Home /News /karur /

ஊழலின் மறு உருவமே... அணிலுக்கு அடித்த ஜாக்பாட்.. அமைச்சர் செந்தில் பாலாஜியை விமர்சித்து பாஜக அடித்த போஸ்டரால் பரபரப்பு!

ஊழலின் மறு உருவமே... அணிலுக்கு அடித்த ஜாக்பாட்.. அமைச்சர் செந்தில் பாலாஜியை விமர்சித்து பாஜக அடித்த போஸ்டரால் பரபரப்பு!

பாஜக ஒட்டிய போஸ்டர்

பாஜக ஒட்டிய போஸ்டர்

பிஜிஆர் நிறுவனத்துடன் ஏன் மின்சார வாரியம் ஒப்பந்தம் போட்டது எனவும் இதில் ஊழல் நடைபெற்றிருப்பதாகவும் பாஜக தலைவர் அண்ணாமலை குற்றசாட்டியிருந்தார்.

  • News18 Tamil
  • 1 minute read
  • Last Updated :
  • Karur, India
    கரூர் மாவட்டத்தில் அமைச்சர் செந்தில் பாலாஜியை விமர்சித்து பாஜக சார்பில் நேற்று பல்வேறு பகுதிகளில் ஒட்டப்பட்ட போஸ்டரால் பரபரப்பு ஏற்பட்டுள்ளது.

    எண்ணூர் அனல் மின் நிலைய திட்ட விரிவாக்கத்திற்காக, தமிழ்நாடு மின்சார வாரியம் பிஜிஆர் நிறுவனத்துடன் ஒப்பந்தம் செய்தது. தொடர்ந்து நஷ்டத்தில் இயங்கும் பிஜிஆர் நிறுவனத்துடன் ஏன் மின்சார வாரியம் ஒப்பந்தம் போட்டது எனவும் இதில் ஊழல் நடைபெற்றிருப்பதாகவும் பாஜக தலைவர் அண்ணாமலை குற்றசாட்டியிருந்தார்.

    இதில் மின்சாரத்துறை அமைச்சர் செந்தில் பாலாஜி ஊழல் செய்துள்ளதாக அண்ணாமலை குற்றம்சாட்டியிருந்தார். இதனையடுத்து அந்த நிறுவனத்துடன் 2019ஆம் ஆண்டு ஒப்பந்தம் போடப்பட்டது எனவும் அது அதிமுக ஆட்சிக்காலத்தில் போடப்பட்டது எனவும் அமைச்சர் செந்தில் பாலாஜி விளக்கமளித்தார். மேலும் இது குறித்து அமைச்சர் செந்தில் பாலாஜியும் பாஜக மாநில தலைவர் அண்ணாமலையும் ட்விட்டரில் கடும் மோதலில் ஈடுப்பட்டது குறிப்பிடத்தக்கது.

    இதையும் வாசிக்க: கடன் சுமையை மக்கள் தலையில் ஏற்றுவது அநீதி - மின் கட்டண உயர்வு குறித்து கமல்ஹாசன் கண்டனம்

    இந்நிலையில் தற்போது கரூர் மாவட்ட பாஜக சார்பாக போஸ்டர் ஒட்டப்பட்டுள்ளது. அதில், “திருடர் குல திலகமே! ஊழலின் மறு உருவமே!, அணிலுக்கு அடித்த ஜாக்பாட், 5000 கோடி அதிபர் ஆக்கிய பிஜிஆர் நிறுவனம்” என்பது போன்ற வாசகங்கள் இடம்பெற்றிருந்தது.



    மேலும், தராசின் ஒருபுறம் பணங்கள் குவிக்கப்பட்டது போலவும் மறுபுறம் அமைச்சர் செந்தில் பாலாஜியின் புகைப்படமும் அச்சிடப்பட்டிருந்தது. இது கரூர் மற்றும் சுற்றுவட்டார பகுதிகளில் பரபரப்பை ஏற்படுத்தியது.
    Published by:Siddharthan Ashokan
    First published:

    Tags: Annamalai, BJP, Karur, Senthil Balaji

    அடுத்த செய்தி