ஹோம் /நியூஸ் /உலகம் /

போலந்து கிராமத்துக்குள் பாய்ந்த ரஷ்ய ஏவுகணை.. இருவர் மரணம்.. நேட்டோ அவசர ஆலோசனை!

போலந்து கிராமத்துக்குள் பாய்ந்த ரஷ்ய ஏவுகணை.. இருவர் மரணம்.. நேட்டோ அவசர ஆலோசனை!

ஏவுகணை தாக்குதல்

ஏவுகணை தாக்குதல்

வடக்கு அட்லாண்டிக் உடன்படிக்கை அமைப்பு( நேட்டோ) பாதுகாப்பு கூட்டணியின் உறுப்பினர்களான நார்வே, லிதுவேனியா மற்றும் எஸ்டோனியா ஆகிய நாடுகளின் அதிகாரிகள் இந்த தாக்குதல் குறித்த தகவல்களைக் கண்டறிய முயற்சிப்பதாகத் தெரிவித்தனர்.

  • News18 Tamil
  • 2 minute read
  • Last Updated :
  • Chennai, India

    உக்ரைன் மீதான ரஷ்யாவின் தாக்குதல் 9-வது மாதமாக நீடித்து வருகிறது. கெர்சன் பகுதியிலிருந்து படைகள் வாபஸ் பெறப்பட்ட நிலையில், நேற்று கடும் ஏவுகணை தாக்குதல்கள் நடத்தப்பட்டன. இதில், இரண்டு ஏவுகணைகள் உக்ரைன் எல்லையில் உள்ள போலந்தின் பெர்சிவோடோவ் கிராமத்தின் மீது விழுந்ததாகக் கூறப்படுகிறது.

    இதில், இரண்டு பேர் உயிரிழந்ததாக தகவல்கள் தெரிவிக்கின்றன. இதனைத் தொடர்ந்து, போலந்தில் பாதுகாப்பு விவகாரங்களுக்கான அமைச்சர்கள் கூட்டத்தை கூட்டி பிரதமர் ஆலோசனை நடத்தினார். நேட்டோ அமைப்பில் உறுப்பினராக போலந்து உள்ள நிலையில், இந்தத் தாக்குதலுக்கு அமெரிக்கா, உக்ரைன் உள்ளிட்ட நாடுகள் கடும் கண்டனம் தெரிவித்துள்ளன.

    ரஷ்ய ஏவுகணைகள் போலந்து பிரதேசத்தை தாக்கியதாக வெளியான செய்திகளை ரஷ்யாவின் பாதுகாப்பு அமைச்சகம் மறுத்துள்ளது. நிலைமையை மோசமாக்கும் நோக்கில் வேண்டுமென்றே குற்றம் சாட்டுவதாகவும் தெரிவித்துள்ளது.

    போலந்தில் இருந்து வெளிவரும் அறிக்கைகளை உறுதிப்படுத்த முடியவில்லை என்றும் மேலும் தகவல்களை சேகரிக்க போலந்து அரசாங்கத்துடன் இணைந்து செயல்படுவதாகவும் அமெரிக்க வெள்ளை மாளிகை தெரிவித்துள்ளது.

    இதையும் படிங்க: சமரசம் உலாவும் இடமோ?...பைடன்-ஜி ஜின்பிங் முதல்முறையாக சந்திப்பு…

    போலந்து பிரதமர் மாதேஸ் மொராவிகி தேசிய பாதுகாப்பு மற்றும் பாதுகாப்பு விவகாரங்களுக்கான அரசாங்கக் குழுவின் அவசரக் கூட்டத்திற்கு அழைப்பு விடுத்துள்ளதாக அரசாங்க செய்தித் தொடர்பாளர் முல்லர் தெரிவித்துள்ளார்.

    லாட்வியன் துணைப் பிரதமர் ஆர்டிஸ் பாப்ரிக்ஸ், ரஷ்யா "உக்ரேனிய குடிமக்களை குறிவைத்து ஏவுகணைகளை வீசியது, ஆனால் போலந்தில் உள்ள நேட்டோ பகுதியிலும் தரையிறங்கியது" என்று கூறினார்.

    வடக்கு அட்லாண்டிக் உடன்படிக்கை அமைப்பு( நேட்டோ) பாதுகாப்பு கூட்டணியின் உறுப்பினர்களான நார்வே, லிதுவேனியா மற்றும் எஸ்டோனியா ஆகிய நாடுகளின் அதிகாரிகள் இந்த தாக்குதல் குறித்த தகவல்களைக் கண்டறிய முயற்சிப்பதாகத் தெரிவித்தனர்.

    இதையும் படிங்க: சீனாவை பின்னுக்கு தள்ளிய இந்தியா - எதில் தெரியுமா?

    "நேட்டோ பிரதேசத்தின் ஒவ்வொரு அங்குலமும் பாதுகாக்கப்பட வேண்டும்!," என்று லிதுவேனியா அதிபர் கிடானாஸ் நௌசேடா ட்விட்டரில் தெரிவித்துள்ளார்.போலிஷ் ரேடியோ ZET, இரண்டு தவறான ஏவுகணைகள் ப்ரெஸ்வோடோவைத் தாக்கி, இரண்டு பேரைக் கொன்றதாக தெரிவித்தது.

    கிட்டத்தட்ட ஒன்பது மாதப் போரில் அளவு சக்திவாய்ந்த ஏவுகணைகளால் செவ்வாயன்று ரஷ்யா உக்ரைன் நகரங்களைத் தாக்கியது. அதில் சில போலந்தின் எல்லையில் இருந்து 80 கிமீ (50 மைல்) தொலைவில் உள்ள லிவிவ் நகரையும் தாக்கியதாக தெரிகிறது

    செய்தியாளர்களிடம் முல்லர் கூறினார், இது தொடர்பான தகவல்கள் பின்னர் பொதுமக்களுக்கு வழங்கப்படும் என்றும் கூறினார். இதற்கிடையில் "சரிபார்க்கப்படாத தகவல்களை" வெளியிட வேண்டாம் என்று அவர் ஊடகங்களைக் கேட்டுக்கொண்டார்.

    Published by:Ilakkiya GP
    First published:

    Tags: Poland, Russia, Russia - Ukraine