இலங்கையில் முகத்தை மூடி செல்ல தடை

ஈஸ்டர் ஞாயிறு தாக்குதல் அரங்கேற்றப்பட்டு ஒருவாரம் கடந்த நிலையில், இன்னும் இயல்பு நிலை திரும்பாததால் மக்கள் வீடுகளுக்குள்ளே முடங்கியுள்ளனர்.

News18 Tamil
Updated: April 29, 2019, 8:20 AM IST
இலங்கையில் முகத்தை மூடி செல்ல தடை
இலங்கையில் முகத்தை மூடி செல்ல தடை
News18 Tamil
Updated: April 29, 2019, 8:20 AM IST
இலங்கையில் ஐ.எஸ். பயங்கரவாத தாக்குதலைத் தொடர்ந்து முகத்திரை மற்றும் முகமூடிகளை அணிய தடை விதித்து அதிபர் மைத்ரிபால சிறிசேன உத்தரவிட்டுள்ளார்.

இலங்கை தலைநகர் கொழும்புவில் ஈஸ்டர் ஞாயிறன்று நிகழ்த்தப்பட்ட குண்டுவெடிப்புகளில் 253 பேர் கொல்லப்பட்டனர். அதைத்தொடர்ந்து நாடு முழுவதும் நடத்தப்பட்டு வரும் தேடுதல் வேட்டையில் ஏராளமான வெடிபொருட்கள் கைப்பற்றப்பட்டு வருவதால் பதற்றமான சூழல் நிலவுகிறது.

இதனிடையே இலங்கை அதிபர் மாளிகை விடுத்துள்ள செய்திக்குறிப்பில், மக்களின் அடையாளத்தை உறுதிப்படுத்துவதற்கு தடையாக அமையும் வகையில் முகத்தை மறைப்பதற்கு இன்று முதல் தடை விதிக்கப்படுவதாக அறிவிக்கப்பட்டுள்ளது.

தேசிய பாதுகாப்புக்கு அச்சுறுத்தலாக உள்ள அனைத்து முகத்திரைகளையும் பயன்படுத்துவதற்கு தடை விதிக்கப்படுவதாக அதில் குறிப்பிடப்பட்டுள்ளது. எந்தவொரு சமூகப் பிரிவையும் அசவுகரியத்திற்குள்ளாக்காத வகையில் நல்லிணக்கத்தை உருவாக்குவதற்காக இந்த நடவடிக்கை எடுக்கப்படுவதாகவும் அதிபர் மாளிகை விளக்கம் அளித்துள்ளது.

ஈஸ்டர் ஞாயிறு தாக்குதல் அரங்கேற்றப்பட்டு ஒருவாரம் கடந்த நிலையில், இன்னும் இயல்பு நிலை திரும்பாததால் மக்கள் வீடுகளுக்குள்ளே முடங்கியுள்ளனர்.

இதனிடையே கேரளாவில் தேசிய புலனாய்வு முகமையினர் சந்தேகத்துக்குரிய 3 பேரின் வீடுகளில் சோதனை நடத்தியதுடன், அவர்களிடம் தொடர்ந்து விசாரணை மேற்கொண்டு வருகின்றனர்.

2016 ஆம் ஆண்டு கேரளாவைச் சேர்ந்த சிலர் ஐஎஸ் அமைப்பில் சிலர் சேர்ந்ததாக எழுந்த புகார் தொடர்பாக தேசிய புலனாய்வு முகமையினர் விசாரித்து வருகின்றனர். இதுதொடர்பாக கேரளாவின் காசர்கோடு மற்றும் பாலக்காடு பகுதிகளில் தேசிய புலனாய்வு முகமை அமைப்பினர் தீவிர சோதனை மேற்கொண்டனர். இதில் ஐஎஸ் அமைப்போடு தொடர்புடையதான சந்தேகத்தின் அடிப்படையில் 3 பேரை பிடித்து அவர்கள் விசாரித்து வருகின்றனர். மூவரில் இருவர் காசர்கோடு பகுதியைச் சேர்ந்தவர்கள் என்றும், ஒருவர் பாலக்காடு பகுதியைச் சேர்ந்தவர் என்றும் தெரியவந்துள்ளது. கைது செய்யப்பட்டவர்களிடம் இலங்கை குண்டுவெடிப்பு தொடர்பாக விசாரணை மேற்கொள்ளப்படும் என தகவல்கள் வெளியாகியுள்ளது.
First published: April 29, 2019
மேலும் பார்க்க
Loading...
அடுத்து செய்திகள்
Loading...