இட்லி மாவில் சுவையான கார பணியாரம் செய்வது எப்படி? - இதோ ரெசிபி

உங்கள் வீட்டில் இட்லி மாவு இருந்தாலே போதும். ஈவினிங் ஸ்னாக்ஸ் ரெடி என்றே நினைத்துக் கொள்ளுங்கள். அந்த காலத்திலெல்லாம் தாய்மார்கள், பாட்டிமார்கள் வீட்டில் இருப்பவர்களின் பசியை ஆற்ற எதையாவது சுட்டு தந்து கொண்டே இருப்பார்கள். ஆனால் இப்பொழுது இருக்கும் தாய்மார்களுக்கு அதற்கெல்லாம் நேரமே இருப்பதில்லை. இந்த இட்லி மாவு பணியாரம் மிகக் குறைந்த பொருட்களை கொண்டு, மிகக் குறைந்த நேரத்தில் உடனடியாக செய்து விடுவதால் உங்களது நேரமும் வீணாக போவதில்லை. வீட்டில் இருப்பவர்களின் வயிறும் நிரம்பி உங்களைத் தொல்லை செய்யாமல் விட்டு விடுவார்கள். அத்தகைய பணியாரத்தை எப்படி செய்வது என்று இந்த பதிவில் தெரிந்துக் கொள்ளலாம். 

தேவையான பொருட்கள்:

இட்லி மாவு – தேவையான அளவிற்கு,

வெங்காயம் – 1

கடலைப்பருப்பு – 1 டீஸ்பூன்

உளுத்தம் பருப்பு – 1 டீஸ்பூன்

பச்சை மிளகாய் – 1

கறிவேப்பிலை – சிறிதளவு

செய்முறை

1. முதலில் ஒரு கடாயை அடுப்பில் வைத்து கடலைப் பருப்பு மற்றும் உளுத்தம் பருப்பு சேர்த்து பொன்னிறமாக வறுத்து எடுக்க வேண்டும்.

2. அதன்பின் பச்சை மிளகாய், கறிவேப்பிலை போட்டு வதக்கிக் கொள்ளுங்கள். பின்னர் நறுக்கிய வெங்காயம் சேர்த்து நன்றாக வதக்கிய பின் இவற்றை எடுத்து வைத்துள்ள இட்லி மாவில் சேர்த்து நன்கு கலந்து கொள்ளுங்கள். இட்லி மாவு கெட்டியாக இருக்க வேண்டும்.

4. உங்களிடம் கெட்டியாக இல்லை என்றால் சிறிதளவு அரிசி மாவு சேர்த்துக் கொள்ளுங்கள், கெட்டியாகிவிடும்.

5. இப்போது பணியாரக் கடாயை அடுப்பில் வைத்து எல்லா குழிகளிலும் சிறிதளவு எண்ணெய் விட்டு, ஒவ்வொரு குழியிலும் இந்த மாவை ஊற்றி வாருங்கள். ஒரு இரண்டு நிமிடம் கழித்து திருப்பி போடுங்கள்.

6. நன்கு வெந்து உப்பி பணியாரம் போல் வந்ததும் அதனை எடுத்து பரிமாறலாம். இப்போது அட்டகாசமாக ஈவினிங் ஸ்நாக்ஸ் ரெடி.

7. இந்த இட்லி மாவில் வெல்லத்தை பாகுபோல காய்ச்சி இனிப்பு பணியாரமும் செய்யலாம்.