• HOME
  • »
  • NEWS
  • »
  • international
  • »
  • இந்தியா வந்தால் 3 ஆண்டுகளுக்கு சவுதி அரேபியாவுக்கு திரும்பி செல்ல முடியாது

இந்தியா வந்தால் 3 ஆண்டுகளுக்கு சவுதி அரேபியாவுக்கு திரும்பி செல்ல முடியாது

விமானம்

விமானம்

கொரோனா சிகப்பு பட்டியலில் உள்ள நாடுகளுக்கு செல்ல தடை விதிக்கப்பட்டுள்ளது.

  • Share this:
    இந்தியா (India) உள்ளிட்ட கொரோனா (Corona) பாதிப்பின் சிகப்பு பட்டியலில் உள்ள நாடுகளுக்கு சவுதி அரேபியர்கள் (Saudi Arabia) சென்று திரும்பினால் 3 ஆண்டுகள் பயண தடை விதிக்கப்படும் என அந்நாட்டு அரசு அறிவித்துள்ளது. கொரேனா வைரஸின் புதிய வகைகளை தடுக்கும் விதமாக இந்த அறிவிப்பு வெளியிடப்பட்டுள்ளது.

    இது குறித்து அந்நாட்டு உள்துறை அமைச்சக அதிகாரிகள் கூறுகையில், 2020 மார்ச் மாதத்திற்குப் பின்னர் கடந்த மே மாதம்தான் சவுதி குடிமக்கள் அனுமதியின்றி வெளி நாடுகளுக்குச் செல்ல அனுமதிக்கப்பட்டனர். அவர்களில் சிலர் விதிகளை மீறியுள்ளனர். தற்போது உருமாறிய கொரேனா வைரஸ் அச்சுறுத்தலாக இருப்பதால் கொரோனா சிகப்பு பட்டியலில் உள்ள நாடுகளுக்கு செல்ல தடை விதிக்கப்பட்டுள்ளது.

    அதன்படி, நேரடியாகவோ, வேறு நாடுகள் வழியாகவோ குறிப்பட்ட நாடுகளுக்குச் சென்றிந்தால், ங்கிருந்து சவுதி அரேபியாவுக்குச் செல்லக் கூடாது. அப்படி பயணித்து திரும்பினால் சட்ட நடவடிக்கை மற்றும் கடுமையான அபாரதம் விதிக்கப்படும். அத்துடன், 3 ஆண்டுகள் வெளிநாடுகளுக்கு பயணிக்க தடை விதிக்கப்படும் என்று தெரிவிக்கப்பட்டுள்ளது.

    சவுதி அரேபியாவானது இந்தியா, எத்தியோப்பியா, அர்ஜென்டினா, பிரேசில், எகிப்து, இந்தோனேசியா, லெபனான், பாகிஸ்தான், தென்ஆப்ரிக்கா, துருக்கி, வியட்நாம் மற்றும் ஐக்கிய அரபு எமிரேட்ஸ் உள்ளிட்ட பல நாடுகளுக்கு பயணம் செய்ய தடை விதித்துள்ளது.

    சவுதி அரேபியாவில், 2020ஆம் ஆண்டு தினசரி நான்கு ஆயிரம் பேருக்கு கொரோனா தொற்று ஏற்பட்டது. ஜனவரியில் அது நூறாக குறைந்தது. தற்போது இரண்டாம் அலையில் மீண்டும் நோய் பாதிப்பு ஆயிரங்களில் பதிவாகி வருகிறது. அதன்படி செவ்வாய் கிழமை 1,379 பேருக்கு கொரோனா பாதிப்பு இருப்பது கண்டறியப்பட்டுள்ளது.

    இந்நிலையில், உலகம் முழுவதும் கொரோனாவால் பாதிக்கப்பட்டவர்களின் மொத்த எண்ணிக்கை 19.59 கோடியை தாண்டியுள்ளது. அதன்படி உலகம் முழுவதும் தற்போது 19,59,31,275 பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனா பாதிப்பில் இருந்து இதுவரை 17 கோடியே 76 லட்சத்து 27 ஆயிரத்து 996 பேர் குணமடைந்துள்ளனர். மேலும் கொரோனாவில் இருந்து இதுவரை 41 லட்சத்து 92 ஆயிரத்து 199 பேர் உயிரிழந்துள்ளனர். கொரோனா தொற்றுக்கு தற்போது 1,41,11,080 பேர் சிகிச்சை பெற்று வருகின்றனர். இவர்களுள், 85,673 பேரின் நிலைமை கவலைக்கிடமாக இருப்பதாக தெரிவிக்கப்பட்டுள்ளது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்

    ஆஸ்திரேலியாவின் சிட்னி நகரில் டெல்டா வகை கொரோனா பரவியுள்ளது. அங்கே ஒரே நாளில் 177 பேருக்கு கொரோனா தொற்று இருப்பது உறுதி செய்யப்பட்டது. இதனால், அங்கே தொற்று பரவலைக் கட்டுப்படுத்த, ஒருமாத காலமாக ஊரடங்கு அமலில் உள்ளது. ஆயினும், தொற்று பரவல் முழுமையாக கட்டுக்குள் வரவில்லை. இதனால், மேலும் ஒருவாரத்திற்கு சிட்னி நகரில் ஊரடங்கு நீட்டிக்கப்பட்டுள்ளது.

    Must Read : அமைச்சர் மா.சு.வின் சலிக்காத கால்களுக்கு என் முத்தங்கள் - நாஞ்சில் சம்பத் வாழ்த்து

    இந்தியாவில், 24 மணி நேரத்தில் 43, 654 பேருக்கு கொரோனா தொற்று உறுதி செய்யப்பட்டுள்ளது. தொற்று பாதிப்பால் ஒரே நாளில் 640 பேர் உயிரிழந்துள்ளனர். நாட்டில் தொற்று பாதிப்பால் சிகிச்சை பெற்று வருபவர்களின் எண்ணிக்கை 3,99,436ஆக உள்ளது. கொரோனாவில் இருந்து ஒரே நாளில் 41,678 பேர் குணமடைந்துள்ளனர் என்பது குறிப்பிடத்தக்கது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Suresh V
    First published: