பார்த்தாலே சாப்பிட தோன்றும் "மட்டன் தவா ஃப்ரை"... வீட்டிலேயே செய்து அசத்துங்க!!

மட்டன் தவா ஃப்ரை ஹோட்டல்களில் கிடைக்கும் மிகவும் பிரபலமான அசைவ ஸ்டார்டர் உணவாகவும். மிருதுவான மட்டன் துண்டுகளுடன் நறுமணம் மிகுந்த இந்திய மசாலாப் பொருட்களை சேர்த்து சமைத்தால் அதன் ருசியே தனி. இருப்பினும் இந்த உணவுகள் ஹோட்டல்களில் மட்டுமே கிடைக்கின்றன. இனி கவலை வேண்டாம். கீழ்காணும் செய்முறைகளை பின்பற்றி வீட்டிலேயே சுவையான மட்டன் தாவா ஃப்ரை செய்து சாப்பிடுங்கள்.

தேவையான பொருட்கள்:

மட்டன் (எலும்பு இல்லாதது) - 250 கிராம்
மஞ்சள் தூள் - ½ தேக்கரண்டி
காஷ்மீர் மிளகாய் தூள் - 1 டீஸ்பூன்
கொத்தமல்லி தூள் - 1 டீஸ்பூன்
கரம் மசாலா தூள் - ¼ தேக்கரண்டி
உப்பு - தேவையான அளவு
இஞ்சி பூண்டு விழுது - 2 தேக்கரண்டி
எண்ணெய் - 2 தேக்கரண்டி
வெங்காயம் (சிறியதாக நறுக்கியது) - 1
தயிர் - ¼ கப்
தண்ணீர் - ½ கப்

தாவாவில் வறுக்க தேவையானவை:

எண்ணெய் - 1 டீஸ்பூன்
வெங்காயம் (சிறியதாக நறுக்கியது) - 2
பச்சை மிளகாய் - 2
கறிவேப்பிலை - தேவையான அளவு
உப்பு - தேவையான அளவு
கருப்பு மிளகு தூள் - 1 தேக்கரண்டி
கரம் மசாலா - ¼ தேக்கரண்டி

 

செய்முறை:

ஒரு கடாயில், 2 தேக்கரண்டி எண்ணெய் விட்டு அதில் மெல்லியதாக நறுக்கிய வெங்காயம் சிறிது சேர்த்து அது பொன்னிறமாகவும் கிரிஸ்பியாகவும் மாறும் வரை நன்கு வதக்க வேண்டும். கிரிஸ்பியானதும் வறுத்த வெங்காயத்தை தனியாக எடுத்து வைத்துக் கொள்ளுங்கள்.

ALSO READ |  ஸ்வீட் சாப்பிட வேண்டும் என தோன்றுகிறதா..? ரவையை வைத்து சுவையான குலாப் ஜாமுன் செய்ய ரெசிபி இதோ...

இப்பொது ஒரு பிரஷர் குக்கர் எடுத்து, அதில் நன்கு கழுவி சுத்தம் செய்யப்பட்ட மட்டன் துண்டுகளை போட்டு அதனுடன் மஞ்சள் தூள், காஷ்மீர் மிளகாய் தூள், கொத்தமல்லி தூள், கரம் மசாலா தூள், இஞ்சி-பூண்டு விழுது, 1/2 டீஸ்பூன் உப்பு, வறுத்த வெங்காயம், தயிர் மற்றும் 1/2 கப் தண்ணீர் சேர்த்து நன்றாக கலக்கி கொள்ளவும். பின்னர் அடுப்பில் வைத்து 6 விசில்கள் விட்டு இறக்கி வைக்கவேண்டும்.

 



 

விசில் அடங்கியதும், குக்கர் மூடியை திறந்து விட்டு அதனை மீண்டும் அடுப்பில் மிதமான தீயில் சமைக்க வேண்டும். மட்டனில் உள்ள நீர் முழுவதும் குறையும் வரை மிதமான தீயில் வைக்க வேண்டும். இப்பொது மட்டன் ஒரு கிரேவி பதத்திற்கு வந்திருக்கும். அதற்கடுத்ததாக, ஒரு தவா அல்லது கடாயை அடுப்பில் வைத்து, அதில் தேவையான அளவு எண்ணெய் ஊற்றி சிறுதுண்டுகளாக நறுக்கிய வெங்காயத்தை சேர்த்து நனவு வதக்கவும்.

அதனுடன் சிறு துண்டுகளாக நறுக்கப்பட்ட பச்சை மிளகாய், கறிவேப்பிலை ஆகியவற்றை சேர்த்து வதக்கவும். அதன்பிறகு குக்கரில் இருக்கும் வேகவைத்த மட்டனை தவாவில் சேர்த்து 7 நிமிடங்களுக்கு மிதமான தீயில் வைத்து வதக்க வேண்டும். இறுதியாக கருப்பு மிளகு தூள் மற்றும் கரம் மசாலா தூள் சேர்த்து 2 நிமிடங்களுக்கு வதக்க வேண்டும். அவ்வளவுதான் சுவையான சூப்பரான மட்டன் தவா ஃப்ரை ரெடி.