• HOME
  • »
  • NEWS
  • »
  • lifestyle
  • »
  • இளைஞர்களை அதிகளவில் தாக்கும் தோள்பட்டை வலி : செய்ய வேண்டியது என்ன?

இளைஞர்களை அதிகளவில் தாக்கும் தோள்பட்டை வலி : செய்ய வேண்டியது என்ன?

தோள்பட்டை வலி

தோள்பட்டை வலி

தோள்பட்டை வலியானது வருவதற்கு இரண்டு காரணங்கள் உள்ளது. அதிகமான எடை உள்ள பொருட்களை கையாள்வது அல்லது தொலைபேசி பயன்படுத்துவதாலும் ஏற்படுகிறது.

  • Share this:
இன்று ஏராளமானோர் தோள்பட்டை வலியால் அவதிப்பட்டு வருகின்றனர். இளைஞர்களைவிட 60 வயதைக் கடந்த முதியவர்களுக்கு தோள்பட்டை சம்பந்தமான பிரச்சினைகள் அதிகம் வருவதாக ஆய்வுகள் தெரிவிக்கிறது. தோள்பட்டை வலி கழுத்து அல்லது கைகளில் காயம் ஏற்பட்டு இருந்தாலோ, உண்டாகிறது. குருத்தெலும்புகளில் ஏற்படும் பாதிப்பு , எலும்பு முறிவு, தண்டுவடத்தில் உண்டாகும் காயம் போன்றவைகள் காரணமாகவும் ஏற்படும்.

தோள்பட்டை வலியானது வருவதற்கு இரண்டு காரணங்கள் உள்ளது. அதிகமான எடை உள்ள பொருட்களை கையாள்வது அல்லது தொலைபேசி பயன்படுத்துவதாலும் ஏற்படுகிறது. தொலைபேசி, மடிக்கணினி பயன்படுத்துவதால் பொதுவாக ஏற்படுகிறது. தோள்பட்டை வலியானது முதுகு வலிக்கு வழிவகுக்கிறது. தோள்பட்டை வலி அதிகமாக ஏற்பட்டால் உடனே மருத்துவரை அணுகுவது அவசியம் ஆகும். தோள்பட்டை சம்பந்தமான பிரச்சினைகளை பின்வரும் விதிமுறைகளை பின்பற்றுவதன் மூலம் சரி செய்து கொள்ளலாம். அவற்றை இங்கு காணலாம்.

ஓவர்ஹெட் ட்ரைசெப் :

தோள்பட்டை வலி இருப்பவர்கள் ‘ஓவர்ஹெட் ட்ரைசெப்’ என்ற இப்பயிற்சியை மேற்கொள்ளலாம். இளைஞர்கள், வயதானவர்கள் என அனைவரும் தினமும் 5 முறைக்கு மேல் செய்ய வேண்டும். முதுகுக்கு பின்புறம் இடது கையை கொண்டு வந்து, வலது கையால் பின்பக்கம் வளைக்க வேண்டும். இதே போல் வலது கையையும் பின்புறம் வைத்து பயிற்சி செய்யலாம்.

பேண்ட் புல்ஸ் :

‘பேண்ட் புல்ஸ்’ பயிற்சியை குழந்தைகள் முதல் வயதான முதியவர்கள் வரை இந்த பயிற்சியை எளிதாக செய்யலாம். கைகளை மேலே மார்புக்கு மேலே தூக்கி, கீழே சாய வேண்டும். மீண்டும் திரும்ப செய்ய வேண்டும். 5 முறைக்கு மேல் செய்வது அவசியம்.



த்ரெட் நீடில் :

தோள்பட்டை வலி உள்ளவர்கள் ‘த்ரெட் நீடில்’ என்ற பயிற்சியை எளிதாக செய்யக்கூடிய ஒன்றாகும். கையை மேல்நோக்கி உயர்த்தி, மூச்சை இழுக்க வேண்டும். பிறகு அதே போல் மூச்சை விட்டுக்கொண்டே கையை கீழே விட வேண்டும். தொடர்ந்து இது போல் திரும்ப பலமுறை செய்ய வேண்டும். இந்த பயிற்சி மிகவும் எளிதானதாகும்.

கை , கால் மூட்டு வலிகளுக்கு காரணமாக இருக்கும் 5 பிரச்னைகள் : உடனே மருத்துவரை அணுகுங்கள்...

வால் ட்விர்ல்ஸ் :

வால் ட்விர்ல்ஸ் (Wall twirls) என்னும் இந்த பயிற்சியை வீட்டில் ஈசியாக செய்து முடிக்கலாம். வீட்டின் சுவரில் கையை வைத்து உடலை சுவரை நோக்கி முன்னும் பின்னுமாக உடலை அசைத்து பயிற்சி செய்ய வேண்டும். 10 நிமிடம் வரை இதை செய்யலாம்.

சன் ஸ்ட்ரெட்ச் :

சன் ஸ்ட்ரெட்ச் என்ற இந்த பயிற்சியை காலையில் எழுந்தவுடன் செய்வது சிறப்பானது ஆகும். மற்ற நேரங்களிலும் இதனை செய்யலாம். கைகளை பக்கவாட்டில் உயர்த்தி, உள்ளங்கைகள் மேல்நோக்கி இருக்க வேண்டும். பிறகு கைகளை கீழே விட வேண்டும். தொடர்ந்து 5 முதல் 10 முறை இதனை செய்யலாம்.



டோர்வே ஸ்ட்ரெட்ச் :

வீட்டு கதவு இருந்தால் மட்டும் போதுமானது இந்த பயிற்சிக்கு. எளிதாக செய்யக் கூடிய பயிற்சி ஆகும். வீட்டு கதவின் சட்டகத்தை பிடித்துக்கொண்டு, ஒரு காலை முன்னோக்கி நீட்ட வேண்டும். இரண்டு தோள்பட்டைகளையும் நேராக வைத்துக்கொண்டு ஒவ்வொரு காலாக மாற்றி பயிற்சி செய்ய வேண்டும். ஒரு நாளைக்கு 10 முறைக்கும் மேல் செய்யலாம்.எந்தவொரு பொருட்களையும் பயன்படுத்தாமல் வீட்டிலேயே செய்யும் எளிதான பயிற்சி ஆகும். இந்த பயிற்சிகளை மேற்கொள்வதன் மூலம் தோள்பட்டை வலியில் இருந்து எளிதாக மீளலாம்.

 

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Sivaranjani E
First published: