Home /News /lifestyle /

Omicron : இரண்டு கொரோனா தடுப்பூசி போட்டவர்களுக்கு ஏற்படும் 7 வகை ஒமைக்ரான் அறிகுறிகள் : அலட்சியம் வேண்டாம்...

Omicron : இரண்டு கொரோனா தடுப்பூசி போட்டவர்களுக்கு ஏற்படும் 7 வகை ஒமைக்ரான் அறிகுறிகள் : அலட்சியம் வேண்டாம்...

ஒமைக்ரான் அறிகுறிகள்

ஒமைக்ரான் அறிகுறிகள்

Omicron | இப்போது பலருக்கு தடுப்பூசி போடப்பட்ட நிலையில், புதிய வகைகளின் அறிகுறிகள் நுட்பமாக வளர்ந்துள்ளன. எனவே நீங்கள் முழுமையாக 2 தடுப்பூசிகள் போட்டிருந்தாலும் கவனமுடன் இருப்பது அவசியம்.

எல்லாம் முடிந்து இயல்பு நிலைக்கு திரும்பி விடுவோம் என எதிர்பார்த்து காத்திருந்த 2022 ஆண்டு மீண்டும் நம்மை ஒரு படி பின்னோக்கி தள்ளிவிட்டது. புதிய மாறுபாட்டின் தோற்றம், ஒமைக்ரான் தொற்றுநோய் இன்னும் முடிவுக்கு வரவில்லை என்பதற்கான சான்றாகும். தென்னாப்பிரிக்காவில் ஒரு புதிய மாறுபாடாக ஆரம்பித்தது, ஐரோப்பா முழுவதும் வேகமாக பரவி, ஒவ்வொரு நாளும் புதிய நாடுகளில் பரவி வருகிறது. இந்தியாவும் அதற்கு விதிவிலக்கல்ல.

ஒமைக்ரான் என்பது அசாதாரணமான பிறழ்வுக் கூட்டங்களைக் கொண்ட பெரிதும் மாற்றமடைந்த வைரஸாகும். மேலும் இது கடந்த இரண்டு ஆண்டுகளில் பரவிய மற்ற மாறுபாடுகளிலிருந்து மிகவும் வேறுபட்டது என்று கூறப்படுகிறது. இப்போது பலருக்கு தடுப்பூசி போடப்பட்ட நிலையில், புதிய வகைகளின் அறிகுறிகள் நுட்பமாக வளர்ந்துள்ளன. எனவே நீங்கள் முழுமையாக 2 தடுப்பூசிகள் போட்டிருந்தாலும் கவனமுடன் இருப்பது அவசியம்.

அப்படி நீங்கள் கவனிக்க வேண்டிய 7 ஓமிக்ரான் அறிகுறிகள் இங்கே...

இருமல்: அறிக்கைகளின்படி, முழு தடுப்பூசி போடப்பட்ட நபர்களுக்கு இருமல் மிகவும் பொதுவான அறிகுறியாகும். இருமல் உள்ளவர்கள் சமீபத்தில் ஒமைக்ரான் மாறுபாட்டிற்கு அளாகியிருப்பது சோதனையில் கண்டறியப்பட்டுள்ளது.



மூக்கு ஒழுகுதல் : மூச்சுத்திணறல் அல்லது மூக்கு ஒழுகுதல் மற்றொரு பொதுவான அறிகுறியாகும். மேலும் இது பெரும்பாலும் காய்ச்சலுடன் வருகிறது. நீங்கள் மூக்கடைப்பு, தலைவலி, சோர்வு , சளி போன்ற நிலைமைகளைக் கொண்டிருந்தால் கவனமாக இருக்க வேண்டும். ஏனெனில் நீங்கள் கோவிட் இன் ஒமைக்ரான் மாறுபாட்டால் பாதிக்கப்பட்டிருக்கலாம்.

சோர்வு: தொற்று அதிகப்படியான சோம்பலுக்கு வழிவகுக்கும். உங்களுக்கு சளி, இருமல் மற்றும் சோர்வு போன்ற அறிகுறிகள் இருந்தால், உங்களை நீங்களே பரிசோதனை செய்து கொள்ள வேண்டிய நேரம் இது.

ஓமைக்ரான் வகை பாதிப்பால் தோலில் ஏற்படும் ஒரு முக்கிய அறிகுறி இதுதான் : கவனமாக இருங்கள்...

தொண்டை புண்: மாறிவரும் காலநிலையுடன் தொண்டை வலியை குழப்பிக்கொள்கின்றனர். இது ஒமைக்ரான் மாறுபாட்டின் நான்காவது பொதுவான அறிகுறியாகவும் இருப்பதால் எச்சரிக்கையாக இருங்கள்.



தலைவலி : தலைவலி பல்வேறு காரணங்களுக்காக ஏற்படலாம். ஆனால் இது ஒமைக்ரானின் பொதுவான அறிகுறிகளில் ஒன்றாகும்.

தசை வலி : தசை வலியால் அவதிப்படுகிறீர்கள் எனில் அது கோவிட்-19 இன் அறிகுறியாகவும் இருக்கலாம். COVID-19 சோதனையில் பாசிடிவ் ரிசல்ட் வந்தவர்களில் 58% பேர், இந்த அறிகுறியை கூறியுள்ளனர்.

Omicron| தொண்டை கரகரப்பு இருக்கிறதா?- உங்களுக்கு ஓமைக்ரான் டெஸ்ட் தேவைப்படுமா?

காய்ச்சல் : குளிர் மற்றும் காய்ச்சல் இருப்பது புதிய மாறுபாட்டின் மற்றொரு பொதுவான அறிகுறியாகும்.

கோவிட்-ஐ விட சூப்பர் மியூட்டன்ட் வைரஸ் சளி போன்றது என்று இங்கிலாந்து ஆய்வு கூறுகிறது. மாறாக, வழக்கமான கோவிட் அறிகுறிகளில் தொடர்ச்சியான இருமல், அதிக காய்ச்சல் அல்லது சுவை மற்றும் வாசனையில் மாற்றம்/இழப்பு ஆகியவையும் இதில் அடங்கும் என்று கூறப்படுகிறது.

 

 
Published by:Sivaranjani E
First published:

Tags: CoronaVirus, Omicron, Omicron Symptoms

அடுத்த செய்தி