உங்களுக்கு உயரமாக வளர வேண்டும் என்பது ஆசையா..? அதற்கு முன் இந்த கட்டுக் கதைகளையெல்லாம் நம்பாதீங்க..!

உங்களுக்கு உயரமாக வளர வேண்டும் என்பது ஆசையா..? அதற்கு முன் இந்த கட்டுக் கதைகளையெல்லாம் நம்பாதீங்க..!

மாதிரி படம்

நீங்கள் கட்டுக்கதைகளை நம்பி சோகமாக உட்காரவேண்டிய அவசியமில்லை.

  • Share this:
ஒவ்வொரு பெற்றோரும் தங்கள் குழந்தை ஆரோக்கியமாகவும், நல்ல திடமுடனும் இருக்க வேண்டும் என்று விரும்புகிறார்கள். அதோடு கூட சரியான உயரத்துடன் இருக்கவேண்டுமென்றும் விரும்புகிறார்கள். இருப்பினும், உங்கள் உயரம் எலும்புகளில் உள்ள வளர்ச்சி ஹார்மோன்கள் / கிரௌத் பிளேட்ஸ் அல்லது எபிபீசல் பிளேட்ஸால் தீர்மானிக்கப்படுகிறது. அவை பொதுவாக 18-19 வயதுக்குப் பிறகு தூண்டப்படாது. பெரும்பாலான ஆய்வுகளின்படி, வளர்ச்சி ஹார்மோன்கள் மற்றும் பிளேட்ஸ்களைத் தூண்டுவதில் உடற்பயிற்சி, ஊட்டச்சத்து மற்றும் தூக்கம் முக்கிய பங்கு வகிக்கின்றன.

ஆனால் இந்த காரணிகளை பாதிக்க வேறு பல வழிகளும் உள்ளன என்று பெரும்பாலான மக்கள் கருதுகின்றனர், எனவே உங்கள் உயரத்தை அதிகரிப்பது குறித்து பல தவறான எண்ணங்கள் உள்ளன. துரதிர்ஷ்டவசமாக, அவர்களில் பெரும்பாலோருக்கு விஞ்ஞான ஆதாரங்கள் எதுவுமில்லை. அழகுக்கும், உயரத்துக்கும் தொடர்பு இருக்கிறதா என்றால் நிச்சயம் இருக்கிறது. ஒருவரின் வயதுக்கு ஏற்ற உயரம் இல்லையென்றால், அது அவரின் அழகைக் குலைத்துவிடும். சிலருக்கு உயரம் என்பது தன்னம்பிக்கையையும் கம்பீரத்தையும் தனி அழகையும் தரக்கூடியது.

சிலருக்கு, தங்களைவிட உயரமாக இருப்பவர்களைப் பார்க்கும்போது, சிறிது பொறாமையோ, தாழ்வு மனப்பான்மையோகூட ஏற்படுவதுண்டு. உயரம், அந்த வகையில் மிக முக்கியமான ஒன்று. எனவே, குழந்தைப் பருவத்தில் இருந்தே வயதுக்கும் எடைக்கும் தகுந்த உயரத்தை ஒவ்வொருவருமே பராமரிக்கவேண்டியது அவசியம். ஆனால் நம்மிடையே உள்ள உயர கட்டுக்கதைகளை நம்பி நாம் வருத்தமுற கூடாது.

உயரத்தை அதிகரிப்பது குறித்த பின்வரும் பொதுவான கட்டுக்கதைகளை நீங்கள் நம்பவேகூடாது...

முதலாவது கட்டுக்கதை - வயசுக்கு வந்துவிட்ட பின்னர் உயரமாக வளர முடியாது :

உண்மை : பருவமடைந்த பின்னர் உங்களால் அதிக உயரமாக வளரமுடியாது என்ற எண்ணம் பலருக்கும் மனச்சோர்வை ஏற்படுத்தும், குறிப்பாக மாதவிடாய் தொடங்கிய ஒரு இளம் பெண்ணாக இருந்தால் இந்த எண்ணம் ஏற்படுவது சாதாரணம். ஆனால் உண்மை என்னவென்றால், உங்கள் உயர வளர்ச்சி, கிரௌத் ஹார்மோன்கள் மற்றும் பிளேட்ஸ்களைப் பொறுத்தது என்பதால், உங்களின் உயரத்திற்கும் பருவமடைதலுக்கும் துளியும் தொடர்பில்லை. உங்கள் உடல் போதுமான அளவுகளில் உற்பத்தி செய்யும் வரை, இது வழக்கமாக 18-19 வயது வரை உங்களால் தொடர்ந்து உயரமாக வளரமுடியும்.



இரண்டாவது கட்டுக்கதை - ஒருவரின் உயரம் அவரின் மரபணுக்களால் மட்டுமே தீர்மானிக்கப்படுகிறத :

உண்மை: உங்கள் உயரம் அல்லது வளர்ச்சி விகிதம் பற்றி உங்களின் மரபணுக்களுக்கு நிச்சயமாக ஒரு பெரிய பங்கு உண்டு. ஆனால் ஒரு நல்ல உயரத்தை நிர்ணயிப்பது மரபியல் மட்டுமே என்று நம்புவது தவறானது, ஏனெனில் பல காரணிகள் அதற்கு பங்களிக்கின்றன. ஆரோக்கியமான வாழ்க்கை முறை, சரியான ஊட்டச்சத்து, போதுமான தூக்கம், உடற்பயிற்சி மற்றும் நன்கு பராமரிக்கப்படும் ஹார்மோன் அளவும் ஒரு முக்கிய இடத்தை வகிக்கிறது. ஊட்டச்சத்து குறைபாடு மற்றும் உடல் பருமன் ஆகியவை உங்கள் வளர்ச்சிக்கு குறிப்பாக தடையாக இருக்கும். ஒருவரின் உயரம், அவர் தாய், தந்தையின் சராசரி உயரத்தைப் பொறுத்து தான் அமையும்; பாரம்பரிய உடல் வளர்ச்சி முறை இது. எனினும், பாரம்பரியமாகக் குறைந்த உயரத்துடன் பிறந்த ஜப்பானியர்கள், இரண்டாம் உலகப் போருக்குப் பின், சத்துணவு, உடற்பயிற்சி ஆகியவற்றின் மூலம், தங்கள் உயரத்தை, 2 அங்குலம் வரை கூட்டினர். நீங்கள் கட்டுக்கதைகளை நம்பி சோகமாக உட்காரவேண்டிய அவசியமில்லை.

Weight loss | Calories | உடல் எடை குறைப்பு, ஃபிட்னெஸுக்கான மிகக்குறைந்த கலோரிகள் கொண்ட உணவுகளின் பட்டியல் இதோ..

மூன்றாவது கட்டுக்கதை - உயரமாக வளர நீங்கள் நிறைய பால் குடிக்க வேண்டும் :

உண்மை: வளரும் குழந்தைகள் தொடர்ந்து பால் குடிக்கச் சொல்லப்படுவதால் அவர்கள் உயரமாக வளர்வார்கள். இருப்பினும், உயரமாக வளர நீங்கள் செய்ய வேண்டியது பால் குடிப்பது மட்டுமே என்று அர்த்தமல்ல. உங்களுக்கு அதிகம் தேவைப்படுவது கால்சியம் மற்றும் வைட்டமின் D, கிரௌத் பிளேட்களைத் தூண்ட உதவும் இரண்டு ஊட்டச்சத்துக்கள் ஆகும். இந்த இரண்டு ஊட்டச்சத்துக்களுக்கும் சூரிய ஒளி, கீரை மற்றும் பிற பச்சை இலை காய்கறிகள் போன்ற பல ஆதாரங்கள் உள்ளன.

நான்காவது கட்டுக்கதை - உயரத்தை அதிகரிக்கும் இன்சோல்கள் மற்றும் அறுவை சிகிச்சைகள் :

உண்மை: ரிஃப்ளெக்சாலஜி எனப்படும் மாற்று மருந்து நடைமுறை உயரத்தை அதிகரிக்க உதவும் அழுத்தம் புள்ளிகளை குறிவைக்கும் இன்சோல்களின் பயன்பாட்டை அது முன்வைக்கிறது. இந்த கூற்றுக்களுக்கு விஞ்ஞான ஆதரவு எதுவும் இல்லை என்பதை நீங்கள் அறிந்து கொள்ள வேண்டும், எனவே இது நிச்சயம் வேலைசெய்யாது. இதேபோல், உயரமாக வளர, அறுவை சிகிச்சை செய்வது விலையுயர்ந்த மற்றும் ஆபத்தான ஒன்று. மேலும் நீங்கள் உயரமாக வளர, அறுவை சிகிச்சையை மேற்கொண்டால் இது உங்கள் நரம்பியல், வாஸ்குலர் மற்றும் கூட்டு அமைப்புகளுக்கு காயத்தை ஏற்படுத்தும். எனவே உயரமாக வளர இது ஒரு நல்ல வழி அல்ல.



உயரமாக வளர சில குறிப்புகள் :

தண்ணீர்: காஃபைன், கார்போனேட்டட் பானங்கள் போன்றவற்றைத் தவிர்த்துவிட்டு, தண்ணீர் குடிக்கும் அளவை அதிகரிக்க வேண்டும். இதனால் உடலின் வளர்ச்சிதை மாற்றம் அதிகரிக்கும். நச்சுகள் உடலில் இருந்து வெளியேறி, எலும்புகளின் வளர்ச்சிக்கு உறுதுணையாக இருக்கும்.

தூக்கம்: நாம் தூங்கும்போது, திசுக்கள் புதுப்பிக்கப்படும். அதோடு, உடலும் சீராக வளர்ச்சியடையும். எனவே, உயரமாக வளர, உடலுக்குப் போதிய ஓய்வு தேவை. அதிலும், வயதுக்கேற்ற தூக்கம் அவசியம். சிறு வயதினர் (0-12) தினமும் 8-11 மணிநேரமும், பெரியவர்கள் 7-8 மணிநேரம் ஆழ்ந்த தூக்கத்தை மேற்கொண்டால், நன்கு உயரமாக வளர முடியும்.

வைட்டமின் D: கால்சியம் சத்துகளை நம் உடல் ஏற்றுக்கொள்ளத் தேவையானது வைட்டமின் D. அதேபோல, இது எலும்புகளின் வளர்ச்சிக்கும் வலிமைக்கும் துணைபுரியக்கூடியது. சூரிய ஒளி உடலில் படுவதால், உடலுக்குத் தேவையான வைட்டமின் D கிடைக்கிறது. சிறு வயதிலேயே குழந்தைகளை வெயிலில் விளையாடுவதை வழக்கமாக்கிக் கொள்ளச் செய்தால், அவர்களுக்கு வைட்டமின் D எளிதாகக் கிடைக்கும்.





உடனுக்குடனான செய்திகளுக்கு இணைந்திருங்கள்
Published by:Sivaranjani E
First published: