சமையல் பொருட்களின் சூப்பர் ஹீரோவாக பேக்கிங் சோடா... அதை வைத்து இத்தனை விஷயங்கள் செய்யலாமா..!!

முட்டைக்கு பிறகு பேக்கிங் சோடா தான் விதவிதமான உணவுப் பொருட்களை செய்வதற்கு பயன்படுத்தப்படும் ஒரு பொருளாகும். முக்கியமாக கேக்குகள், ரொட்டிகள் போன்றவற்றை தயாரிக்கும் போது அவை நன்றாக உப்பி வருவதற்கும் மற்றும்பல உணவு பொருட்களை சமைக்கும் போது அவற்றுடன் கலந்து சுவை மற்றும் அவற்றின் தன்மையை மாற்றுவதற்கும் பேக்கிங் சோடா பயன்படுகிறது.

இதைப் பற்றி தன்னுடைய இன்ஸ்டாகிராம் பக்கத்தில் பகிர்ந்துள்ள கிரிஷ் அசோக் என்பவர் கூறுகையில், பேக்கிங் சோடாவானது உணவுப் பொருட்களில் உள்ள அமிலங்களை சமநிலைப்படுத்த உதவுகிறது. மேலும் நம் உடலில் இயற்கையாகவே கணையமானது பைகார்பனேட்சை சுரந்து நாம் உட்கொள்ளும் உணவின் உள்ள அமிலத்தை சமநிலைப்படுத்துவதற்கு உதவுகிறது.

நாம் உட்கொண்ட உணவு பொருளானது அமிலம் நிறைந்த இரப்பையில் செரிமானம் செய்யப்பட்டு குடலை அடையும் போது அங்கு கணையத்தின் செயல்பாட்டின் மூலம் அமிலத்தன்மை நீக்கபடுகிறது. அவ்வாறு செய்யவில்லையெனில் உணவில் உள்ள அமில தன்மையால் குடல் அறித்துவிடும் என்றும் அவர் தன்னுடைய இன்ஸ்டாகிராம் பதிவில் பதிவிட்டுள்ளார்.

மேலும் அந்தப் பதிவில் பேக்கிங் சோடாவை வேறு எந்த வகையான உணவுகளுக்கெல்லாம் பயன்படுத்தலாம் என்பது பற்றியும் அவர் குறிப்பிட்டுள்ளார்.