ஆக்ஸிமீட்டர் வாங்குவதற்கு முன்பு நீங்கள் சரிபார்க்க வேண்டிய விஷயங்கள் என்ன தெரியுமா?

ஆக்ஸிமீட்டர்

ஒரு பல்ஸ் ஆக்சிமீட்டர் என்பது ஒருவரின் நாடி மற்றும் ஆக்ஸிஜன் அளவீடுகளின் வலியற்ற கண்காணிப்புக்கு பயன்படுத்தப்படும் ஒரு சிறிய சாதனமாகும்.

  • Share this:
கொரோனாவின் பேரழிவுகரமான இரண்டாவது அலை இந்தியாவில் சுகாதார உள்கட்டமைப்பின் முதுகெலும்பை உடைத்துவிட்டது என்று தான் சொல்ல வேண்டும். ஏனெனில் இந்தியா தொடர்ந்து பல மாதங்களாக தினசரி தொற்றுநோய் பாதிப்பு எண்ணிக்கையின் புதிய எழுச்சியை பதிவு செய்து வருகிறது.

மேலும் கடந்த 50 நாட்களில் பதிவானதை விட இன்று சற்று குறைவான புதிய பாதிப்புகளை பதிவு செய்துள்ளது. கடந்த 24 மணி நேரத்தில் புதிதாக 1,52,734 பேருக்கு கொரோனா தொற்று உறுதிசெய்யப்பட்டுள்ளது. 3,128 உயிரிழப்புகள் பதிவுசெய்யப்பட்டுள்ளன. நேற்று ஒரே நாளில், 2,38,022 பேர் கொரோனாவிலிருந்து மீண்டுள்ளனர்.

இதையடுத்து இந்தியாவில் இதுவரை கொரோனா தொற்று உறுதியானவர்கள் எண்ணிக்கை 2,80,47,534 ஆகவும், அதிலிருந்து மீண்டவர்கள் எண்ணிக்கை 2,56,92,342 ஆகவும் பதிவாகியுள்ளது. இந்த பாதகமான காலங்களில் பீதி அடைய வேண்டாம் என்றும் மாறாக நோய்த்தொற்றை முன்கூட்டியே கண்காணிக்க சரியான நடவடிக்கைகளை எடுக்கவும் மருத்துவர்கள் மற்றும் சுகாதார நிபுணர்கள் மக்கள் அனைவரையும் வலியுறுத்தி வருகிறார்கள்.

பல்வேறு கொரோனா அறிகுறிகளில், ஆக்ஸிஜன் அளவின் வீழ்ச்சி மிகவும் பொதுவானது. எனவே முன்னோடியில்லாத சூழ்நிலையில் மக்கள் அனைவரும் ஒரு பல்ஸ் ஆக்சிமீட்டரை வாங்குவது வீட்டின் அத்தியாவசிய தேவையாக மாறியுள்ளது. ஒரு பல்ஸ் ஆக்சிமீட்டர் என்பது ஒருவரின் நாடி மற்றும் ஆக்ஸிஜன் அளவீடுகளின் வலியற்ற கண்காணிப்புக்கு பயன்படுத்தப்படும் ஒரு சிறிய சாதனமாகும். ஆனால் ஆன்லைனில் பலவிதமான விருப்பங்கள் இதற்கு உள்ளன. இது பெரும்பாலும் குழப்பமான ஒன்றாக இருக்கிறது.

Oxygen Levels

தற்போதைய நிச்சயமற்ற தன்மையை நிராகரிக்க, ஆக்ஸி மீட்டரை வாங்குவதற்கு முன் ஒருவர் கவனிக்க வேண்டிய சில முக்கியமான விஷயங்கள் குறித்து பின்வருமாறு காண்போம்:

* ஆக்சிஜன் மீட்டரை வாங்க அதிக தொகையை செலுத்த வேண்டிய கட்டாயம் இல்லை. நீங்கள் ஒரு ஆக்ஸிமீட்டரை வாங்கும் போது மிகத் துல்லியமானதாக இருக்கிறதா என்பதை முதன்மையாக கண்காணிக்க வேண்டும். விரல் துடிப்பு ஆக்ஸிமீட்டர்கள் சுமார் ₹ 1000 முதல் ₹ 5000 அல்லது அதற்கு மேற்பட்ட விலையில் இருக்கும். ஆனால் இறுதியில், இரத்த ஆக்ஸிஜன் அளவை துல்லியமாக கண்காணிப்பதே அனைத்து விலை கொண்ட சாதனத்தின் முக்கிய வேலையாக இருக்கும்.

* இதன் அம்சங்களைப் பொறுத்தவரை, ஆக்ஸிமீட்டர் சாதனம் நீடித்து உழைக்க வேண்டும். தெளிவான டிஸ்பிளேவுடன் இருப்பதையும் ஒருவர் உறுதி செய்ய வேண்டும்.

கொரோனா தொற்றுக் காலத்தில் அவசியத் தேவையாக மாறிவரும் Finger Pulse Oximeter | சில விளக்கங்கள்..

* எல்லா காரணிகளிலும், எந்தவொரு மருத்துவ உபகரணங்களையும் வாங்கும்போது துல்லியம் மிக முக்கியமானது. முன்னதாக துல்லியத்தை சரிபார்க்க வழி இல்லை என்றாலும், வாங்குவதற்கு முன் ஒருவர் மதிப்புரைகள் மற்றும் சான்றிதழ்களை பார்த்து வாங்கலாம்.

* மருத்துவ சாதனங்களின் தரம், தரநிலைகள் மற்றும் துல்லியம் குறித்து ஒரு முத்திரை வைக்கும் ஒரு சில நிறுவனங்கள் உள்ளன. இந்த சான்றிதழ்கள் FDA, RoHS and CE.



ஆக்ஸிமீட்டரை எவ்வாறு பயன்படுத்துவது?

ஆக்ஸிமீட்டர் சரியாகப் பயன்படுத்தப்படாத நேரங்களில், அது முறையற்ற முடிவுகளைத் தருகிறது. பெரும்பாலும் ஆக்ஸிமீட்டர்கள் ஒரு கிளிப் போல இருக்கும் அதனை விரலில் சொருகிய பிறகு விரலின் பக்கவாட்டில் ஆணி இருக்கும். சில பல்ஸ் ஆக்சிமீட்டர்களில், விரலைச் செருகுவதற்கு முன், அதிலிருக்கும் ஒரு பட்டனை அழுத்த வேண்டும்.

வழக்கமாக, ஆரோக்கியமான மக்கள் 95% SpO2 (உடலின் ஆக்ஸிஜன் செறிவு அளவை அளவிட பயன்படும் அலகு) பதிவு செய்கிறார்கள், அதே நேரத்தில் சில வியாதிகளால் பாதிக்கப்படுபவர்கள் ஆக்ஸிஜன் அளவைக் குறைவாகக் காணலாம். மேலும் இந்த அளவுகள் வீழ்ச்சியடைந்தால், மருத்துவர்கள் புரோனிங் பயிற்சி செய்ய பரிந்துரைக்கிறார்கள். ஆனால் இதற்கு ஒருவர் மருத்துவ பயிற்சியாளரை அணுக வேண்டும்.

கொரோனா வைரஸ் சுவாச அமைப்பு வழியாக உடலில் நுழைந்து பாதிக்கப்பட்ட நபரின் நுரையீரலை நேரடியாக காயப்படுத்துகிறது. இது இரத்த ஓட்டத்தில் ஆக்ஸிஜன் செறிவூட்டலை பாதிக்கிறது. நோயாளிகள் அறிகுறியற்றவராக இருந்தாலும் ஆக்ஸிஜன் அளவின் வீழ்ச்சி யாருக்கு வேண்டுமானாலும் ஏற்படலாம் என்பதை மறக்க வேண்டாம்.

 
Published by:Sivaranjani E
First published: