• HOME
  • »
  • NEWS
  • »
  • lifestyle
  • »
  • இறால் முட்டை பொடிமாஸ் செய்வது எப்படி...?

இறால் முட்டை பொடிமாஸ் செய்வது எப்படி...?

இறால் முட்டை பொடிமாஸ்

இறால் முட்டை பொடிமாஸ்

இறால் முட்டை பொடி மாஸ் செய்வது எப்படி என்பதை பார்க்கலாம் வாங்க... 

  • Share this:
அசைவ உணவுகளில் குழந்தைகளுக்கு பிடித்த முதல் உணவு முட்டைதான். அதிலும் மீன்களில் குழந்தைகளுக்கு விருப்பமான ஒன்று இறால்தான். இவை இரண்டையும் போட்டு இறால் முட்டை பொடிமாஸ் எப்படி செய்யலாம் என்று பார்க்கலாம்....

தேவையான பொருட்கள்:

இறால் - 100 கிராம்

முட்டை - 2

மிளகு தூள் - சிறிதளவு

உப்பு - அரை ஸ்பூன்

இஞ்சி, பூண்டு பேஸ்ட் - அரை ஸ்பூன்

மஞ்சள் தூள் - சிறிது

மிளகாய் தூள் - சிறிதளவு

வெங்காயம் - 2

கறிவேப்பிலை - சிறிதளவு

வெங்காயத்தாள் - சிறிதளவு

கொத்தமல்லி - சிறிதளவு

எண்ணெய் - தேவையான அளவு

இறால் மீன்


செய்முறை:

முதலில் இறாலை சுத்தம் செய்து சிறிது மிளகாய் தூள், உப்பு, இஞ்சி, பூண்டு பேஸ்ட், மஞ்சள் தூள் சேர்த்து நன்றாக கலந்துசுமார் அரை மணி நேரம் ஊற வைக்க வேண்டும். பின்னர் அதனை தோசை கல்லையில் போட்டு நன்றாக வறுத்து கொள்ளவும்.

வறுத்த இறாலை பொடியாக நறுக்கி கொள்ளவும். வெங்காயத்தாள், வெங்காயம், கொத்தமல்லி, கறிவேப்பிலையை பொடியாக நறுக்கி கொள்ளவும். பின்னர் பாத்திரத்தை அடுப்பில் வைத்து எண்ணெய் ஊற்றி சூடானதும் வெங்காயம், வெங்காயத்தாள் போட்டு வதக்கவும். வெங்காயம் சற்று வதங்கியதும் இஞ்சி, பூண்டு பேஸ்ட் போட்டு பச்சை வாசனை போகும் வரை வதக்கவும்.

மேலும் படிக்க... குழந்தைகளுக்கு விருப்பமான முட்டை இடியாப்பம்...

அடுத்து அதில் மஞ்சள் தூள், மிளகு தூள், மிளகாய் தூள், கறிவேப்பிலை, உப்பு போட்டு வதக்கவும். அடுத்ததாக அதில் முட்டையை உடைத்து ஊற்றி நன்கு கிளறவும். முட்டை நன்றாக வெந்து உதிரி உதிரியாக வந்ததும் பொடியாக நறுக்கிய இறால், வெங்காயத்தாள் சேர்த்து நன்றாக கலந்து இறக்கி பரிமாறலாம். இப்போது சுவையான இறால் முட்டை பொடிமாஸ் ரெடி.

மேலும் படிக்க... சுவையான மீன் தொக்கு செய்வது எப்படி...?

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Vaijayanthi S
First published: