இந்த 4 வகை பருப்பை சேர்த்து அரைச்சா ஆரோக்கியமான தோசை மாவு ரெடி... எப்படி செய்வது..?

காலை அல்லது இரவு என டிஃபன் வகை உணவு நிச்சயம் இடம் பெறும். அதுதான் ஆரோக்கியமானதும் கூட... அந்த வகையில் வெறும் அரிசி மாவு மட்டும் இல்லாமல் இப்படி பருப்பு வகைகளை அரைத்து வித்தியாசமான முறையில் தோசை சுட்டு சாப்பிட்டுப் பாருங்க...

தேவையான பொருட்கள் :

இட்லி அரிசி - 1 கப்
கடலை பருப்பு - 1/2 கப்
உளுத்தம் பருப்பு - 1/2 கப்
பாசி பருப்பு - 1/4 கப்
துவரம் பருப்பு - 1/4 கப்
காய்ந்த மிளகாய் - 6

மிக்ஸ் செய்ய வேண்டிய பொருட்கள் :

சீவிய கேரட் - 1 1/2 கப்
பச்சை மிளகாய் - 2
கறிவேப்பிலை - 1 கொத்து
சீரகம் - 1/2 tsp
வெங்காயம் - 2



செய்முறை :

கொடுக்கப்பட்டுள்ள அனைத்தையும் ஒரு கிண்ணத்தில் அளந்து கொட்டி அதை நன்கு கழுவி 4 மணி நேரத்திற்கு ஊற வைத்துக்கொள்ளுங்கள்.

4 மணி நேரம் கழித்து தண்ணீரை வடிகட்டிக்கொண்டு பருப்பை தண்ணீர் ஊற்றாமல் அரைத்துக்கொள்ளுங்கள்.

தேவைப்பட்டால் கொஞ்சமாக தண்ணீர் ஊற்றி மொர மொரப்பாக அரைத்துக்கொள்ளுங்கள். மாவு கெட்டியாக இருக்க வேண்டும்.

கருப்பு கொண்டைக்கடலை ஊற வைத்த தண்ணீரை தினமும் இப்படி குடித்து வந்தால் இத்தனை நன்மைகளா..? மிஸ் பண்ணிடாதீங்க..

அப்போதுதான் அடைக்கு நன்றாக வரும்.

மாவை அரைத்து ஒரு கிண்ணத்தில் வழித்துக்கொண்டு பின் மிக்ஸ் செய்ய கொடுக்கப்பட்டுள்ளவற்றை மாவில் சேர்த்து கலந்துவிடுங்கள். உப்பு போட மறந்துடாதீங்க..

அனைத்தையும் நன்கு கலந்துவிட்டு தோசைக்கல்லில் ஒரு கரண்டி மாவை ஊற்றி கெட்டியாக சுட்டு எடுத்தால் அடை தோசை தயார்.

இதற்கு தேங்காய் சட்னி பொருத்தமாக இருக்கும்.