இனி தயிர் சாதத்தை இந்த அரிசியில் செஞ்சு சாப்பிட்டு பாருங்கள்... ருசியாக இருக்கும்...!

குதிரைவாலியில் நார்ச்சத்து, மாவுச்சத்து, கொழுப்புச்சத்து, சுண்ணாம்புச்சத்து, பாஸ்பரஸ் மற்றும் இரும்புச்சத்து ஆகியவை அதிகமாக உள்ளன.  கோதுமையில் இருப்பதை விட குதிரைவாலியில் ஆறு மடங்கு நார்ச்சத்து உள்ளது. அத்தகைய குதிரைவாலியில் தயிர் சாதம் செய்வது எப்படி என்பதை இந்த பதிவில் தெரிந்துக் கொள்ளலாம்.

தேவையான பொருட்கள்

குதிரைவாலி அரிசி - 500 கிராம்

பால் -ஒரு கோப்பை

தயிர் -அரை கோப்பை

உப்பு -தேவையான அளவு

கொத்தமல்லி, கறிவேப்பிலை,

கடுகு -1 டீ ஸ்பூன்

காய்ந்த மிளகாய் - 2

மாதுளை, இஞ்சி - சிறிதளவு.

செய்முறை

1. முதலில் குதிரைவாலி அரிசியை சுத்தம் செய்து மூன்று கப் நீர் சேர்த்து, நன்கு குழைய வேக வைத்துக் கொள்ளவும். பின் சோறு குளிர்ந்த பிறகு, அதனுடன் பால் சேர்த்து கிளறவும்.

2. அதன் பின் கடாயில் சிறிது எண்ணெய் ஊற்றி கடுகு. காய்ந்த மிளகாய், இஞ்சி, கருவேப்பிலை சேர்த்து பொரித்து எடுக்கவும். பின் அதை தயிருடன் சேர்த்து, பால் ஊற்றி சாதத்தில் போட்டு நன்றாக கலக்கி உப்பு சேர்க்கவும்.

3. இறுதியாக கொத்தமல்லி, மாதுளை சேர்த்துப் பரிமாறவும். இந்த சிறுதானிய குதிரைவாலி அரிசியில் செய்த தயிர் சாதம் மிகவும் ருசியாக இருக்கும். ஒரு முறை ட்ரை பண்ணி பாருங்கள்.

4. இது சுகர் உள்ளவங்களுக்கு இரத்தத்தில் உள்ள சர்க்கரையின் அளவை கட்டுப்படுத்துகிறது.