இங்கிலாந்து பிரதமர் தேர்தல் : 4-வது சுற்றிலும் ரிஷி சுனக் தொடர்ந்து முன்னிலை

இங்கிலாந்தில் பிரதமர் போரிஸ் ஜான்சனுக்கு ஆளும் கன்சர்வேடிவ் கட்சிக்குள்ளேயே கடும் எதிர்ப்பு கிளம்பியது. இதனால், பிரதமர் பதவியிலிருந்து விலகுவதாக அவர் அறிவித்தார். இதனைத் தொடர்ந்து, புதிய பிரதமர் பதவிக்கு வர 8 எம்.பி.க்கள் விருப்பம் தெரிவித்தனர். இதையடுத்து, ஒவ்வொரு சுற்றுகளாக எம்.பி.க்கள் மத்தியில் வாக்கெடுப்பு நடைபெற்று வருகிறது. 4-வது சுற்று வாக்கு நேற்று நடைபெற்றது.

இந்திய வம்சாவளியைச் சேர்ந்தவரும், முன்னாள் நிதியமைச்சருமான ரிஷி சுனக் உள்ளிட்ட 4 பேர் களத்தில் இருந்தனர். இதில், 118 வாக்குகளைப் பெற்று ரிஷி சுனக் முதலிடம் பிடித்தார். மேலும், மோர்டான்ட் 92 வாக்குகளையும், டிரஸ் 86 வாக்குகளையும் பெற்றனர். 59 வாக்குகளை மட்டுமே பெற்ற கெமி வெளியேறினார்.

Also see... பிரிட்டன் பிரதமர் ரேஸ்சில் நாரயண மூர்த்தியின் மருமகன்.. யார் இந்த ரிஷி சுனக்?

கடைசி இரண்டு வேட்பாளர்களை இறுதி செய்வதற்காக இன்று மீண்டும் வாக்கெடுப்பு நடைபெறுகிறது. இதனைத் தொடர்ந்து, செப்டம்பர் 5-ம் தேதி நடைபெறும் தேர்தலில் கட்சியின் ஒரு லட்சத்து 60 ஆயிரம் உறுப்பினர்கள் வாக்களித்து பிரதமரை தேர்வு செய்வார்கள். இதில், ரிஷி சுனக்-குக்கு அதிக வாய்ப்பு இருப்பதாகக் கருதப்படுகிறது.