Home /News /lifestyle /

வேர்க்கடலை சாதம் இவ்வளவு ருசியாக இருக்குமா..? ஒரு முறை சாப்பிட்டால் அடிக்கடி செய்து சாப்பிடுவீர்கள்.. ரெசிபி இதோ...

வேர்க்கடலை சாதம் இவ்வளவு ருசியாக இருக்குமா..? ஒரு முறை சாப்பிட்டால் அடிக்கடி செய்து சாப்பிடுவீர்கள்.. ரெசிபி இதோ...

வேர்க்கடலை சாதம் ரெசிபி.

வேர்க்கடலை சாதம் ரெசிபி.

இந்த சாதத்தை குழந்தைகளுக்கு மதிய உணவாக வாரம் ஒரு முறையேனும் கட்டிக்கொடுங்கள்.

வேர்க்கடலையும் தமிழர்களின் உணவு முறையில் தவிர்க்க முடியாதது. அதை அன்றாட உணவில் ஏதாவதொரு வகையில் சாப்பிடுவார்கள். ஆனால் இன்று அது வெறும் சட்னிக்கான உணவுப் பொருளாக மட்டுமே பெரும்பாலான வீடுகளில் உள்ளது. ஆனால் அதில் ஸ்நாக்ஸ் தொடங்கி உணவாகவும் சாப்பிடலாம். அந்த வகையில் வேர்க்கடலை சாதம் எப்படி செய்வது என்று பார்க்கலாம்.

தேவையான பொருட்கள் :

வடித்த சாதம் - 2 கப்
நல்லெண்ணெய் - 5 tbsp
வேர்க்கடலை - 1/2 கப்
காய்ந்த மிளகாய் - 2
உளுத்தம்பருப்பு - 1 tbsp
எள்ளு -1 tbsp
கடலைப்பருப்பு - 1 tbsp
கடுகு - 1 tsp
கறிவேப்பிலை - சிறிதளவு
உப்பு - தே.அ



செய்முறை :

முதலில் கடாய் வைத்து எண்ணெய் 1 ஸ்பூன் ஊற்றிக்கொள்ளுங்கள்.

காய்ந்ததும் காய்ந்த மிளகாய், உளுத்தம்பருப்பு, வேர்க்கடலை சேர்த்து 2 நிமிடங்களுக்கு நன்கு வறுத்துக்கொள்ளுங்கள்.

அவற்றை தனியா வைத்துவிட்டு எள்ளை மட்டும் தனியாக மீண்டும் வறுத்துக்கொள்ளுங்கள்.

இவை ஆறியதும் மிக்ஸியில் அரைத்து எடுத்துக்கொள்ளுங்கள். இப்போது வேர்க்கடலை சாதப்பொடி தயார். இதை தனியாக வைத்துக்கொள்ளுங்கள்.

குழந்தைகள் முருங்கைக்கீரையை வெறுக்கிறார்களா..? கேட்டு கேட்டு வாங்கி சாப்பிடும் வகையில் இப்படி செஞ்சு கொடுங்க..!

அடுத்ததாக அதே கடாயில் 4 ஸ்பூன் எண்ணெய் விட்டு கடுகு சேர்த்து தாளியுங்கள்.

பின் கடலைப்பருப்பு, காய்ந்த மிளகாய், கறிவேப்பிலை சேர்த்து வதக்குங்கள்.

கடலைப்பருப்பு பொன்னிறமாக வந்ததும் வடித்த சாதம் சேர்த்து அதன் மேல் அரைத்த வேர்க்கடலைப் பொடியையும், உப்பையும் சேர்த்து நன்கு கிளறிக்கொள்ளுங்கள்.

நன்கு பிரட்டியதும் இறுதியாக கொத்தமல்லி தழை தூவி இரண்டு நிமிடங்களுக்கு சிறு தீயில் வைத்து அணைத்துவிடுங்கள்.

அவ்வளவுதான் வேர்க்கடலை சாதம் ரெசிபி...

 
Published by:Sivaranjani E
First published:

Tags: Food recipes, Peanut

அடுத்த செய்தி