Home /News /lifestyle /

சப்பாத்தி, தோசைக்கு பொருத்தமான உருளைக் கிழங்கு பட்டாணி குருமா..! எப்படி செய்வது..?

சப்பாத்தி, தோசைக்கு பொருத்தமான உருளைக் கிழங்கு பட்டாணி குருமா..! எப்படி செய்வது..?

உருளைக் கிழங்கு பட்டாணி குருமா

உருளைக் கிழங்கு பட்டாணி குருமா

தேங்காய் பாலின் சுவையில் குருமா செய்து சாப்பிட்டால் அருசுவையில் நாவில் நிற்கும்.

    தேங்காய் பாலின் சுவையில் குருமா செய்து சாப்பிட்டால் அருசுவையும் நாவில் நிற்கும். அதில் உருளைக்கிழங்கும் பட்டாணியும் சேர்த்து சமைத்தால் சுவை, உச்சம் தொடும். எப்படி செய்வது என்று பார்க்கலாம்.

    தேவையான பொருட்கள் :

    தேங்காய் துருவல் - 2 கப்
    சுடு தண்ணீர் - 1 கப்

    குழம்பு செய்ய :

    உருளைக்கிழங்கு - 3
    பச்சை பட்டாணி - 1 கப்
    வெங்காயம் - 1
    தக்காளி - 1
    இஞ்சி - 1 துண்டு
    பூண்டு - 4 பற்கள்
    கிராம்பு - 2
    சீரகப்பொடி - 1 tsp
    தனியா பொடி - 1 tsp
    மிளகு - 1/2 tsp
    மஞ்சள் பொடி - 1/2 tsp
    கரம் மசாலா - 1 tsp
    உப்பு - தே.அ

    படிக்க: ஐந்தே நிமிடத்தில் மாங்காய் ஊறுகாய்.. நாவூறும் சுவையில் எப்படி செய்வது?



    செய்முறை :

    முதலில் தேங்காய் பால் அரைத்து, அதை தனியாக எடுத்து வைத்துக்கொள்ளுங்கள்.

    குக்கர் வைத்து எண்ணெய் ஊற்றுங்கள். காய்ந்ததும் வெங்காயம் , இஞ்சி பூண்டு சேர்த்து வதக்குங்கள். பின் தக்காளி சேருங்கள்.

    வதங்கியதும் கிராம்பு , சீரகப் பொடி, மிளகு , மஞ்சள் பொடி, கரம் மசாலா சேர்த்து வதக்குங்கள்.

    அடுத்ததாக உருளைக்கிழங்கு மற்றும் பட்டாணி சேர்த்து கிளறுங்கள். பின் எடுத்து வைத்துள்ள தேங்காய் பால் 1  1/2 கப் சேருங்கள்.

    படிக்க: நீங்கள் அருந்தும் பாலில் தினம் 2 ஏலக்காய் தட்டிப் போடுங்கள் : ஏன் தெரியுமா..?

    பின் குக்கரை மூடி 3 விசில் வர காத்திருங்கள். விசில் வந்ததும் அடுப்பை அணைத்து பிரஷர் அடங்கியதும் குக்கரை திறந்து, பின் கிளறி உப்பு பார்த்துக்கொள்ளுங்கள். மீண்டும் அடுப்பில் வைத்து 2 கொதி வர வையுங்கள். கொதித்து தேவையான கெட்டிப்பதம் வந்ததும் இறக்கி விடுங்கள்.

    அவ்வளவுதான் சுவையான் உருளைக்கிழங்கு பட்டாணி குருமா தயார்.
    Published by:Sivaranjani E
    First published:

    அடுத்த செய்தி