Home /News /lifestyle /

டீ எப்படி போடனும் தெரியுமா..? கைத்தேர்ந்தவராக நீங்களும் மாற இந்த டிப்ஸை ஃபாலோ பண்ணுங்க...

டீ எப்படி போடனும் தெரியுமா..? கைத்தேர்ந்தவராக நீங்களும் மாற இந்த டிப்ஸை ஃபாலோ பண்ணுங்க...

டீ

டீ

தேநீர் தயாரிக்க பாட்டிலில் அடைத்து விற்கப்படும் தண்ணீரும் ஏற்றது.  காய்ச்சி வடிகட்டிய நீர் ஒப்பீட்டளவில் மந்தமானது மற்றும் அதில் குறைந்த கனிமங்கள் மட்டுமே இருப்பதால் சுவையும் குறையும்.

நம்மில் பலருக்கும் காலை எழுந்ததுமே காபி, டீ குடிக்கவில்லை என்றால் வேலையே ஓடாது. படுக்கையில் இருந்து எழுந்திருக்கும் போதே பெட் காபி குடிக்கும் நபர்களும் உண்டு. அப்படிப்பட்டவர்களுக்காக டீ-யை சுவையான முறையில் வீட்டிலேயே தயாரிக்கும் போது செய்ய வேண்டிய முக்கியமான குறிப்புகள் பற்றி விரிவாக பார்க்கலாம்...

சரியான தண்ணீரை தேர்ந்தெடுக்கவும்:

தேநீர் தயாரிக்கும் போது தண்ணீரின் தரம் மிகவும் முக்கியமானது. நீங்கள் எவ்வளவு நல்ல டீத்தூளைப் பயன்படுத்தினாலும், சரியான தண்ணீரைப் பயன்படுத்தாவிட்டால், அதன் சுவை நன்றாக இருக்காது. சுருக்கமாகச் சொன்னால், தரம் குறைந்த நீரானது தரமற்ற தேநீரை தான் கொடுக்கும்.

தேநீர் காய்ச்சுவதற்கான சிறந்த தரமான நீர் அமிலத்தன்மை கொண்டதாக இருக்க வேண்டும், அதாவது pH 7 அளவு குறைவானதாக இருக்க வேண்டும். புதிய ஆறுகள், ஏரிகள், நீரோடைகள் மற்றும் பனிப்பாறை நீர் ஆகியவை குறைவான அமிலத்தன்மை கொண்டவை, எனவே அவை சிறப்பான தேநீரை தயாரிக்க உதவுகின்றன.

கடல் நீர் அளவுக்கு அமிலத்தன்மை PH அதிகமுள்ள தண்ணீரை பயன்படுத்துவது தேநீரை கசப்பாக்கும். நச்சு இரசாயனங்கள் மற்றும் நுண்ணுயிரிகளை நீக்கும் பொருட்டு தண்ணீரை வடிகட்டுவது முக்கியம், இது தண்ணீரின் சுவையை கணிசமாக மேம்படுத்துகிறது.

தேநீர் தயாரிக்க பாட்டிலில் அடைத்து விற்கப்படும் தண்ணீரும் ஏற்றது. காய்ச்சி வடிகட்டிய நீர் ஒப்பீட்டளவில் மந்தமானது மற்றும் அதில் குறைந்த கனிமங்கள் மட்டுமே இருப்பதால் சுவையும் குறையும். எனவே காய்ச்சி வடிகட்டிய நீரை பயன்படுத்துவதை தவிர்க்க வேண்டும்.



சரியான கொதிநிலை மற்றும் டீ தூள் சேர்க்கும் நேரம்:

தேயிலை வகையைப் பொறுத்து தேநீர் தயாரிக்க கொதிக்க வைக்கும் நீரின் அளவும் மாறுபடும். கிரீன் அல்லது பால் கலந்த தேநீரை தயாரிக்க குறைந்த வெப்பநிலை கொண்ட தண்ணீர் போதுமானது. அதே சமயம் ஹெர்பல் டீ, பிளாக் டீ தயாரிக்கும் போது அதன் அனைத்து சுவைகளும் தண்ணீருடன் நன்றாக கலக்க, அதிக வெப்பநிலைக்கு நீரை சூடாக்க வேண்டும்.

ஆச்சரியமூட்டும் நாகலாந்து மக்களின் உணவுக் கலாச்சாரம் : அடுத்தமுறை மிஸ் பண்ணிடாதீங்க...

அதேபோல் கொதிக்க வைக்கப்பட்ட நீரில் தேயிலைகளை சேர்க்க வேண்டிய நேரமும் மிகவும் முக்கியமானது. சிலருக்கு தங்களது தேநீரில் நிறம் மற்றும் திடத்தை தேடுவார்கள், சிலர் லைட்டாகவும், சுவை ஸ்ட்ராங்காகவும் இருக்க வேண்டும் என நினைப்பார்கள். எனவே தான் தேயிலை அல்லது டீ தூள் என எதைப் பயன்படுத்தினாலும் அவற்றை நீரில் கொதிக்க வைப்பதற்கான கால அளவு மிகவும் முக்கியமானது.



வெவ்வேறு தேயிலைகளுக்கான சராசரி நேரம்:

கிரீன் டீ - (1-2 நிமிடம்)

பிளாக் டீ - (3-4 நிமிடங்கள்)

ஊலாங் டீ- (3 நிமிடங்கள்)

மூலிகை டீ- (4-5 நிமிடங்கள்)

ஒயிட் டீ - (3 நிமிடங்கள்)

மொறு, மொறுவென சுவையான சமோசாவுக்கு மாவு தயார் செய்வது எப்படி..? 

டீ பாட்டை சூடுபடுத்திக் கொள்ளுங்கள்:

கொதிக்க வைத்து வடிகட்டப்பட்ட தேநீரை டீ பாட்டுக்குள் ஊற்றுவதற்கு முன்னதாக அதனை சூடாக்கி கொள்வது நல்லது. ஏனெனில் தேநீரை டீ பாட்டினுள் ஊற்றும் போது ஏற்படும் திடீர்வெப்ப நிலை மாற்றம் காரணமாக சூடு குறைவதை தடுக்க உதவும். ஆங்கிலேயர்கள் பொதுவாக ஒரு பாரம்பரிய பீங்கான் தேநீர் பாட்-யை பயன்படுத்துகின்றனர், ஆனால் பலர் வார்ப்பிரும்பு தேநீரை விரும்புகிறார்கள். காஸ்ட் அயர்ன் டீபாட்கள் உங்கள் தேநீரை சூடாக வைத்திருப்பது மட்டுமல்லாமல், அவை அழகாகவும் இருக்கும்.



சரியான அளவு தேயிலையை பயன்படுத்துதல்:

ஒரு கப் தேநீருக்கு நீங்கள் எவ்வளவு டீ தூள் அல்லது தேயிலைகளை பயன்படுத்த வேண்டும் என்பது தேநீரின் அளவு மற்றும் அதன் வகையை சார்ந்தது. பொதுவாக, 2 கிராம். தேயிலை இலைகளை ஒவ்வொரு 200 மில்லி தண்ணீருக்கும் பயன்படுத்த வேண்டும். ஒவ்வொரு 6 - 8 அவுன்ஸ் தண்ணீருக்கும் (1 அவுன்ஸ் தோராயமாக 30 மில்லி) 2 - 3 கிராம் தேநீரைப் பயன்படுத்துமாறு தொழில் வல்லுனர்கள் மற்றும் தேநீர் சமையலர்கள் பரிந்துரைக்கின்றனர். அளவிடும் ஸ்பூனைப் பயன்படுத்தினால் தோராயமான அளவு கிடைக்கும். சுருக்கமாக, உங்கள் தேநீர் கோப்பையில் சரியான சுவை மற்றும் நறுமணத்தைப் பெற, தேநீரை எடை அல்லது அளவு மூலம் அளவிடுவது சிறந்தது.



எப்போது பாலை சேர்க்க வேண்டும்:

பால் இல்லாமல் தேநீர் அருந்துவது ஆரோக்கியமானது என பலரும் கருதுகின்றனர். ஆனால் அதற்கு நேர்மாறாக பலருக்கு பால் கலந்த தேநீர் மிகவும் விரும்பத்தக்கதாக உள்ளது. பர்ஸ்ட் ஃப்ளஷ் பிளாக் டீஸ், ஒயிட் டீஸ், கிரீன் டீஸ், பழங்கள் மற்றும் மூலிகை உட்செலுத்துதல்கள் பொதுவாக பால் இல்லாமல் சுவையாக இருக்கும். மசாலா டீ, செகண்ட் ஃப்ளஷ் பிளாக் டீ ஆகியவை பாலுடன் சுவையாக இருக்கும்.

 
Published by:Sivaranjani E
First published:

Tags: Tea

அடுத்த செய்தி