ஹோம் /நியூஸ் /Kanniyakumari /

திருமண வரன்களை தடுத்து நிறுத்துபவர்களை எச்சரித்து வில்லங்க போஸ்டர்.. கன்னியாகுமரியில் பரபரப்பு

திருமண வரன்களை தடுத்து நிறுத்துபவர்களை எச்சரித்து வில்லங்க போஸ்டர்.. கன்னியாகுமரியில் பரபரப்பு

வில்லங்க போஸ்டர்

வில்லங்க போஸ்டர்

திருமண வரன்களை தடுத்து நிறுத்துபவர்கள் அவர்கள் வீட்டு மகள்களையோ மருமகள்களை திருமணம் செய்துவையுங்கள் என தெரிவித்து கன்னியாகுமரியின் பல பகுதிகளிலும் போஸ்டர்கள் ஒட்டப்பட்டுள்ளன.

  • News18 Tamil
  • 1 minute read
  • Last Updated :

கன்னியாகுமரி மாவட்டம் கருங்கல் அருகே  ‘திருமண வரன்களை தடை செய்பவர்கள் அவர்களின் மகள் அல்லது மருமகளை திருமணம் செய்து கொடுப்பதாக இருந்தால் மட்டடும் தடை செய்யட்டும்’  என வில்லங்கமான வாசகங்களுடன் ஒட்டப்பட்டுள்ள போஸ்டர்கள் சர்ச்சையை ஏற்படுத்தியுள்ளது.

ஊருக்குள் டீக்கடை குட்டி சுவர்களில் அமர்ந்து திருமண வரன்களை கெடுத்து விடும் சிலரை சினிமா காட்சிகளில் பார்த்திருப்போம். அது போன்ற நிகழ்வுகளால் பாதிக்கப்பட்ட இளைஞர்கள், தங்கள் மனக் குமுறல்களை வெளிப்படுத்தும் விதத்தில் வரன்களை தடுக்கும் நல் உள்ளங்களுக்கு நன்றி, இப்படிக்கு திருமணம் ஆகாத வாலிபர்கள் சங்கம் என்று பேனர் வைப்பதும், போஸ்டர் ஒட்டுவதுமாக இருந்து வந்தனர்.

கடந்த 2021-ம் ஆண்டு கருங்கல் ஆயினிவிளை பகுதியை சேர்ந்த சில இளைஞர்கள் ஒருபடி மேலே போய் அந்த பகுதியில் பலசரக்கு கடை நடத்தும் நபர் ஒருவரின் புகைப்படத்துடன் போஸ்டர் அடித்து ஒட்டி தங்கள் ஆதங்கத்தை வெளிப்படுத்தினர்.

தற்போது கருங்கல் அடுத்த பாலவிளை பகுதியை சேர்ந்த இளைஞர்கள் வரன்களை தடுக்கும் ஆசாமிகள் வீட்டில் உள்ள பெண்களையே வரனாக கேட்கும் விதத்தில் வில்லங்க போஸ்டர் ஒன்றை அடித்து தெருவுக்கு தெரு பயணிகள் நிழல் குடை, குட்டி சுவர் என வரன்களை கெடுக்கும் ஆசாமிகள் அச்சப்படும் அளவுக்கு ஒட்டியுள்ளனர்.

மேலும் படிக்க: இரு மகள்களுடன் பொதுத்தேர்வு எழுதி பத்தாம் வகுப்பு தேர்ச்சி பெற்று அசத்திய தாய்

அதில் "திருமண வரன்களை தடை செய்பவர்கள் கவனத்திற்கு  தடை செய்பவர்கள் அவர்களின் மகள் அல்லது மருமகளை திருமணம் செய்து கொடுப்பதாக இருந்தால் மட்டடும் தடை செய்யட்டும். குறிப்பு- சில நபர்களின் அடையாளம் தெரியும் அடுத்த போஸ்டரில் அவர்களின் புகைப்படம் வைக்கப்படும்”  என குறிப்பிடப்பட்டிருந்தது.  இந்த வில்லங்க போஸ்டர் விவகாரம் அப்பகுதியில் பரபரப்பாக பேசப்படும் நிலையில், இது தொடர்பாக போலீசார் விசாரணை நடத்தி வருகின்றனர்.

First published:

Tags: Kanniyakumari, Marriage Plan, Poster