும் அதிக ஆபத்து கொண்டது என்கின்றனர். இது சைனஸ் மற்றும் மூளையை பாதித்து இறப்பு வரை கொண்டு செல்லும் என்று பல்மனாலஜி மருத்துவர் விகாஸ் மயூர்யா கூறுகிறார்.

    சுகாதார வல்லுநர்களின் கூற்றுப்படி, மியூகோர்மைகாசிஸ் என்பது மாற்றுத்திறனாளிகள், ஐ.சி.யூ மற்றும் நோயெதிர்ப்பு குறைபாடுள்ள நபர்களிடம் நீண்ட காலமாக நோய் மற்றும் இறப்புக்கு ஒரு காரணமாக இருந்தது. இருப்பினும், சந்தேகத்திற்கு இடமில்லாத கோவிட் நோயாளிகளிடமும் இந்த பூஞ்சைகள் பரவுவது கவலைக்குறிய விஷயம் என்கிறது. கோவிட் தொற்றுநோயிலிருந்து மீண்டு வரும் நோயாளிகள் அதிகளவில் மீண்டும் ஐ.சி.யுக்களில் தள்ளப்படுகிறார்கள். கடந்த ஆண்டு,மியூகோர்மைகாசிஸ் பல நோயாளிகளுக்கு கண்பார்வை இழப்பு, மூக்கு மற்றும் தாடை எலும்பு ஆகியவற்றால் பாதிக்கப்பட்டு அதிக இறப்பை ஏற்படுத்தியது.



    ICMR கூறுவதென்ன..?

    நோயை பரிசோதனை செய்தல், கண்டறிதல் மற்றும் நிர்வகிப்பதற்கான சான்றுகள் சார்ந்த ஆலோசனையை இந்திய மருத்துவ ஆராய்ச்சி கவுன்சில் (ஐ.சி.எம்.ஆர்) மற்றும் மத்திய சுகாதார அமைச்சகம் வெளியிட்டன.

    "மியூகோர்மைகாசிஸ், கவனிக்கப்படாவிட்டால், அது ஆபத்தாக உருவெடுக்கும். அத்தகைய நபர்களின் சைனஸ்கள் அல்லது நுரையீரல் பூஞ்சை துகள்கள் காற்றில் பரவி மற்றவர்கள் சுவாசித்தாலே பாதிப்பை ஏற்படுத்தும் ”என்று அது கூறியது.



    கருப்பு பூஞ்சையின் சிகிச்சை முறை என்ன..?

    நீரிழிவு நோயைக் கட்டுப்படுத்துவதன் மூலமும், நோய் எதிர்ப்பு சக்தியை குறைக்கும் மருந்துகளை நிறுத்துவதன் மூலமும், ஸ்டெராய்டுகளைக் குறைப்பதன் மூலமும், விரிவான அறுவைசிகிச்சை சிதைப்பதன் மூலமும் இந்த நோயை கட்டுப்படுத்த முடியும்.

    மருத்துவ சிகிச்சையில் புறத்தில் செருகப்பட்ட மத்திய வடிகுழாயை (central catheter) நிறுவுதல், போதுமான முறையான நீரேற்றத்தை பராமரித்தல், ஆம்போடெரிசின் பி (Amphotericin B) உட்செலுத்தலுக்கு முன் சாதாரண உமிழ்நீரை உட்செலுத்துதல் மற்றும் குறைந்தது ஆறு வாரங்களுக்கு பூஞ்சை எதிர்ப்பு சிகிச்சை ஆகியவை நோயாளியை மருத்துவ ரீதியாக ரேடியோ இமேஜிங் மூலம் கண்காணிப்பதற்கும் நோய் முன்னேற்றத்தைக் கண்டறிவதற்கும் உதவும்.
    Published by:Sivaranjani E
    First published: