• HOME
  • »
  • NEWS
  • »
  • lifestyle
  • »
  • திருக்கார்த்திகைக்கு கடலை உருண்டை செய்யலாம்...

திருக்கார்த்திகைக்கு கடலை உருண்டை செய்யலாம்...

கடலை உருண்டை நம் தமிழ்நாட்டின் ஒரு சத்தான இனிப்பு பலகாரம். குழந்தைகள் முதல் பெரியோர் வரை எல்லோர்க்கும் ஏற்றது. இதில் இருக்கும் சத்துக்கள் நிறைய. வாங்க இதை எப்படி செய்வது என்பதை பார்க்கலாம்...

  • Share this:
கடலை உருண்டை நம் தமிழ்நாட்டின் ஒரு சத்தான இனிப்பு பலகாரம். குழந்தைகள் முதல் பெரியோர் வரை எல்லோர்க்கும் ஏற்றது. இதில் இருக்கும் சத்துக்கள் நிறைய. கடைகளில் கிடைக்கும் விலை உயர்ந்த சாக்லேட்டுகளை தவிர்த்து, நம் பாரம்பரிய இனிப்பான கடலை மிட்டாயை அதிகம் வாங்கி உண்ணலாம்.

தேவையான பொருட்கள்

வேர் கடலை (காய்ந்தது) – 1 கப்

வெல்லம் – 1/2 கப்

தண்ணீர் – 1/2 கப்

நெய் – தேவைக்கேற்ப



செய்முறை

முதலில் ஓர் அடி கனமான பாத்திரத்தில், வேர்க்கடலையை மிதமான தீயில் வறுத்துக்கொள்ளவும். ஆறவைத்து, நன்கு உள்ளங்கைகளால் தேய்த்து, தோலை முற்றிலுமாக நீக்கி விடவும். பின்னர்
ஒரு அடி கனமான பாத்திரத்தில், வெல்லம், தண்ணீர் சேர்த்து, வெல்லத்தை கரைக்கவும். அவை கரைந்ததும் வடிகட்டவும். மீண்டும் பாத்திரத்தை நன்கு கழுவி விட்டு, வெல்ல பாகை காய்ச்சவும்.

ஒரு சிறு கிண்ணத்தில் தண்ணீர் வைத்து, பாகு பதம் வந்து விட்டதா என்று பார்க்கவும். சிறு துளிகளை ஊற்றி, விரல்களால் உருட்ட முடிய வேண்டும். உருட்டிய உருண்டை, பளபளப்பாகவும், தட்டில் போட்டால் சத்தத்துடன் விழும். இது தான் சரியான உருட்டு பதம்.

பின்னர் அடுப்பிலிருந்து இறக்கி, வேர்க்கடலையை சேர்க்கவும். ஒரு கரண்டி காம்பினால் கிளறவும். கையில் நெய் தடவிக்கொண்டு, சிறிது சிறிதாக எடுத்து, உருண்டைகளாக, கெட்டியாக உருட்டவும்.
இறுதியில் பாத்திரத்தில் கலவை கெட்டியாகும் பொழுது, லேசாக அடுப்பில் வைத்து சூடு செய்தல் இளகிவிடும், மீண்டும் உருட்டிவிடலாம். இப்போது தித்திப்பான கடலை உருண்டை ரெடி.

மேலும் படிக்க... திருக்கார்த்திகைக்குப் பொரி உருண்டை செய்வது எப்படி?

திருக்கார்த்திகைக்கு நெய் அப்பம் செய்ய ரெசிபி!

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Vaijayanthi S
First published: