வாழைத்தண்டு பொரியலை இப்படி செஞ்சு சாப்பிட்டிருக்கீங்களா..? டிரை பண்ணி பாருங்க...

வாழைத்தண்டு நார்ச்சத்து நிறைந்த உணவு. இதை வாரம் ஒரு முறையேனும் சாப்பிட்டு வந்தால் செரிமானம் மேம்படும். அதுவும் இந்த மாதிரி செய்து சாப்பிட்டால் சுவையும், ஆரோக்கியமும் கூடுதலாக கிடைக்கும்.

தேவையான பொருட்கள் :

வாழைத்தண்டு - 1
கடுகு - 1 tsp
கடலை பருப்பு - 2 tsp
காய்ந்த மிளகாய் - 3
கறிவேப்பிலை - சிறிதளவு
வெங்காயம் - 2
உப்பு - தே.அ
துருவிய தேங்காய் - 1 கப்



செய்முறை :

வாழைத்தண்டை நார் இல்லாமல் நன்கு சுத்தம் செய்துகொள்ளுங்கள். பின் குக்கரில் போட்டு தண்ணீர் ஊற்றி 2 விசில் வர வேக வைத்துக்கொள்ளுங்கள்.

பின் தண்ணீரை வடிகட்டி தனியாக எடுத்து வைத்துக்கொள்ளுங்கள்.

காலை உணவை ஹெல்தியாக்கும் இன்ஸ்டன்ட் பீட்ரூட் ஓட்ஸ் இட்லி

கடாய் வைத்து எண்ணெய் ஊற்றி கடுகு போட்டு பொறிந்ததும் கடலை பருப்பை போடுங்கள். சிவந்ததும் காய்ந்த மிளகாய் , வெங்காயம் , கறிவேப்பிலை சேர்த்து வதக்கிக்கொள்ளுங்கள்.

வதங்கியதும் வேக வைத்த வாழைத்தண்டை சேர்த்து கலந்துவிடுங்கள்.அதோடு உப்பையும் சேர்த்துக்கொள்ளுங்கள்.

5 நிமிடங்கள் கழித்து துருவிய தேங்காய் சேர்த்து பிரட்டி எடுத்து சில நிமிடங்கள் வெந்ததும் அடுப்பை அணைத்துவிடுங்கள்.

அவ்வளவுதான் வாழைத்தண்டு பொரியல் தயார்.