நல்லெண்ணெய் சேர்த்த தக்காளி காரச்சட்னி : ஒரு முறை இப்படி செஞ்சு பாருங்க... 2 நாளைக்கு கூட வச்சு சாப்பிடலாம்

தக்காளி காரச்சட்னியை நல்லெண்ணெய் சேர்த்து அரைத்து வைத்துக்கொண்டால் இரண்டு நாட்களுக்குக் கூட வைத்து சாப்பிடலாம். தோசைக்கு இந்த காரச்சட்னி பொருத்தமாக இருக்கும். சப்பாத்திக்கு கூட தொட்டுக்கொள்ளலாம். எப்படி செய்வது என்று பார்க்கலாம்.

தேவையான பொருட்கள் :

தக்காளி - 6
வெங்காயம் - 1
இஞ்சி - 1/2 துண்டு
பச்சை மிளகாய் - 4
கொத்தமல்லி - 1கைப்பிடி
கறிவேப்பிலை - 1கொத்து
புளி - சிறிய நெல்லிக்காய் அளவு
உப்பு - 1 1/2 ஸ்பூன்
காஷ்மீர் மிளகாய் பொடி - 1/2 ஸ்பூன்

தாளிக்க :

நல்லெண்ணெய் - 100 கிராம்
கடுகு - 1 ஸ்பூம்
உளுத்தம் பருப்பு - 3 ஸ்பூன்
காய்ந்த மிளகாய் - 3



செய்முறை :

முதலில் தக்காளி , வெங்காயத்தை நறுக்கி அரைத்துக்கொள்ளுங்கள். பச்சையாக அப்படியே அரைக்க வேண்டும்.

பின் மற்ற பொருட்களை சேர்த்து அரைக்க வேண்டும்.

இப்போது கடாய் வைத்து நல்லெண்ணெய் ஊற்றி கடுகு, உளுந்து காய்ந்த மிளகாய் சேர்த்து தாளித்துக்கொள்ளுங்கள்.

கார போண்டா நல்லா உப்பி மொறு மொறுனு வரனுமா..? அப்போ இந்த ரெசிபியை ஃபாலோ பண்ணுங்க...

பின் அரைத்த விழுதை அதில் சேர்த்து அரை டம்ளர் தண்ணீர் சேர்த்து கொதிக்க வையுங்கள்.

15 நிமிடங்கள் கொதித்து எண்ணெய் பிரிந்து வரும்போது அடுப்பை அணைத்துவிடுங்கள்.

அவ்வளவுதான் தக்காளி கார சட்னி தயார்.