Home /News /lifestyle /

உஷார்... விந்தணுக்களை பாதிக்கும் இந்த 5 உணவுகளை ஆண்கள் தொடவே கூடாதாம்...

உஷார்... விந்தணுக்களை பாதிக்கும் இந்த 5 உணவுகளை ஆண்கள் தொடவே கூடாதாம்...

விந்தணுக்கள் ஆரோக்கியம்

விந்தணுக்கள் ஆரோக்கியம்

ஆண்களின் விந்தணுக்களின் எண்ணிக்கையை குறைக்கும் அல்லது ஆரோக்கியமான விந்தணுக்களை சிதைக்கும் உணவுகளை முற்றிலுமாக தவிர்த்தல் நல்லது. அவை என்னென்ன உணவுகள் என்பதை தெரிந்துகொள்ளுங்கள்.

  • News18 Tamil
  • 2 minute read
  • Last Updated :
  • Tamil Nadu, India
    உடலமைப்பில் எப்படி ஆணும் பெண்ணும் வேறுபடுகின்றனரோ அதேபோல் உணவு சாப்பிடும் விதத்திலும் வேறுபடுகின்றனர். சில உணவுகளை பெண்கள் சாப்பிடக்கூடாது என்றால் சில உணவுகளை ஆண்களும் தவிர்க்க வேண்டும். அவை அவர்களின் உடல் ஆரோக்கியத்திற்கு கேடு தருபவையாக இருக்கின்றன. அந்த வகையில் ஆண்களின் விந்தணுக்களின் எண்ணிக்கையை குறைக்கும் அல்லது ஆரோக்கியமான விந்தணுக்களை சிதைக்கும் உணவுகளை முற்றிலுமாக தவிர்த்தல் நல்லது. அவை என்னென்ன உணவுகள் என்பதை தெரிந்துகொள்ளுங்கள்.

    சோயா உணவுகள் : சோயா உணவு தயாரிப்புகளில் பைட்டோ ஈஸ்ட்ரோஜன்கள் இருப்பது உங்களுக்குத் தெரியுமா? பைட்டோஎஸ்ட்ரோஜன்கள் அடிப்படையில் தாவரங்களிலிருந்து வரும் ஈஸ்ட்ரோஜன் போன்ற கலவைகள். ஹெல்த்லைன் படி, சில விஞ்ஞானிகள் பைட்டோ ஈஸ்ட்ரோஜன்களை அதிகமாக உட்கொள்வது உடலின் ஹார்மோன் சமநிலையை சீர்குலைக்கும்.

    பாஸ்டனில் கருவுறுதல் கிளினிக்குகளில் 99 ஆண்களிடம் மேற்கொள்ளப்பட்ட ஆய்வின்படி, அதிகப்படியான சோயா உட்கொள்வது விந்து செறிவு குறையக்கூடும். இது தவிர, எண்டோகிரைனாலஜிக்கான சொசைட்டியில் வெளியிடப்பட்ட ஒரு ஆய்வு, சோயாவின் அதிக நுகர்வு டெஸ்டோஸ்டிரோன் அளவுகளில் எதிர்மறையான தாக்கங்களை ஏற்படுத்தக்கூடும் என்று கூறுகிறது.



    டிரான்ஸ் கொழுப்புகள் : பரவலாக, டிரான்ஸ் கொழுப்புகள் ஆண்களுக்கும் பெண்களுக்கும் ஆரோக்கியமற்றதாகக் கருதப்படுகின்றன. டிரான்ஸ் கொழுப்புகள் பொதுவாக பல வறுத்த உணவுகள், வேகமான பேக்கிங் செய்யப்பட்ட அல்லது பதப்படுத்தப்பட்ட உணவுகளில்தான் அதிகமாக காணப்படுகின்றன.

    டிரான்ஸ் கொழுப்புகள் இதய நோய் அபாயத்தை அதிகரிப்பதாக ஆராய்ச்சியாளர்கள் கூறுகின்றனர். 2011 ஆம் ஆண்டு நடத்தப்பட்ட ஸ்பானிஷ் ஆய்வின்படி, டிரான்ஸ் கொழுப்புகளை அதிகமாக சாப்பிடுவது குறைவான விந்தணுக்களின் எண்ணிக்கைக்கு வழிவகுக்கும்.

    பெண்களை விட ஆண்களுக்கு புற்றுநோய் பாதிப்பு அதிகம் ஏற்படலாம் - அதிர்ச்சியூட்டும் ஆய்வு தகவல்.!

    பதப்படுத்தப்பட்ட இறைச்சி : பதப்படுத்தப்பட்ட இறைச்சிகள் அனைத்து வகையான நோய்களுடனும் தொடர்புபடுத்தப்படுகிறது. பல ஆய்வுகள் அதிகமான பதப்படுத்தப்பட்ட இறைச்சி உட்கொள்ளல் குறைந்த விந்தணுக்களின் எண்ணிக்கைக்கு காரணமாக இருக்கின்றன. ஆனால் அதன் ஆய்வு முடிவுகள் இன்னும் தெளிவான முடிவை அளிக்கவில்லை. இருப்பினும், அதே ஆய்வுகள் கோழி கறி சாப்பிடுவதற்கும் விந்தணு ஆரோக்கியம் குறைவதற்கும் எந்த தொடர்பும் இல்லை என்பதையும் சுட்டிக்காட்டுகின்றன.



    பூச்சிக்கொல்லி மற்றும் பிஸ்ஃபினால் -A (BPA) : அவை உணவாக இல்லாவிட்டாலும், நாம் உட்கொள்ளும் காய்கறிகள் மற்றும் பழங்களில் பயன்படுத்தப்படும் பூச்சிக்கொல்லிகளிலிருந்து பெறப்படுகிறது. பூச்சிக்கொல்லிகளில் உள்ள அதே இரசாயனங்கள் சில நாண் - ஸ்டிக் பாத்திரங்களிலிருந்தும் வரக்கூடும் என்பது உங்களுக்குத் தெரியுமா? உண்மையில், பிபிஏவும் சிறந்தது அல்ல.

    இது பெரும்பாலான உணவு பேக்கேஜிங் மற்றும் கேன்களில் காணப்படுகிறது. பிபிஏ மற்றும் பூச்சிக்கொல்லிகளுக்குள் உள்ள ரசாயனங்கள் இரண்டும் ஜீனோ ஈஸ்ட்ரோஜன்களாக (xenoestrogens) செயல்படுகின்றன. ஜீனோ ஈஸ்ட்ரோஜன்கள் என்றால் என்ன? அவை ஈஸ்ட்ரோஜனைப் பிரதிபலிக்கும் இரசாயனங்கள். சோயாவில் உள்ள பைட்டோஎஸ்ட்ரோஜன்களைப் போலவே, ஜீனோ ஈஸ்ட்ரோஜன்களும் விந்தணு செறிவை அழிக்கக்கூடும்.

    சர்க்கரை நோயாளிகள் இரத்த தானம் செய்யலாமா..? அவ்வாறு செய்வது பாதுகாப்பானதா..? மருத்துவ விளக்கம்...

    அதிக கொழுப்பு நிறைந்த பால் பொருட்கள் : Rochester Young Men’s ஆய்வு, 18-22 வயதுக்குட்பட்ட 189 ஆண்களைக் கொண்டு விந்து மற்றும் உணவு பற்றிய பகுப்பாய்வு நடத்தியது. அதிக கொழுப்புள்ள பால் பொருட்கள் (முழு பால், கிரீம் மற்றும் சீஸ்) குறைக்கப்பட்ட விந்து இயக்கம் மற்றும் அசாதாரண விந்து வடிவம் பெற காரணமாக இருக்கிறது என்பதை நிரூபித்துள்ளது. இதற்கு சில பசுக்களுக்கு கொடுக்கப்படும் செக்ஸ் ஸ்டெராய்டுகள் காரணமாக இருக்கலாம் என்று கணித்துள்ளது.

     

     
    Published by:Sivaranjani E
    First published:

    Tags: Food, Low Sperm Count

    அடுத்த செய்தி