Home /News /lifestyle /

கிரீன் டீயை நீங்கள் குடிக்கும் முறை தவறு..! எப்படி தெரியுமா..?

கிரீன் டீயை நீங்கள் குடிக்கும் முறை தவறு..! எப்படி தெரியுமா..?

 கிரீன் டீ

கிரீன் டீ

புத்துணர்ச்சி ஊட்டும் தேநீரை பலரும் சுடச்சுட குடிக்க விரும்புவார்கள். ஆனால் கிரீன் டீயை பொறுத்தவரை மிதமான சூட்டில் தான் குடிக்க வேண்டும். சூடாக குடிப்பது தொண்டை மற்றும் வயிற்றை பாதிக்கலாம்.

பல விதமான தேநீர் வகைகளில் கிரீன் டீ எனப்படும் பச்சை தேயிலைக்கு முதன்மையான இடம் உள்ளது. பிராசஸ் செய்யப்படாத தேநீர் வகையில் ஃப்ளூவனாய்ட்ஸ் மற்றும் ஆன்டி-ஆக்ஸிடன்ட்கள் பலவிதமான ஊட்டச்சத்துக்கள் உள்ளன. கிரீன் டீ எடை குறைப்பது முதல் இளமையை தக்க வைப்பது வரை பல விஷயங்களுக்கு உதவியாக இருக்கிறது. ஆனால் கிரீன் டீயின் நன்மைகளை முழுமையாகப் பெற கிரீன் டீயை எப்படி எல்லாம் குடிக்க கூடாது என்று ஒரு பெரிய பட்டியலே இருக்கிறது, அதைப் பற்றி இங்கே பார்க்கலாம்.

சாப்பிட்ட பிறகு கிரீன் டீயை குடிக்கக் கூடாது :

உணவு சாப்பிட்ட பிறகு கிரீன் டீயை குடிப்பது செரிமானத்தை எளிதாக்கி கொழுப்பை குறைக்க உதவும் என்று பலரும் தவறாக புரிந்து கொண்டிருக்கிறார்கள். ஆனால், சாப்பிட்ட பிறகு கிரீன் டீ குடிப்பதால் உணவில் இருக்கும் புரதம் செரிமானம் ஆகாது. எனவே அதை தவிர்த்து விடவேண்டும்.

கிரீன் டீயை சூடாக குடிக்கக் கூடாது :

புத்துணர்ச்சி ஊட்டும் தேநீரை பலரும் சுடச்சுட குடிக்க விரும்புவார்கள். ஆனால் கிரீன் டீயை பொறுத்தவரை மிதமான சூட்டில் தான் குடிக்க வேண்டும். சூடாக குடிப்பது தொண்டை மற்றும் வயிற்றை பாதிக்கலாம்.

வெறும் வயிற்றில் கிரீன் டீ குடிக்க கூடாது :

பலருக்கும் தினசரி காலை நேரத்தில் ஒரு கப் தேநீர் கண்டிப்பாக இருக்க வேண்டும். சாதாரண தீயில் இருந்து கிரீன் டீக்கு மாற விரும்புகிறார்கள் காலையில் கிரீன் டீயை குடிக்கலாம் என்று நினைத்துக் கொண்டிருக்கலாம். ஆனால் வெறும் வயிற்றில் கிரீன் டீயை குடிக்கக் கூடாது. க்ரீன் டீ உடலில் இருக்கும் நச்சுக்களை வெளியேற்றுவதால் காலையிலேயே நீங்கள் கிரீன் டீயை குடிப்பது உடலுக்கு பாதிப்பை ஏற்படுத்தும். வயிற்றில் இருக்கும் அமிலத்தை அதிகரித்து செரிமானத்தில் பிரச்சைனையை உண்டாக்கும். அதுமட்டுமின்றி கிரீன் டீயில் இருக்கும் ஊட்டச்சத்துக்கள் கிடைக்காமல் போகும்.



சூடாக இருக்கும் கிரீன் டீயில் தேன் சேர்க்க கூடாது :

கிரீன் டீ என்பது பால் சேர்க்கப்படும் தேநீருக்கு ஒரு ஆரோக்கியமான மாற்றாக கருதப்படுகிறது. எனவே க்ரீன் டீ குடிக்கும் பலரும் இனிப்புக்காக சர்க்கரைக்கு பதிலாக தேன் சேர்ப்பார்கள். தேனை பொதுவாகவே சூடான எந்த பானங்களிலும் சேர்க்கக்கூடாது என்று கூறப்படுவது உண்டு. அதேபோல சூடான க்ரீன் டீயிலும் தேன் சேர்க்கக்கூடாது. கிரீன் டீ வெதுவெதுப்பான மாறிய பிறகு அல்லது ஆறிய பிறகு தேன் சேர்க்கலாம்.

கிரீன் டீயுடன் எந்த மருந்துகளையும் எடுத்துக் கொள்ள கூடாது :

மாத்திரை சாப்பிடும் பழக்கம் உடையவர்கள் அல்லது மருந்துகள் எடுத்துக்கொள்பவர்கள் சூடான பானங்கள் உடன் அதை சேர்த்து சாப்பிடுவது பழக்கம் இருக்கிறது. ஆனால் மருந்துகளில் இருக்கும் ரசாயனங்கள் கிரீன் டீயில் இருக்கும் காம்பவுண்ட்களுடன் கலந்து பெரிய ஆபத்தை ஏற்படுத்தலாம். எனவே எந்த மருந்து மாத்திரைகளையும் தண்ணீருடன் மட்டும் தான் சாப்பிட வேண்டும்.

இந்த பிரச்சனை இருப்பவர்கள் பழங்களை இப்படித்தான் சாப்பிட வேண்டும் : மீறினால் என்ன ஆகும்..?

கிரீன் டீயை அதிகப்படியாக குடிப்பது :

குறைவான கலோரி முதல் எடை குறைப்பு வரை பலவிதமான நன்மைகள் இருப்பதால் ஒரு நாளைக்கு பல முறை க்ரீன் டீயை குடித்தால் அதிக நன்மைகளை பெறலாம் என்று பலரும் தவறாக நினைத்துக் கொண்டுள்ளனர். அளவுக்கு மிஞ்சினால் அமிர்தமும் நஞ்சு என்பது கிரீன் டீக்கும் பொருந்தும் கிரீன் டீயை அதிக பட்சம் ஒரு நாளைக்கு 3 – 5 கப்புகளுக்கு மேல் குடிக்க கூடாது. இது உங்கள் உடலில் ஊட்டச்சத்து கிரகிப்பைக் குறைத்து தலைவலி, படபடப்பு, சோம்பல் ஆகிய பிரச்சனைகளை ஏற்படுத்தும்.



கிரீன் டீ பேக்குகளை அதிக நேரம் கொதிக்க வைக்க கூடாது :

பெரும்பாலான கிரீன் டீ, டீ பேக்குகளாக தான் வருகிறது. சில தேநீர் நிறுவனங்கள் கிரீன் டீயை காய்ந்த இலைகளாக வழங்குகிறது. எந்த வகையான கிரீன் டீயாக இருந்தாலும் அதை அதிக நேரம் தண்ணீரில் கொதிக்க வைக்கக் கூடாது. இது சுவையை கசப்பாகவதோடு மட்டுமல்லாமல் நச்சுத்தன்மையையும் உண்டாக்கும்.

செயற்கை சுவைகளை கிரீன் டீயை பயன்படுத்த வேண்டாம் :

தற்போது கடைகளில் பலவிதமான சுவைகளில் கிரீன் டீ கிடைக்கின்றன. கிரீன் டீ பொதுவாக சுவையாக இருக்காது என்பதால் இந்த சுவையூட்டிகள் சேர்க்கப்படுகின்றன. ஆனால் சுவையாக கிரீன் டீ வேண்டும் என்று எல்லாவித சுவைகளையும் முயற்சி செய்து பார்க்க வேண்டாம். ஏனென்றால் சில கிரீன் டீ வகைகளில் செயற்கை சுவை சேர்க்கப்படுகிறது.

ஒரே நேரத்தில் நிறைய கிரீன் டீ இலைகளை சேர்க்க வேண்டாம்

ஒரு கப் க்ரீன் டீக்கு எந்த அளவு சரியாக இருக்குமோ அவ்வளவு பயன்படுத்த வேண்டும். கூடுதல் நன்மைக்காக நீங்கள் அதிக ஒன்றுக்கும் மேற்பட்ட டீ பேக்குகள் அல்லது இலைகளை சேர்க்கக்கூடாது.



கிரீன் டீயை திறந்து வைக்கக் கூடாது

கிரீன் டீ இலைகள் அல்லது பேக்குகள் என்று எதுவாக இருந்தாலும் காற்று புகாத உலர்வான டின்களில் சேமித்து வைக்க வேண்டும். அப்போதுதான் அது சுவையாக இருக்கும்.

சர்க்கரையை தவிர்க்க விரும்புகிறீர்களா..? உங்களுக்கான மாற்று வழிகள் இங்கே...

கிரீன் டீயை எப்படி குடிக்க வேண்டும்

கிரீன் டீயை எப்பொழுதுமே வெதுவெதுப்பாக அல்லது ஆறிய பிறகு தான் குடிக்க வேண்டும் அப்போதுதான் கிரீன் கிரீன் டீயின் அசல் சுவை மற்றும் நன்மைகளை பெற முடியும். சில்லென்று அல்லது அதிக சூடாக கிரீன் டீயை குடிக்கக் கூடாது.

எப்போது குடிக்கலாம்...

* காலை உணவு உண்ட பிறகு கிரீன் டீ குடிக்கலாம்
* கிரீன் டீயை தயாரிக்கும் பொழுது மினரல் வாட்டர் அல்லது
* சுத்திகரிக்கப்பட்ட நீரை பயன்படுத்தவும்
* இரவு தூங்குவதற்கு முன் க்ரீன் டீயை குடிப்பது நல்ல தூக்கத்தை உறுதி செய்யும்.

 
Published by:Sivaranjani E
First published:

Tags: Green tea

அடுத்த செய்தி