சுவையான பலாக்காய் குழம்பு செய்ய ரெசிபி...

கோடைகாலத்தில் பலாப்பழம் மற்றும் பலாக்காய் அதிகம் கிடைக்கும். இந்த பழத்தைப் பார்த்தாலே நா ஊறும். அதேப் போன்று அதன் காயை சமைத்து சாப்பிட்டாலும், சுவையாக இருக்கும்.

தேவையான பொருட்கள்:

பலாக்காய் - 250 கிராம்

வெங்காயம் - 2

பூண்டு - 6-7 பல்

பச்சை மிளகாய் - 2

மஞ்சள் தூள் - 1 டீஸ்பூன்

மிளகாய் தூள் - 1 டீஸ்பூன்

மல்லி தூள் - 1 டீஸ்பூன்

கரம் மசாலா - 1 டீஸ்பூன்

சீரகம் - 1 டீஸ்பூன்

கடுகு - 1/2 டீஸ்பூன்

பிரியாணி இலை - 1

உப்பு - தேவையான அளவு

எண்ணெய் - தேவையான அளவு

தண்ணீர் - 1 கப்

பலாக்காய்

செய்முறை:

1. முதலில் பலாக்காயை நன்கு தோலுரித்து, 1 இன்ச் துண்டுகளாக நறுக்கி, கழுவிக் கொள்ள வேண்டும்

2.  பின்னர் ஒரு குக்கரை அடுப்பில் வைத்து, நறுக்கிய பலாக்காயை போட்டு, தேவையான அளவு தண்ணீர் ஊற்றி 2 விசில் விட்டு இறக்கி, தண்ணீரை வடித்து தனியாக வைத்துக் கொள்ள வேண்டும்.

3. பின்பு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு, சீரகம், பிரியாணி இலை சேர்த்து நன்கு தாளித்துக் கொள்ள வேண்டும்.

4. அடுத்து நறுக்கி வைத்துள்ள வெங்காயத்தை போட்டு, நன்கு பொன்னிறமாக வதக்கிக் கொள்ள வேண்டும். பின் பூண்டு, பச்சை மிளகாய் சேர்த்து கிளறி, உப்பு, மஞ்சள் தூள், மிளகாய் தூள், கரம் மசாலா மற்றும் மல்லித் தூள் சேர்த்து 2 நிமிடம் கலவையை நன்கு பிரட்டி விட வேண்டும்.

5. பிறகு அதில் தண்ணீர் ஊற்றி கொதிக்க விட்டு, வேக வைத்துள்ள பலாக்காயை போட்டு 4-5 நிமிடம் கொதிக்க விட்டு இறக்கி விட வேண்டும்.

Also see... அரிசி மாவு புட்டு... எளிமையாக செய்வது எப்படி?

6. இப்போது சுவையான பலாக்காய் குழம்பு ரெடி.  இதனை சாதம் அல்லது சப்பாத்தியுடன் சாப்பிட்டால் நன்றாக இருக்கும்.