Home /News /international /

விபரீதத்தில் முடிந்த விளையாட்டு!! யூடியூப் லைவ்வில் உயிரிழந்த நபர்... பார்வையாளர்கள் அதிர்ச்சி!!

விபரீதத்தில் முடிந்த விளையாட்டு!! யூடியூப் லைவ்வில் உயிரிழந்த நபர்... பார்வையாளர்கள் அதிர்ச்சி!!

கோப்புப்படம்

கோப்புப்படம்

யூடியூப் லைவ்வில் சேலஞ்ச் செய்து 1.5 லிட்டர் வோட்கா குடித்த ரஷ்யர் ஒருவர், லைவ் ஸ்டீரிமிங்கில் இருக்கும்போதே உயிரிழந்ததால் பார்வையாளர்கள் அதிர்ச்சியடைந்தனர்.

கூகுள் நிறுவனத்துக்கு சொந்தமான யூடியூப் வீடியோ தளம் மூலம், உலகம் முழுவதும் பலர் ஆயிரங்களில் தொடங்கி கோடிகள் வரை வருமானமாக ஈட்டி வருகின்றனர். அதிகப்படியான பார்வைகள் (Views) கிடைக்கும் வீடியோக்களுக்கு கூடுதலான பணம் கிடைக்கும் என்பதால், பார்வையாளர்களை இம்பரஸ் செய்ய, யூடியூபர்கள் பல்வேறு முயற்சிகளை எடுக்கின்றனர். ஆனால், ரஷ்யாவில், யூடியூப் கலாச்சாரம் மிக மோசமான நிலையை எட்டியுள்ளது.  அங்கு பார்வையாளர்களிடம், யூடியூபர் பந்தயமிட்டுக்கொண்டு பார்வையாளர்கள் விரும்பும் வீடியோவை பதிவேற்றி வருகின்றனர். பார்வையாளர் விரும்பும் வீடியோவை பதிவேற்றினால், பந்தயமிட்ட தொகையை உடனடியாக யூடியூபருக்கு பார்வையாளர் கொடுக்க வேண்டும்.

இந்த பந்தயங்களில் கூடுதலான வருமானம் கிடைப்பதால், பல யூடியூபர்கள் விபரீதமான முயற்சிகளை எடுக்கின்றனர். கர்ப்பிணி பெண்களை மொட்டை மாடி உச்சியில் நிறுத்துவது, இளம் பெண்களிடம் பாலியல் சீண்டல்களில் ஈடுபடுவது, அதிவேகமாக வாகனத்தில் செல்வது போன்ற செயல்களை லைவ் ஸ்டீரிமிங்கில் செய்து வருகின்றனர்.

மேலும், சிலர் பிரத்யேகமான நபர்களை பிடித்துகொண்டு, தாங்கள் பார்வையாளரிடம் செய்த பந்தயதுக்கு ஏற்ப அவர்களை நடிக்க சொல்கின்றனர். இது உயிரிழப்பு வரை கூட சென்று முடிகிறது. அப்படியான ஒரு பந்தயம் தான் தற்போது விபரீதத்தில் முடிந்துள்ளது. யூடியூபர் ஒருவர் பார்வையாளரிடம் மேற்கொண்ட பந்தயத்தின்படி, 60 வயதான முதியவர் ஒருவரை வோட்கா குடிக்க வைத்துள்ளார். பார்வையாளர் பணத்தை அதிகரித்துக்கொண்டே சென்றதால், முதியவரையும் தொடர்ந்து அதற்கேற்ப குடிக்க வைத்துள்ளார். சுமார் 1.5 லிட்டர் வரை வோட்கா குடித்த முதியவர் யூடியூப் லைவ் ஸ்டீரிமிங்கிலேயே உயிரிழந்துள்ளார். அவர் உயிரிழப்பதை பார்வையாளர்கள் நேரலையில் பார்த்துள்ளனர்.

இது குறித்து வழக்குப்பதிவு செய்து காவல்துறையினர் விசாரித்தபோது, அந்த முதியவரின் பெயர் யூரி துஷெச்ச்கின் (Yuri Dushechkin) என்பது தெரியவந்தது. கிராண்பா (grandpa) என்ற பட்டப்பெயரில் அழைக்கப்படும் அவர், யூடியூபர்களின் பந்தயத்தை காசுக்காக நிறைவேற்றிக்கொடுப்பவர் என கண்டுபிடித்தனர். யூடியூபர் ஒருவர்அவரை அணுகி, லைவ் ஸ்டீரிமிங்கில் மது அல்லது ஹாட் சாஸை குடிக்க வேண்டும் என பந்தயமிட்டுள்ளார். அதனை ஏற்றுக்கொண்ட அவர், யூடியூப் லைவ் ஸ்டீரிமிங்கில் சுமார் 1.5 லிட்டர் வோட்கா குடித்து, லைவ் ஸ்டீரிமிங்கிலேயே இறந்துள்ளார்.

ALSO READ |  180 ஆண்டுகள் வாழ ஆசைப்பட்டு அமெரிக்கர் எடுத்துள்ள புதுவகையான முடிவு

இதனை பார்த்த பார்வையாளர்கள் அதிர்ச்சியடைந்துள்ளனர். முதியவரின் இறப்புக்குப் பிறகு, இதுபோன்ற யூடியூபர்களையும், அவர்களின் சேனல்களையும் தடை செய்ய வேண்டும் என அங்கு குரல்கள் ஒலிக்க தொடங்கியுள்ளன. செனட்டர் அலெக்ஸி புஷ்கோவ்(Alexey Pushkov) இத்தகைய யூடியூப் சேனல்களை தடை செய்ய வேண்டும் என வலியுறுத்தியுள்ளார். சில சமயங்களில் பந்தயங்களை செய்ய மறுப்பவர்கள் கொடுமைப்படுத்தப்பட்டு, யூடியூபர்களால் அடிக்கப்படுவதாகவும் கூறப்படுகிறது.
Published by:Sankaravadivoo G
First published:

Tags: Russia, Youtube, Youtube viewers

அடுத்த செய்தி