• HOME
  • »
  • NEWS
  • »
  • lifestyle
  • »
  • ஹார்ட் ஹெல்த்-க்கு இந்த உணவு முறைகளே சிறந்தவை! நிச்சயம் தெரிந்து கொள்ளுங்கள்..!

ஹார்ட் ஹெல்த்-க்கு இந்த உணவு முறைகளே சிறந்தவை! நிச்சயம் தெரிந்து கொள்ளுங்கள்..!

நார்ச்சத்து, நல்ல கொழுப்புகள் மற்றும் ஆன்டி-ஆக்சிடன்ட்கள் அதிகம் உள்ள உணவுகள், குறிப்பாக, இதய ஆரோக்கியத்தை மேம்படுத்துவதாக ஆய்வுகள் தெரிவிக்கின்றன.

  • Share this:
இதய ஆரோக்கியத்துக்கு நல்ல உணவுப் பழக்கம் மிகவும் இன்றிமையாதது. உங்கள் இதயத்தை ஆரோக்கியமாக வைத்திருக்க உதவும் சிறந்த உணவு முறை இங்கே…

இதயத்துக்கான சிறந்த உணவு பழக்கம்:

உங்களை உயிரோடு வைத்திருக்கும் ஒரு முக்கிய உறுப்பு இதயம். இருப்பினும், நவீனகால வாழ்க்கைமுறை மற்றும் பல்வேறு தொடர்புடைய காரணிகள் இதயத்துக்கு அழுத்தம் கொடுத்து, பெரிய பாதிப்பை ஏற்படுத்தலாம். ஆரோக்கியமான வாழ்க்கை முறையை மேற்கொள்வது முக்கியம் என்றாலும், உங்களின் உணவுப்பழக்கம் இதய ஆரோக்கியத்தை தீர்மானிப்பதில் முக்கிய பங்கு வகிக்கிறது.

நார்ச்சத்து, நல்ல கொழுப்புகள் மற்றும் ஆன்டி-ஆக்சிடன்ட்கள் அதிகம் உள்ள உணவுகள், குறிப்பாக, இதய ஆரோக்கியத்தை மேம்படுத்துவதாக ஆய்வுகள் தெரிவிக்கின்றன. அதே நேரத்தில் கூடுதலாக சேர்க்கப்பட்ட சர்க்கரை மற்றும் பதப்படுத்தப்பட்ட இறைச்சிகளை அதிகமாக உண்பது இதய நோய் பாதிப்போடு தொடர்புடையது.

இதயத்துக்கு சிறந்ததாக, அறிவியல் ரீதியாக நிரூபிக்கப்பட்ட உணவுப் பழக்கத்தை பற்றி இங்கே பார்க்கலாம்.

குறைவான மாவுச்சத்து உள்ள உணவுகள்:

கொழுப்பை விட, கார்போஹைட்ரேட்டுகள் எனப்படும் மாவுச்சத்து இதய ஆரோக்கியத்தில் அதிகமாக தீங்கு விளைவிக்கும் என்று கருதப்படுகிறது. இருப்பினும், குறைவான மாவுச்சத்து உணவு, கார்பஸ் உட்கொள்ளலை குறைப்பது மட்டுமல்லாமல், நீங்கள் உட்கொள்ளும் வழக்கமான அளவை விட அதிக புரதம் மற்றும் அல்லது கொழுப்பும் உங்களுக்குக் கிடைக்கிறது. அதிக எடை, அதிக ட்ரைகிளிசரைடு மற்றும் அதிக இரத்த அழுத்த அளவைக் குறைப்பதன் மூலம் இதய ஆரோக்கியத்தை கணிசமாக மேம்படுத்துகிறது.

Must Read | ஈசி… எஃபெக்ட்டிவ்… முதுகு வலியை விரட்ட 3 சூப்பர் யோகாசனங்கள்!

அதே நேரத்தில் உடலில் நல்ல கொழுப்பான (எச்.டி.எல்) அளவை அதிகரிக்க உதவுகிறது. காய்கறிகள், போதுமான நார்ச்சத்து மற்றும் வெண்ணெய், கொட்டைகள், விதைகள், குறைந்த பதப்படுத்தப்பட்ட தாவர எண்ணெய்கள் மற்றும் ஒமேகா -3 நிறைந்த மீன்களிலிருந்து ஆரோக்கியமான கொழுப்புகளை உணவில் எடுத்துக் கொள்ள வேண்டும் என்று பரிந்துரைக்கப்படுகிறது.

செமி-வெஜிடேரியன்:

செமி-வெஜிடேரியன் (அரை சைவ உணவுமுறை) என்பது ஃப்ளெக்ஸிடேரியன் டயட் என்று அழைக்கப்படுகிறது. இது சைவ உணவுகளை (தாவர உணவுகளை) அடிப்படையாகக் கொண்டது. அவ்வப்போது இறைச்சி, மீன் அல்லது மாமிசத்தை உட்கொள்ளலாம்.

சர்க்கரை சேர்க்கப்பட்ட உணவுகள், சுத்திகரிக்கப்பட்ட தானியங்கள், பதப்படுத்தப்பட்ட இறைச்சிகள் மற்றும் அதிகமாக பதப்படுத்தப்பட்ட உணவுகளை குறைந்த அளவில் உட்கொள்வதை, இந்த உணவுமுறை பரிந்துரைகிறது.

பெரும்பாலும் முழு உணவுகள், குறைந்த அளவில் பதப்படுத்தப்பட்ட உணவுகளை உட்கொள்ள வேண்டும். முக்கியமாக, தாவர அடிப்படையிலான உணவுகளை உண்ணும் போது, ​​ இதய ஆரோக்கியத்தை மேம்படுத்துவதை ஊக்குவிக்கிறது. இறைச்சி உண்பதை முழுதாகத் தவிர்க்காமல், சைவ உணவுகளை சேர்த்து இதயத்தை மேம்படுத்த முயற்சி செய்பவர்களுக்கு, இந்த உணவுமுறை மிகவும் எளிமையாக இருக்கும்.

வீகன் மற்றும் வெஜிடேரியன்:

வெஜிடேரியன் என்பது இறைச்சி தவிர்த்து உண்ணப்படும் சைவ உணவுப்பழக்கம். வீகன் என்ற உணவுமுறை, சைவ உணவில் பால் சம்மந்தப்பட்ட பொருட்கள் தவிர்க்கும் உணவு முறை.

Must Read | தொப்பையைக் குறைக்க இந்த உடற்பயிற்சி போதுமா? மருத்துவர் சொல்வது என்ன?

இரண்டு உணவுமுறையிலும் கோழி, சிவப்பு இறைச்சி அல்லது மீன் என அனைத்து விதமான இறைச்சியையும் உணவில் இருந்து விலக்க வேண்டும். வீகன் சைவ உணவு உண்பவர்களைப் போலல்லாமல், வெஜிடேரியன் சைவ உணவு உண்பவர்கள் பால், முட்டை, தேனீ மகரந்தம், தேன் அல்லது ஜெலட்டின் போன்ற விலங்கு மற்றும் பிற உயிரினங்களில் இருந்து பெறப்படும் பொருட்களின் பயன்பாட்டை சேர்த்துக்கொள்கிறார்கள்.

எனவே தாவர அடிப்படையிலான உணவுகள் அதிக அளவில் இருப்பதால், இதில் ஃபைபர், ஆன்டி-ஆக்சிடன்ட் மற்றும் அழற்சி எதிர்ப்பு இரசாயனங்கள் மூலம் இதயத்திற்கு பயனளிக்கின்றன. பல ஆய்வுகள் இந்த உணவுகளை இதயம் நோய்களால் ஏற்படும் இறப்புகளை குறைப்பதாக ஆய்வுகள் நிரூபிக்கின்றன.

டாஷ் டயட்:

உயர் இரத்த அழுத்தத்தை குறைப்பதற்கான உணவு முறைகள் அல்லது உயர் இரத்த அழுத்தம் (உயர் இரத்த அழுத்தம்) தடுப்பு மற்றும் சிகிச்சையில் டாஸ் டயட் எனப்படும் உணவு பழக்கம் பெரிதாக உதவுகிறது. இதனால், இதய நோய்கள் ஏற்படும் அபாயம் குறைகிறது. பழங்கள், காய்கறிகள், குறைந்த கொழுப்புள்ள பால், லீன் இறைச்சிகள் மற்றும் முழு தானியங்கள் போன்ற கலோரி தேவைக்கேற்ப சில உணவுகளை மட்டுமே இந்த டயட் அனுமதிக்கிறது.

சிவப்பு இறைச்சி, சுத்திகரிக்கப்பட்ட தானியங்கள் மற்றும் சர்க்கரைகளை உட்கொள்வதைத் தவிர்க்க வேண்டும். இரத்த அழுத்தத்தைக் கட்டுப்படுத்த, இது சோடியம் பயன்பாட்டையும் கட்டுப்படுத்துகிறது. இரத்த அழுத்தம், உடல் பருமன், கொழுப்பு மற்றும் இன்சுலின் எதிர்ப்பு போன்ற ஆபத்தான உடல் பிரச்சினைகளை குறைப்பதன் மூலம் உங்கள் இதயம் பாதுகாக்கப்படுகிறது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Archana R
First published: