Home /News /lifestyle /

ஆரோக்கியமான முருங்கைக்கீரை திணை அடை தோசை... இரவு டின்னருக்கு பிளான் பண்ணுங்க...

ஆரோக்கியமான முருங்கைக்கீரை திணை அடை தோசை... இரவு டின்னருக்கு பிளான் பண்ணுங்க...

முருங்கைக்கீரை திணை அடை தோசை

முருங்கைக்கீரை திணை அடை தோசை

திணையில் அடை மாவு அரைத்து அதில் முருங்கைக்கீரை சேர்த்து சூடாக சுட்டு சாப்பிட்டால் எப்படி இருக்கும் தெரியுமா..? இதுவரை ருசித்ததில்லை எனில் உங்களுக்கான ரெசிபி இதோ...

  • News18 Tamil
  • 1 minute read
  • Last Updated :
  • Tamil Nadu, India
    அடை தோசை என்றாலே அரிசி மாவில் செய்யதான் யோசிப்பீர்கள். திணையில் அடை மாவு அரைத்து அதில் முருங்கைக்கீரை சேர்த்து சூடாக சுட்டு சாப்பிட்டால் எப்படி இருக்கும் தெரியுமா..? இதுவரை ருசித்ததில்லை எனில் உங்களுக்கான ரெசிபி இதோ...

    தேவையான பொருட்கள் :

    திணை - 1கப்
    கடலை பருப்பு - 1/2 கப்
    கருப்பு உளுந்து - 1/2 கப்
    துவரம் பருப்பு - 1/2 கப்
    காய்ந்த மிளகாய் - 2

    மிக்ஸ் செய்ய...

    வெங்காயம் - 1 கைப்பிடி
    கறிவேப்பிலை - 1 கொத்து
    பெருங்காயத்தூள் - 1/4 tsp
    முருங்கைக்கீரை - 1 கைப்பிடி
    தேங்காய் துருவல் - 1 கைப்பிடி
    உப்பு - தே.அ



    செய்முறை :

    திணை, கடலைப் பருப்பு, உளுந்து, துவரம் பருப்பு , காய்ந்த மிளகாய் இவை அனைத்தையும் நன்கு கழுவிய பின் ஒன்றாக சேர்த்து 3 மணி நேரம் ஊற வைக்க வேண்டும்.

    ஊறியதும் மிக்ஸி ஜாரில் கொரகொரப்பாக அரைத்துக்கொள்ளுங்கள்.

    பின் ஒரு கிண்ணத்தில் வழித்துக்கொண்டு மிக்ஸ் செய்ய கொடுக்கப்பட்டுள்ள பொருட்களை சேர்த்து நன்கு கலந்துகொள்ளுங்கள்.

    பிரண்டை துவையல் செய்வது இவ்வளவு சுலபமா..? மதிய உணவுக்கு பொருத்தமாக இருக்கும்...

    மாவு கெட்டிப்பதத்தில் இருந்தால்தான் அடை வரும்.

    மாவு தயாரானதும் ஒரு கரண்டி மாவு எடுத்து தடிமனாக ஊற்றி எண்ணெய் சுற்றிலும் ஊற்றி மொறுவலாக சுட்டு எடுங்கள்.

    அவ்வளவுதான் திணை அடை தோசை தயார்...

     

     
    Published by:Sivaranjani E
    First published:

    Tags: Dosa

    அடுத்த செய்தி