Home /News /lifestyle /

இந்த உணவுகளை சாப்பிட்டால் பொடுகுத் தொல்லையே இருக்காது : தினசரி உணவில் சேத்துக்கோங்க...

இந்த உணவுகளை சாப்பிட்டால் பொடுகுத் தொல்லையே இருக்காது : தினசரி உணவில் சேத்துக்கோங்க...

தலை முடி வளர்ச்சி

தலை முடி வளர்ச்சி

ஆரம்பத்திலேயே பொடுகை வளர விடாமல் தடுக்க உணவின் மூலம் சரி செய்ய முயற்சி செய்யுங்கள். எந்தெந்த உணவுகளை சாப்பிடலாம் , சாப்பிடக் கூடாது என்பதை பார்க்கலாம்.

  • News18 Tamil
  • 2 minute read
  • Last Updated :
  • Tamil Nadu, India
    பொடுகுத் தொல்லை என்பது சாதாரண விஷயம்தான் என்றாலும் அதை கவனிக்காமல் விடுவது தவறு. இதனால் தலையின் வேர்கள் சேதமடைந்து இரத்தக் கசிவு, முடி கொட்டுதல், சரும பாதிப்பு போன்ற பிரச்னைகளும் வரக்கூடும். பொடுகு தலைவேர்களின் வறட்சி, எண்ணெய் சுரப்பது குறைவு போன்ற காரணங்கள் மட்டுமல்லாது சொரியாசிஸ், மன அழுத்தம் , ஷாம்பூவில் இருக்கும் இரசாயனம் போன்ற காரணங்களாலும் பொடுகு உண்டாகலாம்.

    எனவே ஆரம்பத்திலேயே பொடுகை வளர விடாமல் தடுக்க உணவின் மூலம் சரி செய்ய முயற்சி செய்யுங்கள். எந்தெந்த உணவுகளை சாப்பிடலாம் , சாப்பிடக் கூடாது என்பதை பார்க்கலாம்.

    கொழுப்பு உணவுகள் : கெட்டக் கொழுப்புகள் அல்லாமல் ஆரோக்கியமான கொழுப்பை கொண்ட உணவுகளை சாப்பிடுங்கள். அதாவது ஒமேகா 3 மற்றும் 6 கொண்ட கொழுப்பு உணவுகளான ஆலிவ் எண்ணெய், சால்மன் மீன், மத்தி மீன், கடலை எண்ணெய் , வெண்ணெய் , அக்ரூட் பருப்பு , முட்டை ஆகியவற்றை சாப்பிடலாம்.



    ஜிங்க் உணவுகள் : வறண்ட சருமம் காரணமாக உருவாகும் பொடுகை போக்க ஜிங்க் உணவுகள் உதவும். பூசணி விதை, நட்ஸ் வகைகள், சிவப்பு இறைச்சி, பால் சார்ந்த உணவுப் பொருட்கள், முழு தானியங்கள், டார்க் சாக்லெட் போன்ற உணவுகளை சாப்பிடலாம்.

    எந்த கெமிக்கல் டையும் இல்லாமல் அடர்த்தியான கருகரு கூந்தல் வேண்டுமா..? இந்த டிப்ஸை மட்டும் ஃபாலோ பண்ணுங்கள்

    புரோபயோடிக் உணவுகள் : பொடுகை முற்றிலும் அழிக்கும் ஆற்றலைக் கொண்டுள்ளது. இது எண்ணெய் சுரப்பு குறைவாக இருப்பதை சமநிலை செய்யும். எனவே பால் சார்ந்த உணவுகள் குறிப்பாக தயிர் , பனீர் சாப்பிடலாம். ஊறுகாய் போன்றவை சாப்பிடலாம் .

    புரோட்டீன் உணவுகள் : புரதச் சத்து பொதுவாகவே உடலுக்கு ஊட்டச்சத்து அளிக்கக் கூடிய முக்கியமான உணவாகும். எனவே இறைச்சி வகைகள், முட்டை , கடல் உணவுகள் போன்றவற்றை சாப்பிடலாம். சைவத்தில் முளைக்கட்டிய பயறு வகைகள், கடலை வகைகள், பசலைக் கீரை, புரக்கோலி ஆகியவை சாப்பிடலாம்.



    தவிர்க்க வேண்டிய உணவுகள் : சர்க்கரை பொடுகு இருக்கும் சமயத்தில் அதிகமாக சாப்பிடுவதை தவிர்க்க வேண்டும். இதனால் வேர்களில் உருவாகும் வெள்ளை செதில்களை குறைக்க முடியும்.

    முடிந்தவரை செரிமானத்தை ஆரோக்கியமாக வைத்துக்கொள்ள முயற்சி செய்யுங்கள். ஏனெனில் மோசமான குடல் ஆரோக்கியம் கூட பொடுகுக்கு வழி வகுக்கும். எனவே பூண்டு , வெங்காயம் போன்றவற்றை உணவில் சேருங்கள்.

     

     
    Published by:Sivaranjani E
    First published:

    Tags: Dandruff, Hair care

    அடுத்த செய்தி