Home /News /international /

உக்ரைனில் இருந்து 2300 குழந்தைகளை ரஷ்யா கடத்தல்? - அமெரிக்க தூதரகம் குற்றச்சாட்டு

உக்ரைனில் இருந்து 2300 குழந்தைகளை ரஷ்யா கடத்தல்? - அமெரிக்க தூதரகம் குற்றச்சாட்டு

உக்ரைன்

உக்ரைன்

Russia Ukraine war : கெர்சன் நகரில் உணவு மற்றும் மருத்துவ விநியோகம் கிடைக்காமல் 3 லட்சம் பேர் பாதிக்கப்பட்டுள்ளதாக உக்ரைன் வெளியுறவு அமைச்சகம் தெரிவித்துள்ளது.

    டோனட்ஸ்ட் மற்றும் லூகான்ஸ்க் பிராந்தியங்களிலிருந்து 2 ஆயிரத்து 389 குழந்தைகளை ரஷ்யா கடத்திச் சென்றுள்ளதாக அமெரிக்க தூதரகம் குற்றம்சாட்டியுள்ளது. மரியுபோல் நகரிலிருந்து ஒரு லட்சம் பேர் வெளியேற முடியாமல் தவித்துவருவதாக உக்ரைன் துணை பிரதமர் தெரிவித்துள்ளார்.

    உக்ரைன் மீதான ரஷ்யாவின் தாக்குதல் 4-வது வாரமாக நீடித்து வருகிறது. பல்வேறு பகுதிகள் மீதும் ஏவுகணைகள் மூலம் ரஷ்யா தாக்கி வருகிறது. இந்நிலையில், டுவிட்டரில் பதிவிட்டுள்ள உக்ரைனில் உள்ள அமெரிக்க தூதரகம், ரஷ்யாவின் கட்டுப்பாட்டில் உள்ள லூகான்ஸ்க் மற்றும் டோனெட்ஸ்க் பகுதிகளிலிருந்து 2 ஆயிரத்து 389 குழந்தைகளை சட்டவிரோதமாக அழைத்துச் சென்றுள்ளதாகவும், இது கடத்தல் என்றும் குற்றம்சாட்டியுள்ளது.

    மரியுபோல் நகரிலிருந்து படைகள் வெளியேற வேண்டும் என்ற ரஷ்யாவின் அழைப்பை உக்ரைன் நிராகரித்தது. இதையடுத்து, அங்கு தாக்குதல் தீவிரமடைந்துள்ளது. அதேநேரம், மரியுபோல் நகரிலிருந்து ஒரு லட்சம் பேர் வெளியேற விரும்பினாலும், சரியான வழித்தடம் இல்லாததால், வெளியேற முடியவில்லை என்று துணை பிரதமர் இரினா வெரேஸ்சுக் கோரிக்கை விடுத்துள்ளார்.

    Also Read: சரணடையும் பேச்சுக்கே இடமில்லை - உக்ரைன் திட்டவட்டம்

    கெர்சன் நகரில் உணவு மற்றும் மருத்துவ விநியோகம் கிடைக்காமல் 3 லட்சம் பேர் பாதிக்கப்பட்டுள்ளதாக உக்ரைன் வெளியுறவு அமைச்சகம் தெரிவித்துள்ளது. இத்தாலி நாடாளுமன்றத்தில் காணொலி மூலம் உரையாற்றிய உக்ரைன் அதிபர் செலன்ஸ்கி, ரஷ்யாவின் தாக்குதலால், மற்ற நாடுகளிலும் பட்டினி ஏற்படும் அபாயம் இருப்பதாக தெரிவித்தார்.
    Published by:Ramprasath H
    First published:

    Tags: Children, Russia, Russia - Ukraine, Vladimir Putin

    அடுத்த செய்தி