Home /News /lifestyle /

15 நிமிடத்தில் கமகமக்கும் இன்ஸ்டன்ட் சாம்பார் : குக்கரில் எப்படி செய்வது?

15 நிமிடத்தில் கமகமக்கும் இன்ஸ்டன்ட் சாம்பார் : குக்கரில் எப்படி செய்வது?

சாம்பார்

சாம்பார்

15 நிமிடங்களில் அவசரத்திற்கு குக்கரிலேயே சாம்பார் எப்படி வைப்பது என்று பார்க்கலாம். 

தேவையான பொருட்கள்

துவரம் பருப்பு - 1 கப்
சின்ன வெங்காயம் - 7
மஞ்சள் - 1/2 tsp
தண்ணீர் - 2 1/2 கப்
உப்பு - தே.அ
காய்கறிகள்
சாம்பார் பொடி - 3 tsp
மிளகாய் தூள் - 1 tsp
புளி - சிறிதளவு
தக்காளி - 1
பூண்டு - 6 பற்கள்

தாளிக்க :

கடுகு - 1 tsp
சீரகம் - 1 tsp
காய்ந்த மிளகாய் - 3
பெரிய வெங்காயம் - 1
பெருங்காயத்தூள் - 1/2 tsp
கறிவேப்பிலை , கொத்தமல்லி - சிறிதளவு



செய்முறை :

துவரம்பருப்பைக் கழுவி குக்கரில் போட்டுக்கொள்ளுங்கள்.புளி ஊற வைத்து எடுத்துக்கொள்ளுங்கள்.

பின் அதிலேயே சின்ன வெங்காயம், மஞ்சள், தக்காளி, பூண்டு ,உப்பு சிறிதளவு சேர்த்து தண்ணீர் ஊற்றி 4 விசில் வரும்வரை வேக வைத்துக்கொள்ளுங்கள்.

விசில் வந்ததும் விசிலைத் திறந்துவிட்டு பருப்பை குக்கரிலேயே கடைந்துகொள்ளுங்கள்.

செட்டிநாடு சுவையில் உருளைக்கிழங்கு காரக்குழம்பு எப்படி செய்வது..?

பின் அதிலேயே நறுக்கிய காய்கறிகள், மிளகாய் பொடி, சாம்பார் பொடி , உப்பு சேர்த்துக்கொள்ளுங்கள்.

புளித்தண்ணீருடன் சேர்த்து, நீங்கள் சேர்த்துள்ள காய்கறி அளவுக்கு ஏற்ப தண்ணீர் ஊற்றுங்கள்.

மீண்டும் குக்கரை மூடிவிட்டு 1 விசில் வந்ததும் அடுப்பை அணைத்துவிடுங்கள்.

மருத்துவ குணங்கள் நிறைந்த பாகற்காய் புளிக் குழம்பு : எப்படி செய்வது?

தாளிப்பதற்கு வானலி வைத்து தாளிக்கக் கொடுக்கப்பட்டுள்ள பொருட்களை சேர்த்து தாளித்துவிடுங்கள்.

குறிப்பு : பருப்பு தனியாக வேக வைக்கவேண்டாம் எனில் பருப்பு சேர்க்கும்போதே காய்கறிகள், சாம்பார் பொடி , உப்பு, புளி தண்ணீர் என அனைத்தையும் மொத்தமாக சேர்த்து 3 விசில் வரும்வரை அணைத்துவிடுங்கள்.

பின் வானலி வைத்து தாளித்துக்கொள்ளுங்கள்.

பின்குறிப்பு: இந்த முறையில் செய்வதாக இருந்தால், பருப்பை அரை மணிநேரத்துக்கு முன்பாக ஊற வைத்துக்கொள்ளுங்கள்.

 
Published by:Sivaranjani E
First published:

அடுத்த செய்தி