இன்னைக்கு வீட்டில் புடலங்காய் பொரியல் செஞ்சு பாருங்க..!

குறைந்த நேரத்தில் சமைக்கக் கூடிய காய் வகைகளில் புடலங்காயும் ஒன்று. நீர்ச்சத்து கொண்ட புடலங்காயை ஏதேனும் ஒரு வகையில், கோடைக்காலத்தில் உணவில் சேர்த்துக்கொள்ள வேண்டியது அவசியம். உடல் எடை குறைப்பில் முக்கியப் பங்காற்றுவதுடன், நோய் எதிர்ப்புத் திறனையும் பெற்றது புடலங்காய்.

தேவையான பொருட்கள் :

புடலங்காய் - 2
வெங்காயம் - 1
பச்சை மிளகாய் - 4
சீரகம் - 1 Tsp
மஞ்சள் - 1/4 Tsp
எண்ணெய் - சமைக்க
கடுகு - 1/2 Tsp
தேங்காய் - 1/2 கப்
உப்பு - தே. அளவு
கருவேப்பிலை - சிறிதளவு



செய்முறை :

புடலங்காயை சுத்தம் செய்து நீள வாக்கில் வெட்டிக்கொள்ளுங்கள்.

கடாயில் எண்ணெய் ஊற்றி கடுகு மற்றும் சீரகம் போட்டு பொறிக்க விடுங்கள்.

அடுத்ததாக வெங்காயம் மற்றும் பச்சை மிளகாய், கருவேப்பிலை போட்டு வதக்கவும்.

நெய் மருத்துவம் தெரியுமா..? காலைல எழுந்ததும் ஒரு ஸ்பூன் குடிச்சு பாருங்க.. அப்போ தெரியும்..!

நன்கு வதங்கியதும் நறுக்கிய புடலங்காயை போட்டு வதக்கவும். தே. அளவு உப்பு சேர்க்கவும்.

நன்குக் கிளறிவிட்டு மூடிய நிலையில் 10 நிமிடங்கள் வேகவிடவும்.

வெந்ததும் துருவிய தேங்காயை போட்டு பிறட்டவும். மீண்டும் ஐந்து நிமிடங்கள் வேக விடவும்.]

என்னைக்காவது மோர் குழம்பு இப்படி செஞ்சு சாப்பிட்டிருக்கீங்களா..?

அவ்வளவுதான் புடலங்காய் பொரியல் தயார். காரசாரமான குழம்பு வகைகளுக்கு புடலங்காய் பொரியல் பொருத்தமாக இருக்கும்.

பார்க்க :