நினைவுகள் 2022 - உலக நாடுகளை அச்சுறுத்திய குரங்கம்மை..ஆப்கானில் கோர நிலநடுக்கம்..ஜூன் மாத முக்கிய சர்வதேச நிகழ்வுகளின் தொகுப்பு இதோ

2022ஆம் ஆண்டு ஜூன் மாதத்தின் சில முக்கிய நிகழ்வுகளின் தொகுப்பு இதோ..

ஜூன் 4, 2022 - உலகின் 27 நாடுகளில் குரங்கம்மை என்ற மங்கிபாக்ஸ் தொற்று பரவியதாக உலக சுகாதார அமைப்பு தகவல். உலக நாடுகள் உஷாராக இருக்க எச்சரிக்கை விடுத்தது.

ஜூன் 5, 2022 - நைஜீரிய நாட்டில் கத்தோலிக்க தேவாலயத்தில் பயங்கரவாதிகள் நடத்திய தாக்குதலில் குழந்தைகள் உள்ளிட்ட 50 பேர் கொல்லப்பட்டனர்.

ஜூன் 6, 2022 - பிரிட்டன் நாடாளுமன்றத்தில் நடைபெற்ற நம்பிக்கை வாக்கெடுப்பில் 211-148 ஓட்டு கணக்கில் பிரதமர் போரீஸ் ஜான்சன் கட்சி வெற்றி. இதனால் போரிஸ் ஜான்சன் பதவி தப்பியது.

ஜூன் 9, 2022 - தாய்லாந்து அரசு கஞ்சா செடிகளை வளர்க்கவும் விற்கவும் சட்ட அனுமதி தந்தது. கஞ்சாவுக்கு சட்ட அனுமதி அளித்த முதல் தென்கிழக்கு ஆசிய நாடு தாய்லாந்து ஆகும்.

ஜூன் 18, 2022 - வங்கதேச நாட்டில் வரலாறு காணாத வெள்ள பாதிப்பு ஏற்பட்டது. இதன் காரணமாக அந்நாட்டில் 40 லட்சம் மக்கள் வீடுகள் மின்சாரமின்றி தவித்தனர்.

ஜுன் 19, 2022 - கொலம்பியாவில் முதல் இடதுசாரி அரசு ஆட்சி அமைத்தது. M-19 கொரில்லா இயக்கத்தின் முன்னாள் உறுப்பினரான குஸ்டாவ் பெட்ரோ அந்நாட்டின் புதிய அதிபரானார்.

இதையும் படிங்க: நினைவுகள் 2022 : அமெரிக்க நாணயத்தில் இடம் பிடித்த முதல் கருப்பின பெண்.. பட்டத்தை இழந்த பிரிட்டன் இளவரசர்.. ஜனவரி மாத நிகழ்வுகளின் தொகுப்பு இதோ..!

ஜூன் 22, 2022 - ஆப்கானிஸ்தானின் தென்கிழக்கு பகுதியில் ஏற்பட்ட சக்தி வாய்ந்த நிலநடுக்கத்தில் ஆயிரத்துக்கும் மேற்பட்டோர் உயிரிழந்தனர். 1500க்கும் மேற்பட்டோர் படுகாயமடைந்தனர்.

ஜூன் 22, 2022 - அமெரிக்க நாட்டின் தலைமை அறிவியல் ஆலோசகராக இந்திய வம்சாவெளியைச் சேர்ந்த ஆர்த்தி பிரபாகர் என்ற பெண் நியமிக்கப்பட்டார்.

ஜூன் 30 2022- பிலிப்பைன்ஸ் நாட்டின் புதிய பிரதமராக பெர்டினாட் மார்கோஸ் பதவியேற்றார். இவர் அந்நாட்டின் முன்னாள் அதிபர் போங்போங் மார்கோஸ்சின் மகன் ஆவார்.